Jeremías 39:2 - La'aqtaqa Ñim Lo'onatac 'Enauacna 2013

² Qaq so na'a'q nueve, som ca'agoxoic cuatro som vi'i once da lo'onataxanaxac da nta'a so Sedequías, nache so alleppi maye pa'aguenaxauapi inoxoneua'a ye huaqta'a't nỹecpi,

Jeremías 39:2 Iomraidhean Croise

Jeremías 1:3

Qaq Ñim Nataxala', nataqa'en detaxaỹot somaye, co'ollaq so Joaquím maye llalec so Josías, do'onataxaatac da nta'a ye Judá, qataq ivitta'a da lo'onataxanaxac so Sedequías maye nataqa'en llalec so Josías, maye ivi' soua once vi'iye da nta'a ye Judá, damaye naigui da ivitta'a so ca'agoxoic cinco se'eso vi'i, co'ollaq so lma' ye Jerusalén noxonecpi nache qaỹauec.

Jeremías 32:1

Ñim Nataxala' detaxaỹot so Jeremías co'ollaq mashe ivi' soua diez vi'iye da lo'onataxanaxac so Sedequías da nta'a ye Judá, qaq so Nabucodonosor qalaq mashe ivi' dieciocho vi'iye da lo'onataxanaxac.

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Jeremías 37:8

Qaq na caldeopi qalaq ñe'eguelaq qome da iloquiaxan na huaqta'a't nỹecpi na Jerusalén, qaq loxonec qome, nache ỹegueua'a ỹauota'a ca norec.

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Ezequiel 33:21

Qaq co'ollaq mashe ivi' soua doce vi'iye da qomi' qaicoñettai'salo, nache so na'a'q cinco so ca'agoxoic diez, nache huo'o so ỹale maye datauec co'ollaxa chegaqa'a ye Jerusalén, anac nache aỹem da'aqtaxanem da ye huaqta'a't nỹecpi ye Jerusalén da loxonec so pa'aguenaxauapi.

Ezequiel 4:3

Qataq 'auacona ca lcat dapaxalec, nache 'auapoxona camaye da 'auapouga ye huaqta'a't nỹecpi, 'eeta'am 'anqa'en ca mpaqtaxanaxat, nache qonaña ye datatta ye huaqta'a't nỹecpi, 'eeta'am da huotaique da 'auloquiaxan. Qaq de'era nache la'anaxat qome da qaỹataỹa'aguet na Israel le'ecpi.

Ezequiel 5:2

Qaq qom ime da qailoquiaxaatac ye huaqta'a't nỹecpi, nache 'auavigaxat aca 'oonole que'ecaua tres 'aqtal cam 'araue, vichiguingui 'anqa'en na laiñi ye huaqta'a't nỹecpi, qaq da ime nache qaltaq 'auacona ca ỹeelonec, nache 'auchiigui aca lỹa que'ecaua tres 'aqtal, nache 'auconnaxaasop na loiguepi ye huaqta'a't nỹecpi, qaq aca no'onañi nache 'auasaxasheguem da yaqto' ỹache na la'at. Qaq Aỹem secanapec qome na shiỹaxauapi ne'ena huaqta'a't nỹecpi, ñasoqta'a ca ỹainec.

Sofonías 1:10

Ñim Nataxala', 'eeta': «Que'eca na'a'q qaỹa'axaỹa qome ca na'alaxac, da qaiỹaxanaique ca ntaunaxanaxac, huaña ñim ñegueuo maye le'enaxat Nỹaq, qataq cam na'alaxac maye chemaxaña ñi lỹa lasom, qataq huo'o qome ca lta'araic l-lamaxa cam hua'axañi chemaxaña añi lcomaraxalate.

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!