Jeremías 26:12 - La'aqtaqa Ñim Lo'onatac 'Enauacna 2013

¹² Nache so Jeremías da'aqtaxanem so nataxala'pi qataq so nhuo' le'ecpi, 'eeta': «'Enauac nam mashe qaua'aqaichigui, nacheñi Ñim Nataxala' Ñim aỹem ỹamaxalec da sa'axata'a, cam talec qome ana'ana atamnaxaqui qataq ne'ena huaqta'a't nỹecpi.

Jeremías 26:12 Iomraidhean Croise

Jeremías 26:15

Qalaxaye qauaỹaañita da aỹem qaualauache, nache qami' qataq 'enauac nam netaigui ne'ena huaqta'a't nỹecpi, maiche qarasouaxashechi da qaualauache cam qaica ca lasouaxashet, cha'aye 'eesa da nacheñi Ñim Nataxala' Ñim aỹem ỹamaxalec da ỹataqta sa'axatta 'enauac ne'enapi.»

Jeremías 26:2

nache 'eeta': «'Anachaañi qome, qoua'a ye nqasoxoc añi atamnaxaqui nache 'aua'axat 'enauac nam 'am samaxalecpi da 'aua'aqtaxanem na shiỹaxauapi maye chegaqa'a nam huaqta'a't nỹecpi maye ỹotta'a't naua nañalo ye Judá, da naỹa añi atamnaxaqui da yo'oxonnataxan, nache qaica qome ca sa 'aua'axat.

Ezequiel 21:7

Qaq qom 'am qainat da ta'ainco' da 'anỹeetac, nache 'aua'axat dam na'axaỹaxac maye mashe yaqta'a da yo'oq, nache 'enauac qome na shiỹaxauapi ana 'alhua qaica ca la'añaxac, qataq ñaxanguilo naua lhuaxaye, nache qaica qome ca huo'o da 'enec qanqa'en, nache 'enauac qome na shiỹaxauapi cholaxa'n naua l-llecte souaxat da lcolanaxa. Qaq mashe ivita ye laloqo', qaq damaye yo'oq qome. Qaq 'era da ỹa'aqtac Aỹem Nataxala'.»

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Hechos 5:29

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.