Génesis 40:3 - La'aqtaqa Ñim Lo'onatac 'Enauacna 2013

³ nache icoñe't soomaye, ỹamaxalo so lma' som ilotague' so nhuataxauapi so nta'a, maye naña aso ncoñetaxanaxaqui. Qaq asomaye nachaso aso netaigui so José da qaicoñettai'.

Génesis 40:3 Iomraidhean Croise

Génesis 39:1

Qaq som Ismael llalaqpi ỹauec co'ollaxa so José, ỹauega ye Egipto, qaq huaña yemaye nache desheenaxana somaye so lma' ye Egipto maye le'enaxat da Potifar maye ltaua so Faraón, qataq lataxala' so alleppi maye nauaatalec naxa somaye.

Génesis 39:20

qaq huaña nache ỹaconeua'a so José da icoñi', ime nache damaxasoxoolec da qoỹanaigui aso ncoñetaxanaxaqui, asom netaigui so lcoñeteguishecpi so nta'a. Qaq na'aictaxa da so José netaigui aso ncoñetaxanaxaqui,

Génesis 39:22

ỹoqo'oye ipataxalec da ilo'ogue 'enauac so ncoñeteguishecpi. Qaq so José nacheso som damaxasoxoolec naxa da huo'o na qaỹo'ot da huaña yemaye,

Génesis 39:23

qaq som ilotague' aso ncoñetaxanaxaqui, saiuen da nmittac som ilotague'pi so José, cha'aye Ñim Nataxala' hueta'aguet somaye, qataq nacheñi Ñim ỹo'ot da ỹaỹamaqchiguiñi 'enauac nam ỹo'otpi somaye.

Génesis 40:4

Nache se'eso lataxala' so nhuataxauapi so nta'a, ipataxalec co'ollaxa so José da ilo'oguelo se'esoua dos ltau' so nta'a, nache soomaye ỹataqta qaỹoqteguelo soua na'axa'te da netraigui aso ncoñetaxanaxaqui.

Génesis 41:10

Cha'aye 'am faraón, co'ollaq 'aualemataỹa so lataxala' so nauole lo'opi qataq aỹem maye aỹem 'aramaxashec, nache qomi' 'auamaxaiguilo añi ncoñetaxanaxaqui maye naña ye lma' som lataxala' nam 'am nauaatalecpi.