Génesis 7:4 - La'aqtaqa Ñim Lo'onatac 'Enauacna 2013

⁴ Cha'aye qom inoxoorec caua siete na'axa'te, nache anac ñaqa'en ca auot, maye huaiguilo caua cuarenta na'axa'te qataq cuarenta pe' da anactac camaye. ¡Sapalaxat qome 'enauac nam huo'o da lca'alaxa maye ỹo'onatacpi, nam netalec ana 'alhua!»

Génesis 7:4 Iomraidhean Croise

Génesis 2:5

nache saxanaxa co'ollaxa da huo'o aca ñaxat ana qo'oipaq qataq na 'auaqpi, cha'aye Ñim Nataxala' saxanaxa da ỹauo'o ca auot da yaqto' talec ana 'alhua, qataq saxanaqca ca ishet da do'onataxaalec.

Génesis 6:13

nache 'enapego' so Noé, 'eeta': «Mashe iuennataxac da imeuo ñaqa'en 'enauac na shiỹaxauapi. Cha'aye souaxat na lasouaxashetpi namayepi, nache ana 'alhua ỹataqta qalota da loquiaxac, qaq ỹoqo'oye ñelaxaañi qome namayepi, qataq 'enauac ana 'alhua.

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Génesis 6:3

Qalaxaye Ñim Nataxala' 'enapeco': «Saishet da sa'aqta'a ca shiỹaxaua da nache 'eetai' da nca'altauec, cha'aye camaye choche lapat. Qaq ỹoqo'oye sanem qome da ivi' caua ciento veinte vi'iye da nachaalataxac.»

Génesis 6:7

Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Génesis 7:10

Qaq co'ollaq inoxoorec soua siete na'axa'te, nache so auot lta'araic talec ana 'alhua,

Génesis 7:12

Qaq cuarenta na'axa'te, qataq cuarenta pe' da anactac so auot da tateguelec ana 'alhua.

Génesis 7:17

Qaq se'eso auot lta'araic, iviraxattrec soua cuarenta na'axa'te da anactac, tateguelec ana 'alhua. Qaq co'ollaq nquictasheguem so 'etaxat, nache aso notaxaqui nyiisheguem, nache huaỹoxootapigui'.

Génesis 7:3

Qataq nataqa'en 'auaconeua'alo caua siete nauaxaỹaxau' nam ỹotta'a't maỹopi, yaqto' nache 'eetai' saishet da daqat da lataxac da netalec ana 'alhua.

Génesis 8:10

Qaq so Noé, qaltaq iuata'a co'ollaxa da inoxoorec soua siete na'axa'te, nache qaltaq ỹachaxanec so qoto'.

Génesis 8:12

Qaq so Noé, qaltaq iuata'a da inoxoorec soua lỹa't siete na'axa'te, nache qaltaq ỹamaq co'ollaxa so qoto'. Qalaxaye huaña nache so qoto' saishet da ỹe'eguelaq.

Génesis 8:2

qataq napogui na lliguisheguempi so 'etaxat maye chegaqangui aso qaỹoqchiguingui auaxai, qataq nataqa'en napogui na llecpi na 'etaxat na piguem. Qaq co'ollaq vi'iiguet so auot,

Da na'aqtaguec so Job 22:16

Qalaxaye somayepi saqaỹaloq co'ollaxa da ileu, 'eeta'am ca ỹache na la'auataxa so tala da mpaxaasheguem.

Da na'aqtaguec so Job 28:25

Qataq ỹo'ot co'ollaxa da la'añaxac na la'at, qataq ỹauo'o so loga't na 'etaxat,

Salmos 69:28

'Auapalaxat na le'enaxatpi maye nanettalec aca lmalate da nca'alaxa, saishet da 'aualecnoigui aca le'enaxat lmalate na no'on da lataxac.

Jeremías 28:16

Qaq ỹoqo'oye Ñim Nataxala', 'eeta': ‹Aja', Aỹem 'am samaq, qalaxaye 'am samaq da yaqto' 'am sapalaxat ana'ana 'alhua. Qaq nachena ne'ena vi'i, nache 'am 'aleu, cha'aye 'auo'otec ne'ena shiỹaxauapi da Aỹem dataỹa'aguet.›»

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.

Apocalipsis 3:5

Qaq nam saishet da iqallem na lqalaiguesat qataq saishet da ỹaxanec da lpi'iỹaxac Aỹem, nache sanaxanaxanguilo caua alogo lapagaxaiqa, qataq saishet da sapalaxat ca le'enaxat maye nanettalec aca nere maye naneraxalate na qanca'alaxatec. Qataq sa'axatem Ñim Ita'a qataq na lamaxashecpi maye do'onataxaatacot Ñimaye.