Jeremías 26:10 - La'aqtaqa Ñim Lo'onatac 'Enauacna 2013

¹⁰ Qaq som nataxala'pi ye Judá co'ollaq ỹaỹaten de'era, nache chegoqchiguiña so lma' lta'araic so nta'a da taita aso atamnaxaqui, qaq co'ollaq ivitta som le'enaxat Dalaxaic Lasom nache nso'ooñi.

Jeremías 26:10 Iomraidhean Croise

2 Reyes 15:35

qataq somaye ỹo'ot co'ollaxa so ñegueuo lta'araic aso atamnaxaqui maye lalamaqte Ñim Nataxala'. Qalaxaye saishet co'ollaxa da nlaxaañi so qaỹoqotcheguema atamnaqa'pi, maye som nhuo' le'ecpi tasheguema naxa da ỹo'ot aso lachetaqtaxanaqtepi, qataq da ỹavigaxat so lchenaxanaxat.

2 Crónicas 27:3

Qaq so Yotán, nacheso som ỹo'ot so lasom lta'araic asom atamnaxaqui maye lalamaqte Ñim Nataxala', qataq ỹo'ot so qalota no'onataxat so npaqtaxanaxat ye Ofel.

Jeremías 20:2

nache damaxasoxoolec da qaiuaxan qataq qaicoñerai', qoỹanagui so ncoñetaxanaxat 'epaq maye naña so lta'araic nasom so Benjamín maye saqaỹapeque aso atamnaxaqui.

Jeremías 26:21

Qaq so nta'a Joaquim, qataq so ltauapi somaye qataq so nataxala'pi co'ollaq hua'aqchigui dam la'aqtac somaye, nache so nta'a huotaique da damaxasoxoolec da qaỹalauat. Qalaxaye so Urías co'ollaq ỹaỹaten de'era nache somaye huo'o da lcolanaxa, nache datauec taỹa ye Egipto.

Jeremías 26:24

Qaq so Ahicam, som llalec so Safán, detaqa co'ollaxa da npaxaalec so Jeremías, nache somaye ỹo'ot da saishet da qoỹaneguet somaye so nhuo' le'ecpi da ỹalauat.

Jeremías 34:10

Nache 'enauac so nataxala'pi qataq som shiỹaxauapi, ỹaỹamaxareeta se'eso aỹamaxataxac, nache ỹaxanec 'enauac so l-latacpi, nache saishet da qaltaq dequicto'ot da ỹamaqtac somayepi.

Jeremías 34:19

Qaq nam nataxala'pi na Judá qataq na Jerusalén, qataq nam 'amaqtaqaicpi ltauapi, qataq na ntaxaỹaxanaxanecpi, qataq 'enauac nam quichiguingui co'ollaxa na laiñi soua laỹel so huaca,

Jeremías 36:10

Nache so Baruc nqo'oneua'a so nqasoxoc lta'araic aso atamnaxaqui, nache ñichiguiña so Dalaxaic Lasom, qataq naloteuga so lo'onataxanaxaqui so Gemarías som llalec so Safán, nache so Baruc itaxaỹaxan aso nere maye huetalec na la'aqtacpi so Jeremías, hua'aqchigui naqa'en 'enauac so shiỹaxauapi.

Jeremías 36:25

Qaq so Elnatán, so Delaía qataq so Gemarías, nachoxoreetacoto co'ollaxa so nta'a da saishet da ỹavigaxat aso nere, qalaxaye so nta'a saishet da ỹalaq,

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Ezequiel 22:6

Na nta'alpi na Israel maye 'am netaigui, qalaq do'ogoxona da la'añaxac, qalaxaye nacherata da ỹo'ottac lalaataxanaxac.