Jeremías 22:3 - La'aqtaqa Ñim Lo'onatac 'Enauacna 2013

³ Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Jeremías 22:3 Iomraidhean Croise

2 Samuel 23:3

Ñim Natamnaxala' na Israel le'ecpi detaqa, Ñim mpaxattalec na Israel le'ecpi, aỹem 'enapega, 'eeta': ‹Ca nta'a maye ilo'ogue na shiỹaxauapi, da no'on da lo'onataxanaxac, qataq huo'o naq 'enec naqa'en Ñim Lo'onatac 'Enauacna,

2 Reyes 24:4

qataq souaxat da icoraxatrec naua ltago'q som shiỹaxauapi maye qaica ca ỹasouaxat, nache nlaxalec naqa'en ye Jerusalén na ntago'q. Qaq ỹoqo'oye Ñim Nataxala', saishet da ỹapalaxat na lasouaxashet somayepi.

Da na'aqtaguec so Job 22:9

Ana pa'ai qalaq qaica ca 'aỹa'anem, qataq ỹataqta 'anhuotta na qaicaua caua lta'al.

Da na'aqtaguec so Job 24:9

Na qauemaicpi qalaq nqateeguesop da l-llepaxac na qaica ca lta'a, qaq na choxoraqpi qalaq ipatanauo naqa'en na lalamaxat.

Salmos 68:5

Ñim Lo'onatac 'Enauacna maye netaña añi qui'itta lalamaqte atamnaxaqui, Ñimaye nacheñi ñi lta'a na qaicaua caua lta'al. Qataq nacheñi ñi iueettapeguelec ana pa'aipi.

Salmos 82:4

Qaỹa'añim da huesochiguiñi na qaica ca la'añaxac qataq na choxoraq, qataq qaỹe'eltaxañeeguet na qauemaicpi.

Salmos 94:21

nam dataỹa'aguet na shiỹaxauapi maye no'on da lataxac, qataq ỹaneguet da l-leuaxa na qaica ca ỹasouaxat.

Salmos 94:6

Qataq ỹalauat ana pa'aipi qataq na chegaqauecpi, qataq ỹalauat na qaicaua caua lta'al.

Éxodo 22:21

Saishet qome da sa qauyacñiỹapec qataq qavi'iñiỹai' ca chegaqauec, cha'aye qami' nataqa'en qauachegoqỹauec, qauachoqỹa'a co'ollaxa ye Egipto.

Éxodo 22:22

Saishet qome da sa qauyacñiỹapec aca pa'aipi qataq ca saploqpi,

Proverbios 23:10

Saishet qome da 'anqochenaxat ana togoshaapec na'anaxanaqtepi, qataq saishet da 'anamataxaalec da 'auacona ca na'alhua ca qaicaua caua lta'al,

Proverbios 6:17

na'ai'te maye na'amqaanaxaiqa, qataq nachaxat maye shepecaic, qataq nhua'q maye ỹalaua't ca qaica ca ỹasouaxat,

Isaías 1:23

Na 'arataxala'pi ỹataqta qauemaicpi qataq nauochaxaua na cachaxaicpi. 'Enauac da nmitta'a da nmeela't, qataq nmitta'a da qaỹauo'o na nmepi. Saishet da ỹo'otec ca ỹaỹamaqchiguiñi lataxac ca saploq, qataq saishet da huapegue' da itauan aca pa'ai.

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Isaías 58:7

qataq 'aỹa'anem ca laỹe ca 'oq cam huo'o na lqouaxa, qataq ca qaica ca lma' qalaq 'auaconeguet da naua'a ca 'arma', qataq ca qaica ca logoxot qalaq 'aỹa'anem ca logoxot, qataq saishet da 'axanec da 'autauaatac cam qoneta'am 'arỹa.

Jeremías 19:4

Cha'aye na Israel le'ecpi aỹem ca'ai, nache ỹo'ot da 'eco' ỹaqa'a ne'ena 'alhua, nache huaña naqa'en namaye da ỹanot na lchenaxanaxat maye ama na laita nam ỹaqa'a atamnaxala'pi, maye namayepi qataq so hua'au lta'alpi, qataq so nta'alpi na Judá, saỹauatton, qataq nlaxattelec namaye na ltago'q som shiỹaxauapi maye qaica ca ỹasouaxat.

Jeremías 21:12

Qataq 'auqata nam chegoxoguet so David da Ñim Nataxala' 'eeta' da la'aqtac: Qauo'oche qome 'enauaque naua na'axa'te ca nalochiguiñi lataxac, qataq qausoiuec nam qarcoñeteguishequi, cha'aye da saiuena'a da souaxat da qauem qaro'onataxanaxaqui, nache 'eroigui da ỹalemataic 'eeta'am ca norec, qataq nalaqaasheguem, nache qaica ca ishet da ỹalamat.

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Jeremías 26:16

Nache so nataxala'pi qataq so nhuo' le'ecpi 'enapega so ntaxaỹaxanaxanecpi qataq so na'aqtaxanaxanecpi, 'eeta': «De'era ỹale qaica ca lasouaxashet, cam ỹo'ot da ishet da qaỹalauat, cha'aye dam qomi' da'aqtaxaateguema damaye chegoqo'ot Ñim Nataxala' maye Qanatamnaxala'.»

Jeremías 5:28

qataq chaxaraicpi, qataq ño'oxonnaxaicpi. Nam qauem maye ỹo'ottacpi qalaq qaica ca loga't, qataq saishet da ỹo'otec ca nalochiguiñi lataxac nam saploqpi, qataq saishet da iueelec nam choxoraqpi.

