Génesis 7:1 - La'aqtaqa Ñim Lo'onatac 'Enauacna 2013

¹ Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

Génesis 7:1 Iomraidhean Croise

Génesis 6:18

Qalaxaye Aỹem, 'am ñaỹamaxate' qome, qaq aca 'annotaxaqui inoxooroigui qome naua 'aỹa'alqa, 'arhua, 'aratel qataq 'am.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

Génesis 7:13

Qaq nacheso se'eso na'a'q, da so Noé inoxonoigui aso notaxaqui, lỹatreuo soua llalqa, Sem, Cam qataq Jafet, qataq aso lhua, qataq soua tres latel.

Génesis 7:7

Qaq huaña co'ollaxa nache inoxonoigui aso notaxaqui, lỹatreuo soua llalqa, lhua, qataq soua latel, da yaqto' naneltaxaareguet so auot lta'araic.

2 Samuel 22:24

Ñimaye aỹem ỹauaachigui da ỹaỹamaqchiguiñi da ỹataxac, qataq sevita'aguet da so'ot ca qauem.

Proverbios 10:9

Ca ilotague' da llecỹaxac camaye qaica ca ñe'etaique, qaq ca qauem da llecỹaxac qalaq qauem ca loga't.

Proverbios 14:26

Da huo'o naq 'enec qanqa'en Ñim Nataxala', nachera da ỹo'ot da 'eesa naqa'en da aquitaxac qataq npaxattalec na ñalaqpi.

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Ezequiel 14:14

Qaq que'eca 'alhua, taxa da netraña soua Noé, Daniel qataq so Job, nache se'esoua tres, nachesouate' taxa da nca'alde'c, souaxat da ỹo'ottrac co'ollaxa da nalochiguiñi lataxac. Qaq 'era da ỹa'aqtac Aỹem Nataxala'.

Sofonías 2:3

Qanmichiỹaique Ñim Nataxala', 'enauac qami' maye qaica ca qara'amaqchequi ana 'alhua, qami' maye qaualaqaiguet nam namaxasoxonaxacpi. Qanmichiỹaique da nalochiguiñi lataxac, qataq saishet da qana'amaqchiñi, cha'aye saiuena'a da qoñeetec de'era, nache qanca'alleeuec, cam na'a'q maye huaigui ca layeloxo Ñim Nataxala'.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Lucas 17:26

Qaq Aỹem Shiỹaxaua Llalec qom ñe'eguelaq, nache na shiỹaxauapi da lataxac, 'eeta'am co'ollaq so na'a'q maye huetaigui so Noé.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Hebreos 11:7

So Noé huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye Ñimaye da'aqtaxanem co'ollaxa cam saxanaxa da yo'oq, nache somaye ỹalaq qataq ỹa'ara't aso nnotaxaqui late'erai maye quiguingui na 'etaxat, da yaqto' ishet da nca'alec so llalaqpi. Qaq souaxat da so Noé huo'o da lpi'iỹaxac Ñim Lo'onatac 'Enauacna, nache somaye ỹaconeguet da lqouagaxanaqtaic Ñimaye maye ỹami' cam ỹa'amaqten Ñimaye. Nataqa'en chegoqchigui da lpi'iỹaxac Ñim Lo'onatac 'Enauacna so Noé da ỹo'oteguet na shiỹaxauapi maye huetalec ana 'alhua da qaỹauo'o ca nhuaxanaguec.

1 Pedro 3:20

Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.