Jeremías 2:2 - La'aqtaqa Ñim Lo'onatac 'Enauacna 2013

² «Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Jeremías 2:2 Iomraidhean Croise

Salmos 129:1

Aỹem, ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec qaq nagui na Israel le'ecpi ishet da 'enapec.

Éxodo 14:31

Nache so Israel le'ecpi co'ollaq ỹauaachigui da lta'araic la'añaxac Ñim Nataxala' maye ỹo'otec so Egipto le'ecpi. Huaña, nache ỹa'aldoto naua l-llecte Ñim Nataxala', nache ỹataqta ỹa'amaqten Ñimaye, qataq so lamaxashec Moisés.

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Proverbios 1:20

Naua nqa'aico qataq naua naponaqa'ate, nache huañalo da qaỹa'axaỹa de'era naỹaanec.

Cantares 3:11

Qami' 'alpi maye qarma'ai na Sión, ¡ña qampa'aiuec qome qaualliguet na nta'a Salomón! ¡Ten mashe qoỹanaxanaxangui ana naro'o da nta'a, maye lo'onata aso late'e co'ollaq ivita so na'a'q da huaron, so na'a'q maye ỹataqta machiguiñi da lquiyaqteỹaxac.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Jeremías 11:6

Qaq huaña nache Ñim Nataxala' aỹem 'enapega 'eeta': 'Aua'axat de'era na'aqtac da huaña nam huaqta'a't nỹecpi maye ỹotta'a't naua nañalo ye Judá, qataq naua nqa'aico ye Jerusalén. Qonapega na shiỹaxauapi, qoneta': «Ñaq qana'axaỹaxañiỹalo naua na'aqtaqa maye huetaiguilo de'era aỹamaxataxac, qaq ime nache qaualaqaileguete.

Jeremías 19:2

Qaq ime, nache 'anqo'oneuga so ca'amegue ye Ben Jinón, maye datateguet ñim lasom maye pa'aigue da nala' lliguisheguem, qaq huaña qome yemaye, nache 'aua'axat da ỹa'aqtac maye 'am sa'axatem qome.

Jeremías 2:1

Ñim Nataxala' aỹem 'enapega, nache 'eeta':

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Jeremías 3:4

Qaq ñaq cheta'ague da Aỹem 'autaxaỹa naxa qoneta': ‹'Am ita'a, 'Am ñauochaxaua co'ollaq ñaq aỹem nsoqolec›,

Jeremías 7:2

«Qonaña qome ye ñegueuo añi atamnaxaqui maye lalamaqte Ñim Nataxala', qaq nache huaña yemaye da 'aua'axat de'era na'aqtac, qoneta': 'Enauac qami' maye qoviita'a na Judá maye qananaiteua'a naxa ne'ena lasom da qavio'oxoyeñi Ñim Nataxala', ñaq qana'axaỹaxañiỹa dam la'aqtac

Ezequiel 16:22

Qaq 'enauac nam ỹataqta qaiqaiga 'auo'ottacpi, qataq da 'arquisheguetaxac, nachena na ỹo'ot da 'aucoua'ai da 'eetec co'ollaq ñaq 'am nogotole, qataq co'ollaq imauec da qouetauec, qataq 'ancocatapigui na 'artago'q.

Ezequiel 16:60

Qalaxaye Aỹem ñetoueeta'ac som ñaỹamaxataxac maye 'am so'otec co'ollaq ñaq 'am qa'añole, qataq so'ot qome ca ñaỹamaxataxac maye chochaq tatec da 'am ñaỹamaxate'.

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Ezequiel 23:19

Qalaxaye asomaye nache queto'ot da nquigaxattauec da lquisheguetaxac, iuennate soua na'axa'te co'ollaq ñaq qa'añole, co'ollaq hueta'a ye Egipto da nquishestac,

Ezequiel 23:3

Qaq chegoqchiguiña co'ollaq ña qa'añolel se'esoua dos 'alo, nache nañaareguet da nquisheguetaxac, co'ollaq huaña ye Egipto nache nasheete' da qaipotta'ape naua ltete, qaq huaña nache deqat so nnogotshe'c.

Ezequiel 23:8

Qaq nache chegoqta'a co'ollaq hueta'a ye Egipto, nache nañaneguet da nquisheguetaxac, nache saishet da ỹaxaañi damaye. Qaq nache chegoqta'a co'ollaq ñaq qa'añole da qalota som lauañe'pi, qataq ipottac ana ltogue, nache iqataqchet so nnogotshec qataq ỹaneguet da quisheguetaxac.

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Oseas 2:15

Huaña, nache she'eguelaxatot qome aye lañiguishe uva, qaq ye ca'amapega't ye Acor, nache llegueuo qome ñaqa'en da naquitaxac. Huaña qome nache do'onaxaatac, 'eeta'am co'ollaq ñaq qa'añole, 'eeta'am da 'eetec so na'a'q co'ollaq ca'ai ye Egipto.

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.

Oseas 2:7

Qataq icaateguiñi' qome nam nquisheshaxauapi, qalaxaye saishet da ivi', qataq nmittaique, qalaxaye saishet da ỹanata. Huaña, nache 'eeta': «Aỹem she'eguelaxa ca hua'auchiguiñi ihua, cha'aye co'ollaq sooto'ot, nache ỹataqta saỹamaqchiguiñi, qaq saq 'ena'am nagui.»

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Mateo 11:15

Da ỹoqta 'eesa da huo'oi naua qartelai lauacolli' ¡qaq no'on da ỹataqta qana'axaỹaxañiichiguiñi!

Lucas 12:13

Nache huo'o so shiỹaxaua maye hueta'a yi'iye 'enapega So Jesús, 'eeta': –'Am Napaxaguenataxanaq, qonapega ctaxa ñi ỹaqaỹa da icolaxachigui da nsallaxa maye qomi' no'onaxata'agueta co'ollaxa so qarta'a.

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Deuteronómio 33:3

Ñim Nataxala' ỹauotec na lalamaxat nhuo' le'ecpi, qataq ntela'a na nañanotpi Ñimaye, qataq na ỹalaxaguet, qataq na ỹo'ot na lamaxasoxonaxacpi.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Apocalipsis 2:4

Qalaxaye ñaqaiyeta huo'o da sa saỹamaxaren da qoneta, cha'aye mashe saishet da ỹoqta 'eesa da Aỹem 'auauotec, saq 'ena'am dam hua'auchiguiñi 'arauotaxanaqtaic Aỹem can ñaq cheta'ague da 'aua'amqaanataxan.