Jeremías 21:4 - La'aqtaqa Ñim Lo'onatac 'Enauacna 20134 da Ñim Nataxala' maye Natamnaxala' na israel le'ecpi, 'enapec: ‹Aỹem so'ot qome da qoshe na 'analleppi maye deloctague' ñi nta'a ye Babilonia qataq nam caldeopi maye pa'ataueegue da laỹe na mpaqtaxanaxat da qami' coleesopa. Qataq so'ot na 'analleppi da ỹe'eguenoigui qome na huaqta'a't nỹecpi. Faic an caibideil |
Qaỹa'aqtega na na'alaxacpi lamaqteguelec aye qasoxonaxapi, 'eeta'am da la'alaxac ca qalota shiỹaxauapi. Qataq qaỹa'aqtega da l-lamaxa na ỹotta'a't shiỹaxauapi, nam nhuo' le'ecpi maye laỹootega't. Qaq Ñim Nataxala' maye Qaica ca Ỹaqalanapec naloqna't na le'enaxatpi nam nalleppi maye lhuotta da nalat.
Qaq que'eca na'a'q Ñim Nataxala', laỹona't qome 'enauac na ỹotta'a't shiỹaxauapi da yaqto' iloquiaxan na Jerusalén. Nache loxonec qome na huaqta'a't nỹecpi, qataq nqatec na huetaigui na nma'pi, qataq ncat nam 'alpi, nache tachiguingui na laiñi qome ca ỹauec namayepi, qalaxaye cam no'onañipi, qalaq nache netalec qome ne'ena 'alhua.
Ñim Nataxala' saiuooneguet aso lca'atoxonaxalate namayepi, qataq ỹo'otan so lpe'l. Qataq ỹaneguet da lhuaqỹaxac so npa'aguenaxauapi da nlaxaañi so npaxattaua'a som lta'araic nỹecpi, nache somayepi ỹa'alaqtagui huetaigui aso atamnaxaqui maye lalamaqte Ñim Nataxala', 'eeta'am ye na'a'q da huo'o na na'ashaxac.
qataq 'enauac som nataxala'pi maye ltauapi so nta'a ye Babilonia, pa'auo nache naña ñim lasom lta'araic maye ỹataqta ñegueuo. Qaq som pa'auopi, nacheso so Nergal Sarezer, qataq so Samgar Nebo, qataq so Sarsequín som 'amaqtaqaic nataxala' som lma' lta'araic so nta'a, qataq so lỹa Nergal Sarezer som nataqa'en 'amaqtaqaic som nta'alpi.
Cha'aye Ñim Nataxala', 'enapec: ‹Nagui 'am she'eguelaxata qome da huo'o da 'arcolanaxa, qataq na 'anauochaxauapi, qataq 'auauaachigui qome na 'ampa'aguenaxauapi da ỹalauat na 'anauochaxauapi irolec ca ỹeelonec. Aỹem saneguet qome 'enauac nam hueta'a na Judá, da lhuaqỹaxac ñim nta'a ye Babilonia, qaq ñimaye ỹauega qome namayepi ye Babilonia, huo'otaq da ỹalauat irolec ca ỹeelonec.
Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»