Jeremías 22:2 - La'aqtaqa Ñim Lo'onatac 'Enauacna 2013

² qom 'auatato'ot ñi nta'a ye Judá maye nso'ootangui añi nso'onaxaqui so David qataq nam 'amaqtaqaicpi ltauapi qataq shiỹaxauapi maye hueta'a ye huaqta'a't nỹecpi, nache qoneta': ‹Ña qana'axaỹaxañiỹa da la'aqtac Ñim Nataxala'.

Jeremías 22:2 Iomraidhean Croise

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Isaías 1:10

Qami' nataxala'pi ye Sodoma ña qana'axaỹaxañiỹa da la'aqtac Ñim Nataxala', qami' nhuo' le'ecpi maye qarmaye ye Gomorra ñaq qana'axaỹaxañiichigui da qami' ỹapaxagueneque Ñim Qanatamnaxala'.

Isaías 28:14

Qaq qami' ỹalleppi maye qaica ca qaureñi, maye qauloitague' na nhuo' le'ecpi na Jerusalén, ña qana'axaỹaxañiỹa da la'aqtac Ñim Nataxala'.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Jeremías 13:18

«Qonapega qome ñi nta'a qataq añi nate'e, qoneta': ‹Qaunocheeguesop añi so'onaxaqui, nache qanso'oñiỹa'aguet na 'alhua, cha'aye ana aro'o maye ỹo'oxoreetac na 'arqaic mashe naañi.›

Jeremías 19:3

Nache qoneta': ‹Qami' nta'alpi na Judá, qataq qami' maye qoviita'a na Jerusalén, qana'axaỹaxañiỹa de'era la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': Aỹem ñamaxa qome ca ỹataqta lta'araic lchec ne'ena nma', qaq 'enauac qome cam hua'axaỹa da qaỹa'axat camaye, nache dauaxanguilo naua ltela lauaco.

Jeremías 22:1

Ñim Nataxala' aỹem 'enapega, 'eeta': «Jeremías, ña 'anqo'ona qome ñi lma' lta'araic ñi nta'a, nache huaña qome da 'aua'axat de'era ỹa'aqtac

Jeremías 22:4

Qaq da qauo'oche de'era maye qami' samaxaleguete, nache queta qome da huo'o ca nta'alpi da nso'ongui añi nso'onaxaqui so David, nache camayepi ỹauota'a qome ana nnaigonapi qataq na caipi da tateua'a na lasompi ne'ena nma' lta'araic, nnaictague' na ltauapi qataq na nhuo' le'ecpi.

Jeremías 29:20

Qaq qaualaqaigueta qome naua ỹa'aqtaqa 'enauac qami', maye qami' ñeqateeguesopa co'ollaxa na Jerusalén da qami' sauegalo ye Babilonia.

Jeremías 34:2

«Aỹem Nataxala' maye Natamnaxala' na Israel le'ecpi, 'am samaq da 'anqo'oneua'a ñi Sedequías maye nta'a na Judá, nache qonapega, qoneta: 'Eeta' da la'aqtac Ñim Nataxala': Aỹem so'ot qome da ñi nta'a ye Babilonia loxonec ne'ena huaqta'a't nỹecpi, nache ỹavigaxat qome.

Jeremías 36:30

Qaq ỹoqo'oye aỹem Nataxala', 'am shenapega 'am Joaquím maye 'am nta'a na Judá, na 'am chegoxoguetpi qaica qome ca nso'ongui añi nso'onaxaqui so David. Da 'aro'ocỹaxac qalaq hueta'aguet qome na ntap ye na'a'q, qataq ana aloñi ye pe,

Jeremías 7:2

«Qonaña qome ye ñegueuo añi atamnaxaqui maye lalamaqte Ñim Nataxala', qaq nache huaña yemaye da 'aua'axat de'era na'aqtac, qoneta': 'Enauac qami' maye qoviita'a na Judá maye qananaiteua'a naxa ne'ena lasom da qavio'oxoyeñi Ñim Nataxala', ñaq qana'axaỹaxañiỹa dam la'aqtac

Ezequiel 34:7

Qaq ỹoqo'oye qami' qagueta lo'opi, ñaq qana'axaỹaxañiichiguilo naua ỹa'aqtaqa.

Amós 7:16

Qaq ỹoqo'oye nagui 'ana'axaỹaxana da la'aqtac Ñim Nataxala', cha'aye 'am qonapec: ‹Saishet da 'aua'axata'a ca qauem da talec na Israel le'ecpi, qataq da 'auataỹa'aguet na chegoxoguetpi so Isaac.›

Lucas 1:32

Que'eca nogotolec ivira'a qome da ỹataqta 'amaqtaqaic, qataq camaye qome da nỹaxanataguec 'eeta' «Llalec Ñim Lo'onatac 'Enauacna maye 'amaqtaqaic.» Qaq Ñim Lo'onatac 'Enauacna ỹanagui qome camaye da Nta'a, 'eeta'am naqa'en som David maye chegoxoguet.