Génesis 4:8 - La'aqtaqa Ñim Lo'onatac 'Enauacna 2013

⁸ Qaq huo'o so na'a'q, nache so Caín icoyeguen so lqaỹa Abel da yaqto' tareuga so no'onaxa. Qaq co'ollaq mashe huetrauga so no'onaxa, nache so Caín iloquiaxan so lqaỹa Abel, nache ỹalauat.

Génesis 4:8 Iomraidhean Croise

Génesis 4:25

Qaq so Adán qaltaq ỹe'eguelaxalec da hue'eguet co'ollaxa aso lhua, nache asomaye huo'o so llalec, nache ỹanagui da le'enaxat Set, cha'aye 'enapeco': «Ñim Lo'onatac 'Enauacna, aỹem ỹanem na lỹa ỹalec da nmeneguet naqa'en so Abel, som ỹalauat so Caín.»

2 Samuel 14:6

Qaq ana'ana 'arlata 'am nta'a, anamaye dos co'ollaxa soua llalqa, qaq huauga so no'onaxa nache nhuaxaatega't co'ollaxa soomaye, qalaxaye qaica ca ỹauaaleguete da yaqto' isoguilo, nache so 'oonolec soomaye ique'emaqchet so lỹa, nache ỹalauat.

2 Samuel 3:27

Qaq co'ollaq nvireua'a ye Hebrón so Abner, nache so Joab ỹauegueuga ye 'oonolec laỹe ye ñegueuo so huaqta'a't nỹecpi, cha'aye 'eetega huotaique da ndote' da na'aqtaxane' nache huaña co'ollaxa yemaye da ipalaique lvi' so Joab, nache ỹa'attoiguilo naua lchishe'ete so Abner nache ỹalauat, souaxat da ỹalauat co'ollaxa so Asael.

2 Crónicas 21:4

Qalaxaye so Jorán co'ollaq mashe naỹamaxalec da lo'onataxanaxac so lta'a, nache ỹalaua't soua lqaỹa't irolec so ỹeelonec, qataq nataqa'en huo'oi soua ỹalaua't nataxala'ate ye Israel.

Nehemías 6:2

Nache so Sambalat, qataq so Guesén, aỹem namaxa so la'aqtac 'eeta': Sauoqtaique da 'am setaxaỹaqapegue' qalaxaye huo'o qome ca sachaqaña ca qartaxaỹaxac, huaña ye nhuoreuapi nma'piolec ye ca'amegue Onó. Qalaxaye da 'eetapeguec somayepi huotaique da aỹem ỹo'otec ca qauem.

Da na'aqtaguec so Job 11:15

huaña nache da 'armeenaxanaxac qui'itta, da huo'o ca 'auamata'a qataq ỹataqta qaica ca 'am iraxanai', qataq qaica ca 'añe'etaique.

Salmos 139:19

'Am Ñatamnaxala', 'anqat qome da nachaalataxac na qauemaicpi, 'auỹoteuga qome da sheeta 'enauac na laataxanaxaicpi,

Salmos 36:3

Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.

Salmos 55:21

Naua la'aqtaqa qalaq isotta'ape 'eeta'ama na da'añiỹa'a't huaca lche', qalaxaye naua lhuennataxaco nda'a't da nalaataxac. Do'onataxanalo naua la'aqtaqa isotta'ape 'eeta'am na aceite, qalaxaye naamaye da llaxa 'eeta'am na ỹeelonec.

Oseas 4:2

Nacherata da ỹapacauec na saq 'en maye ỹan la'aqtacpi, qataq da latenataxanaxac, lalaataxanaxac, lcachaxac, qataq da lauatapiguiñi' ana sa lhua, qataq da qaica ca iren.

Miqueas 7:6

Cha'aye cam ñalec, qaica qome ca 'enec naqa'en ca lta'a, qaq aca ñale dataỹa'aguet qome aca late'e, qataq aca nate dataỹa'aguet qome aca lachoro, nache na npa'aguenaxauapi ca shiỹaxaua nachena nam netaña ca lma'.

Números 35:20

Qaq da huo'o ca ỹamaxañi huo'otaq ỹasaq ca lỹa souaxat da nquiỹatega, nache da ileu naqa'en camaye,

Mateo 23:35

Qaq ỹoqo'oye qami' qome qarasouaxashechi da nalaataguec 'enauac nam no'on da lataxac maye huetalec ana 'alhua, chegoqchiguiña da l-leuaxa so Abel, choche ivitta'a da l-leuaxa so la'aqtaxanaxanec Ñim Lo'onatac 'Enauacna le'enaxat Zacarías som llalec so Berequías. Se'eso na'aqtaxanaxanec qaualauache co'ollaq vichiguinguilo na laiñi ye netaña añi no'onaxanaxaqui late'erai qataq añi nca'atoxonaxalate.

Lucas 11:51

chegoqchiguiña co'ollaxa da l-leuaxa so Abel, choche ivitta'a da nalaataguec so na'aqtaxanaxanec Zacarías, som qaỹalauat co'ollaq vichiguingui ye laiñi añi no'onaxanaxaqui late'erai yem naña añi nca'atoxonaxalate. Qaq ỹoqo'oye ỹataqta 'eesa de'era qami' sa'aqtaxanema, da 'enauac da qoñiita huo'o ca qanhuaxanaguiiqui souaxat de'era nleuaxa somayepi.

Lucas 22:48

Nache So Jesús 'enapego': –Judas, ¿'am 'anapigoxoi' Aỹem Shiỹaxaua Llalec da 'auauotaique da Aỹem 'aỹa'aneuo?

Hebreos 11:4

So Abel huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye aso ỹan lachetaqtaxanaqte ỹataqta no'on, saq 'ena'am so ỹan so Caín. Qaq ỹoqo'oye Ñim Lo'onatac 'Enauacna ỹamata'ac da ỹataqta no'on ỹale so Abel, nache ỹaconeguet aso lachetaqtaxanaqte. Qaq na'aictaxa da mashe ileu so Abel, qalaxaye ñaq queta da qanapaxaguenataguec chegoqchigui da lpi'iỹaxac somaye Ñim Lo'onatac 'Enauacna.

Hebreos 12:24

Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.