Jeremías 7:23

Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Jeremías 9:24

Qaq da huo'o ca huotaique da na'amaqten qalaq iuen da na'amaqten souaxat da Aỹem ỹauatton, qataq ỹaỹaten da nachaỹem maye Aỹem Nataxala', maye sauota'a da isoxoyec da so'onataxaatac ana 'alhua, qataq so'ot da nalochiguiñi lataxac qataq da no'on lataxac, cha'aye nachera dam saỹamaxareeta. Qaq 'era da ỹa'aqtac, Aỹem Nataxala'.»

Lamentaciones 3:36

qataq da qaỹashaxanec da ỹaỹamaqchiguiñi lataxac da huo'o ca qaỹo'ot, nache damaye ỹataqta saỹaỹamaxaren Ñim Nataxala'.

Ezequiel 18:12

qataq saỹaỹamaxatapec ca choxoraq qataq cam huo'o da lhuenaxanaxa, qataq decachiỹot na laỹepi, qataq sa ỹe'eguelaxatot ca lỹa cam nogoxoshet maye qaipatano'ot co'ollaxa, qataq ỹa'amaqten nam atamnaxala'pi maye saq'en, qataq da ỹo'ot nam lataxacpi maye seqaiga,

Ezequiel 18:7

qataq saishet da saỹaỹamaxatapec ca lỹa, nacherata da ỹe'eguelaxatot cam lalamaxat ca lỹa maye qaipatano'ot co'ollaxa, qataq qaica ca decachiỹot, qataq ỹachet cam huo'o na lqouaxa qataq ỹanema caua alogo ca huetauec,

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Ezequiel 45:9

Aỹem Nataxala' shenapec: ¡Nache tachiguiña qome qami' nta'alpi na Israel! ¡Saishet qome da qoquiito'ot da qaica ca qaureñi, qataq da qarhuotaxanaxaqui! ¡Qauo'onataxañiỹa qome da nalochiguiñi, qataq da ỹaỹamaqchiguiñi lataxac! ¡Qaỹa'axañiiñi da qaucacheetega na na'alhua na ỹalamaxat nhuo' le'ecpi! Qaq 'era da ỹamaxasoxonaxac, Aỹem Nataxala'.

Joel 3:19

Nache ye Egipto ỹataqta nlachiguiñi qome, qaq ye Edom ỹe'eguelaxa da toolec 'alhua, souaxat da iloquiaxan co'ollaxa na Judá le'ecpi, qataq hualec naqa'en ye na'alhua namayepi, da icolde'c naua ltago'q nam qaica ca ỹasouaxat.

Levítico 19:15

Saishet da huo'o ca qaỹo'ot sa ỹaỹamaxañi lataxac da qanmit ca huo'o ca lasouaxashet. Qataq saishet da qaiueelec ca choxoraq, huo'otaq ca sallaxanec. Nacherata da qaỹo'ot ca ỹoqta nalochiguiñi lataxac.

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Amós 5:24

Qalaxaye da ỹaỹamaqchiguiñi lataxac 'eeta'am qanqa'eñi qome ca llec na 'etaxat da ipaxanec, qataq da no'on lataxac 'eeta'am qanqa'eñi ca chochaq tatec npaxaatasheguem 'etaxat.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Mateo 23:23

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi qataq qami' fariseopi maye qoñiitega da qami' 'eesora! ¡Qami' tenataxanaxaicpi! Ỹataqta huo'o da qanpogoxoinaxaqui da qaỹa'añiiuo da qarachetaqtaxanaqche añi 'oonole laue ana diez ana nalecnaxanaqte maye le'enaxat menta, qataq anís, qataq ana comino maye qa'añiguishe, qalaxaye qami' saishet da qaualaqaigueta naua lapaxaguenataxanaxaco nam nqataxacpi maye ỹoqta iue'n da qaỹalaxaleguete maye, 'eeta': da no'on nataxac, qataq da qaichoxoren ca nỹa, qataq da qaỹalaxaguet Ñim Lo'onatac 'Enauacna. Qaq ne'enaua tres nachenaua naua iue'n da ỹataqta qaỹo'o't, qalaxaye saishet da nache sa qaỹalaxalec na laỹepi namaxasoxonaxacpi.

Deuteronómio 10:18

Ñimaye iueelec ca saploq, qataq aca pa'ai, qataq ichoxoren ca ỹaqa'a ca chegaqa'ague qataq ỹanem ca aloq qataq ca logoxot.

Deuteronómio 24:17

Saishet qome da qauo'ochec ca sa ỹaỹamaxañi ca ỹaqa'a ca chegaqa'ague, qataq ca saploq, huo'otaq da qauacoñiỹa ca lpatanec lapo' aca pa'ai.

Deuteronómio 24:7

Qaq da huo'o ca qaỹauanalec Israel le'ec da decachiỹa ca maiche lauo' le'ec da ỹauo'o l-latac, huo'otaq imen, nache que'eca cachaxaic qaỹalauat. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Deuteronómio 25:1

Qaq da huo'oi caua shiỹaxau' da ncotatega't, nache iuen da tareua'a cam huaña da huo'o ca qancotaỹapigui, nache ca nmit na nasouaxashetpi nmi't caamaye, nache camaye ỹa'axat negue't cam qaica ca ỹasouaxat. Qaq ca huo'o ca lasouaxashet, nache qaỹo'ot ca nhuaxanaguec.

Deuteronómio 27:19

Ỹataqta qauem qome ca talec nhuaxanaguec ca shiỹaxaua da sa ỹaỹamaxatapec ca chegaqauec, huo'otaq ca saploq, huo'otaq aca pa'ai. Nache 'enauac qome na nhuo' le'ecpi, 'eeta': Aja', nache 'eetec.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.