Génesis 40:4 - La'aqtaqa Ñim Lo'onatac 'Enauacna 2013

⁴ Nache se'eso lataxala' so nhuataxauapi so nta'a, ipataxalec co'ollaxa so José da ilo'oguelo se'esoua dos ltau' so nta'a, nache soomaye ỹataqta qaỹoqteguelo soua na'axa'te da netraigui aso ncoñetaxanaxaqui.

Génesis 40:4 Iomraidhean Croise

Génesis 37:36

Qaq so madianiitapi co'ollaq ivita ye Egipto, nache imen so José, imenot so ỹale maye le'enaxat Potifar. Somaye nacheso so ltaua so faraón maye nta'a ye Egipto, qataq lataxala' som nauaatalecpi so nta'a.

Génesis 39:1

Qaq som Ismael llalaqpi ỹauec co'ollaxa so José, ỹauega ye Egipto, qaq huaña yemaye nache desheenaxana somaye so lma' ye Egipto maye le'enaxat da Potifar maye ltaua so Faraón, qataq lataxala' so alleppi maye nauaatalec naxa somaye.

Génesis 40:3

nache icoñe't soomaye, ỹamaxalo so lma' som ilotague' so nhuataxauapi so nta'a, maye naña aso ncoñetaxanaxaqui. Qaq asomaye nachaso aso netaigui so José da qaicoñettai'.

Génesis 40:5

Qaq huo'o so pe, nache se'esoua dos ncoñetegui'she, som ỹomaxaqui lo'o qataq so nauole lo'o, soomaye huo'o so lchoxonaxa'c, qaq ñi 'oonolec se'esoua nchoxonaxaco, huo'o da naigui.

Génesis 42:17

Nache so José icoñe't 'enauaque soomaye, ivittrec soua tres na'axa'te.

Salmos 37:5

Ỹataqta 'aumato'ot qome da 'anachaalataxac Ñim Nataxala', ỹataqta 'aupi'iỹa'a Ñimaye, nache Ñimaye anac qome da 'am itauan.