Jeremías 26:9 - La'aqtaqa Ñim Lo'onatac 'Enauacna 2013

⁹ ¿Ta'ainco' da 'aua'axattac da qonetega chegoqchigui da le'enaxat Ñim Nataxala' da ana atamnaxaqui 'eeta'am qome asom naña ye Siló, qataq ne'ena huaqta'a't nỹecpi dolagui qome nache qaica ca hueta'a shiỹaxauapi?» Nache 'enauac so nhuo' le'ecpi maye hueta'a aso atamnaxaqui coleesop so Jeremías.

Jeremías 26:9 Iomraidhean Croise

2 Crónicas 25:16

Qalaxaye co'ollaq ñaq detaqtac som la'aqtaxanaxanec Ñim Lo'onatac 'Enauacna, nache so nta'a 'enapega somaye, 'eeta': «¿Negue'to' ca 'am ỹanem co'ollaxa da 'am la'aqtaxanaxanec na nta'a? Ñaq 'aue'enaxaatai' taxa. ¿Qalqo' huotaique da 'am qaỹalauat?» Nache so na'aqtaxanaxanec saishet da qaltaq 'enapega, qalaxaye nacherata da 'eeta': «Aỹem saỹaten da Ñim Lo'onatac 'Enauacna 'am ilaxachigui qome, souaxat da 'auo'ot de'era, qataq saishet da 'aualaxaguet da iqataxac.»

Isaías 29:21

qataq nam nmaxalec naxa ca lỹa da 'eetega laataxanaxaic, qataq nam ỹatenachet naxa cam nmit na nasouaxashet, qataq nam datenataxan naxa da yaqto' ỹaneguet da qauem cam qaica ca lasouaxashet.

Jeremías 32:3

Cha'aye so nta'a Sedequías damaxasoxoolec co'ollaxa da qaicoñe', cha'aye so Jeremías 'enapec co'ollaxa: «Ñi Nataxala', 'eeta': ‹Aỹem so'ot qome da ne'ena huaqta'a't nỹecpi loxonec ñi nta'a ye Babilonia,

Jeremías 33:10

Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,

Jeremías 36:29

Ime, nache qoneta': 'Era da la'aqtac Ñim Nataxala': 'Am 'auavigaxat co'ollaxa aso nere, qataq 'auauotaique da 'auaconeua'a co'ollaxa so Jeremías, souaxat da ỹerelec asa'aso nere, da ñi nta'a ye Babilonia anac qome qaica ca iuatta'a, da yaqto' ilaxachigui ne'ena 'alhua, nache qaica naqa'en ca no'onañi na shiỹaxauapi, qataq nam shiguiỹacpi.

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Lamentaciones 4:13

Qaq 'eetec de'era souaxat nam lasouaxashetpi so na'aqtaxanaxanecpi, qataq nam qauem maye ỹo'otpi so ntaxaỹaxanaxanecpi, cha'aye icolde'c naua ltago'q nam no'on da lataxac huangui naqa'en na laiñi ye huaqta'a't nỹecpi.

Amós 5:10

Qaq qami' ye ỹataqta qanquiỹai nam iuettapeguelec da ỹaỹamaqchiguiñi lataxac, qataq qanquiỹai nam ỹa'axattac da 'eesa lataxac.

Miqueas 2:6

Nam saq 'en na'aqtaxanaxanecpi namayepi, 'eeta': Saishet qome da qaua'aqtaxañeetac, cha'aye saishet qome da qomi' taleguete ca qauem.

Mateo 21:23

Nache So Jesús huenoxoneua'a aso no'onaxanaxaqui late'erai. Qaq co'ollaq ña dapaxaguenataxaatac, nache nqo'oneua'a Somaye som lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som nqueroxonecpi maye lataxala'pi so judiopi. Nache inattac Somaye, 'eeta': –¿Negue't cam 'am ỹanem da 'ara'añaxac da huo'omshe 'auo'ot 'enauac de'era?

Mateo 27:20

Qalaxaye som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na shiỹaxauapi, somayepi ỹañoxot da ỹayen so hueta'a yi'iye, da yaqto' iỹaxanaua'a da qaisouec so Barrabás, qataq da yaqto' qaỹalauat So Jesús.

Marcos 15:11

Qalaxaye nam lataxala'pi na ntaxaỹaxanaxanecpi, namayepi ỹayena'a na shiỹaxauapi, da yaqto' iỹaxanaua'a da qaisouec so Barrabás.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Hechos 13:50

Qalaxaye nam judiopi detaxaỹot nam 'alpi maye 'amaqtaqaipi qataq quetague' da la'amqaanataxanaxac maye hueta'a yi'iye nỹecpi, qataq nataqa'en ỹañoxot da ỹayen nam ỹalleppi maye nataqa'en 'amaqtaqaicpi da yaqto' icanapec so Pablo qataq so Bernabé, da yaqto' quera'ai qanqa'en se'eso 'alhua.

Hechos 21:30

Nache 'enauac na shiỹaxauapi maye netaña so nỹecpi ỹataqta qalagaxa't, nqalgoqtagui. Nache qaỹaconeua'a so Pablo, qaỹauogonnaueegue da laỹe aso no'onaxanaxaqui late'erai. Nache ỹataqta saqaỹaloq da qaỹapoguilo naua laso'omi.

Hechos 22:22

Huaña, nache tachiguiña da saishet da qana'axaỹaxana. Nache so shiỹaxauapi ỹataqta ỹa'alaqtagui, 'eeta': –¡No'on da qaỹalauat de'era ỹale! ¡Saishet da nache 'eetai' da nca'altauec!

Hechos 3:11

Nache se'eso ỹale maye qanataren, somaye nache saishet da iỹotre'c soua Pedro qataq so Juan. Nache 'enauac na shiỹaxauapi nqalgoqta'a ca huetra'a soomaye maye le'enaxat nasom so Salomón, cha'aye ỹataqta huo'o da na'aalaxa, nache qaicoleesopa.

Hechos 5:12

Qaq ỹachegoxotchiguilo soua lamaxa'she So Jesús da Ñim Lo'onatac 'Enauacna queto'ot da ỹo'ottac nam sa qaỹauanapega qataq nam na'anecpi maye ỹo'ot da na'aalaxa da huaigui na shiỹaxauapi. Qaq 'enauaque naua na'axa'te da so ca'attague'pi So Jesús hueta'a so qaỹamata'ac nasom so Salomón.

Hechos 5:28

–Qomi' mashe ime da qami' seqataqtegalo da saishet da qauapaxaguenataxañic da na'aqtaguec So Jesús, qalaxaye qami' saishet da qomi' qaualaqaigueta. 'Enauac na Jerusalén da qaua'aqtaxañiiteguem So Jesús, ivira'a da qomi' qanmaqaileguete da qoñiitega da qomi' salauataq Somaye.

Hechos 6:14

Qomi' sa'axasoqchigui de'era ỹale da ỹa'axattac da So Jesús maye Nazaret le'ec, da nlaxaañi qome añi qui'itta qaro'onaxanaxaqui qataq naralaxat nam namaxasoxonaxacpi maye qomi' no'onaxata'agueta so Moisés.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.