Génesis 4:4 - La'aqtaqa Ñim Lo'onatac 'Enauacna 2013

⁴ Qaq nataqa'en so Abel ndoua'a Ñim Nataxala' so ỹataqta 'onaxaic la'auaxanec llalaqpi aso lalo qaguetapi. Qaq Ñim Nataxala' ỹataqta ỹamaateguet so Abel, qataq aso lachetaqtaxanaqte,

Génesis 4:4 Iomraidhean Croise

Génesis 15:17

Qaq co'ollaq mashe pe, qataq napalñi, nache yo'oq aso qatelaxanaxaqui maye nchetapiguisheguem, qataq aso ncoỹaraxanaxaqui 'ettaigui, nache quetapiguingui na laiñi soua shiguiỹac maye qaichiiguilo na laiñi.

Génesis 4:3

Qaq co'ollaq qaỹoqteguelo soua na'axa'te, nache huo'o so na'a'q da so Caín ndoua'a Ñim Nataxala' aso lachetaqtaxanaqte, ỹachegoxotaigui da lo'onataxanaxac na 'alhua.

1 Reyes 18:24

Huaña, nache qami' qauỹaxañiỹot qome nam qanatanaxala'aipi, qaq aỹem qalaq seỹaxanot Ñim Nataxala'. Qaq cam Atamnaxala' maye ỹasat da namaq ca norec, qache nacheca ca ỹataqta 'eesa Atamnaxala'. Nache 'enauac se'eso nhuo' le'ecpi, 'enapeco': ¡Aja', ỹaỹamaqchiguiñi da qonapec!

1 Reyes 18:38

Huaña, nache Ñim Nataxala' anacot so norec, nache ỹavigaxat so nachetaqtaxanaxat, qataq so 'epaqpi, ivira'a so coma'pi, qataq so namoxoỹaxa, qataq deqaxaỹañi naqa'en so 'etaxat maye huetangui so nsherec.

1 Crónicas 21:26

Qaq so David, nache ỹaachiguiña somaye da no'oxoosheguem aso nca'atoxonaxalate maye lalamaqte Ñim Nataxala', nache huaña da ỹaneuo so lachetaqtaxanaxat qaỹavigaxatta qataq aso lachetaqtaxanaqte qanhuaachigui. Ime, nache iỹaxanot Ñim Nataxala', nache Ñim Nataxala' ỹasateguet somaye, nache namaq so norec chegoqtot na piguem nache talec naqa'en aso nca'atoxonaxalate maye qaỹachalec naxa nam nachetaqtaxanaxat qaỹavigaxatta.

2 Crónicas 7:1

Qaq so Salomón co'ollaq ime da natamnaxac, nache anac so norec chegoqo'ot na piguem, nache ỹavigaxatta so nachetaqtaxanaxat qaỹavigaxatta, qataq so laỹepi nachetaqtaxanaxatpi, huaña nache da llo'oxoyec Ñim Nataxala' ỹataqta imattaigui aso atamnaxaqui.

Salmos 20:3

Qataq Ñimaye ntoueeta'ac qome 'enauac ana 'arachetaqtaxanaqte, qataq ỹaỹamaxareeta da ỹaconeguet ca 'auavigaxat 'arachetaqtaxanaxat.

Éxodo 13:12

nache qami' qaỹa'añiỹot qome Ñim Nataxala' 'enauac na la'auaxanec qaỹa'alquipi ỹalleppi, nataqa'en 'enauac na la'auaxanec llalec ỹale nam qareloipi, cha'aye 'enauac namayepi lalamaxat Ñim Nataxala'.

Proverbios 3:9

Huo'o naq 'enec 'anqa'en Ñim Nataxala' maye chegoqo'ot da 'arsallaxa, qataq 'aỹa'anem ca la'auaxanec ala ca 'añiguishecpi,

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Números 16:15

Nache so Moisés ỹataqta dalemata, nache 'enapega Ñim Nataxala', 'eeta': ¡Saishet qome da 'auaconeguet da 'Am ndoua'a aca lachetaqtaxanaqte namayepi! Cha'aye aỹem, saishet da sacona ca 'oonolec 'ashena maye lalamaxat namayepi, huo'otaq da so'otec ca qauem.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 18:12

Qataq ana la'auaxana 'ala na nañiguishec ye vi'i, maye Aỹem ndoua'a na Israel le'ecpi, nache 'am sanem nataqa'en na ỹataqta no'on aceite, lataxa, qataq na trigo.

Números 18:17

Qalaxaye ca la'auaxanec llalec ana huaca, qagueta, qataq na quetaq, saishet da huo'o ca lasheue da nmeneguet 'anqa'en. Cha'aye namaye qaiỹotauga da ỹalamaxat, nache qaỹalauat qome, qaq na ltago'q, nache qaiquetegaxaalec añi nca'atoxonaxalate, qaq na lcheta qaỹavigaxat da nachetaqtaxanaxat, yaqto' da ama laitaỹaxac ỹamaateguet Ñim Nataxala'.

Hebreos 11:4

So Abel huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye aso ỹan lachetaqtaxanaqte ỹataqta no'on, saq 'ena'am so ỹan so Caín. Qaq ỹoqo'oye Ñim Lo'onatac 'Enauacna ỹamata'ac da ỹataqta no'on ỹale so Abel, nache ỹaconeguet aso lachetaqtaxanaqte. Qaq na'aictaxa da mashe ileu so Abel, qalaxaye ñaq queta da qanapaxaguenataguec chegoqchigui da lpi'iỹaxac somaye Ñim Lo'onatac 'Enauacna.

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Jueces 6:21

Huaña nache so nale piguem le'ec Ñim Nataxala', ỹauota'a so lsheenec aso nashelte maye nasoqta'a da nhuoiguet naqa'en so lapat, qataq aso nauole 'ayiiña. Nache se'eso coma' chegaqaigui so norec, nache somaye ỹataqta chipchiguiñi nataqa'en so lapat qataq aso nauole 'ayiiña, huaña nache so nale piguem le'ec Ñim Nataxala' 'eco' da quiguiñi.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.