Jeremías 39:4 - La'aqtaqa Ñim Lo'onatac 'Enauacna 2013

⁴ Qaq so nta'a Sedequías qataq so nalleppi co'ollaq ila'a de'era qanayeuaigui, nache datauec ca'ai ye huaqta'a't nỹecpi. Pe co'ollaxa da jec somayepi, tateuga so nqa'aic maye taalec so lanaxanaqa' so nta'a, nache tachiviigui so lasom maye quichiguinguilo soua dos npaqtaxanaqa'ate, nache quetregue so nqa'aic maye taalec so ca'amegue ye Jordán.

Jeremías 39:4 Iomraidhean Croise

Amós 2:14

Huaña, nache ca ỹataqta qayaqaic qaica ca lle'eguenaqa' da datauec, qataq ca ỹataqta 'añaxaic, qaica ca la'añaxac, qataq cam ỹataqta qaramchigui ye lauel saishet da nca'alec.

2 Crónicas 32:5

Qaq so Ezequías ỹataqta huo'o da la'añaxac, nache no'oxoosheguem so npaqtaxanaxat, qataq nataqa'en no'oxoosheguem aso nalloxolatepi nalec naqa'en somaye, qataq ỹo'ot so npaqtaxanaxat pa'aỹauec. Qaq nataqa'en ỹaỹamaxaañi so lpaqtaxat so huaqta'a't nỹecpi maye lalamaxat so David, qataq damaxasoxoolec da qaỹo'ot aso qalota taquiaxaipi qataq aso npaqtaxanaqtepi.

Ezequiel 12:12

Qaq ñim lataxala' namayepi qalaq ỹasaxalec qome na lallac ca logoxoshetpi, qaq qom napalchiguiñi nache jec tachiviigui cam lauac ca mpaqtaxanaxat maye itagoxotec qome. Qaq qom jec nache ỹapotagui na lashec da yaqto' saishet da ilolec ne'ena 'alhua.

Deuteronómio 28:25

Qataq 'am loxonec naqa'en qome ca 'ampa'aguenaxauapi, na'aictaxa da qanaloichiguiñi da qanqo'oñiỹa da qanalaache' camayepi, qalaxaye qanlagaxacheetac qome da qauataiueeguesop camayepi. Nache 'enauac na ỹotta'a't shiỹaxauapi 'am ỹe'enai' qome.

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Isaías 22:11

Nache soua dos npaqtaxanaqa'ate ñichiguinguilo qanqa'en aso 'oonole 'etaxat laỹe' da yaqto' tategueua'a so 'etaxat maye chegoqtapegueuga aso togoshe laỹe' na 'etaxat. Qalaxaye saishet da qauamachiỹo'ot ñim ỹo'ot co'ollaxa 'enauac de'era, ñim nache 'eetai' soua qaỹoqteguelo vi'iye da lapaxañi damaye.

Jeremías 32:4

qaq ñi nta'a Sedequías saishet qome da ỹañoxot da naneltaxaneguet na caldeopi, nacherata da loxonec qome ñi nta'a ye Babilonia, nache nachaateua'a qome ñimaye.

Ezequiel 12:4

Qaq na'a'q laiñi qome, qataq 'am ỹauaachigui 'anqa'en 'enauac na shiỹaxauapi da 'anqatec na 'ogoxoshetpi da yaqto' qoca'ai ne'ena 'alhua, qaq qom avit nache nataqa'en 'am ỹauaachigui 'anqa'en 'enauac na shiỹaxauapi, da 'eeta'am da 'am qaỹauec da 'am qaicoñe'.

Isaías 22:3

Na 'arataxala'pi qalaq 'enauac da datauec, dataueeguesop na checnec qalaxaye noxonecpi. Nam 'analleppi maye 'añaxaicpi qalaq qaỹoqtegue da datauec, qalaxaye nache 'ena'am qaicoñerai'.

Isaías 29:2

qalaxaye ye Ariel saishet qome da sauo'o ca ldaqa', nache huo'o qome ca noinaxac qataq ca naquicoxo, nache yemaye 'eeta'am qome ñaqa'en aca laỹe' aca poqo maye huetalec aca nca'atoxonaxalate.

Jeremías 32:5

Nache ñi Nabucodonosor ỹauec qome ñi Sedequías ỹauega ye Babilonia, nache hueta'a qome yemaye choche ivitta'a ca na'a'q qom qaltaq seqocha'a. Qaq na'aictaxa qome da qauloqui' na caldeopi, qalaxaye qaica qome ca qarviye. Qaq 'era da ỹa'aqtac, Aỹem Nataxala'.›»