Génesis 4:12 - La'aqtaqa Ñim Lo'onatac 'Enauacna 2013

¹² Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Génesis 4:12 Iomraidhean Croise

Génesis 4:13

Qaq huaña, nache so Caín ỹasateguet Ñim Nataxala', 'eeta': «Aỹem, saishet da ñalo'oguet de'era lta'araic ñeuaxanaguec.

Génesis 4:14

Nagui aỹem 'auo'orauec da sheca'ai ne'ena 'alhua, qaq chochaq tatec qome da secoleeteguelec ana 'alhua qaica ca ñemataxac, nache qaỹoqtaique da qoneta. Qaq da nache 'eetec de'era, nache camachaqca ca aỹem natenalec, nache aỹem ỹalauat.»

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Salmos 109:10

Nache chochaq tatacra' ca llalaqpi qataq dashelaxaatac, qataq ca'ai qanqa'en ca mashe nlaguiñi lma' da nmitaique ca aloq.

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Oseas 9:17

Qaq ne'ena nhuo' le'ecpi saishet da ỹalaxaguet Ñim Ñatamnaxala', ỹoqo'oye Ñimaye ỹo'orauec qome namayepi, huaña nache namayepi nsomaxaatapigui' qom ỹalectaigui na ỹotta'a't shiỹaxauapi.

Joel 1:10

Qaq na no'onaxapi ỹataqta toolec qataq na 'alhuapi deqaqta, nache qaica na trigo qataq na lataxa qataq imeuo na aceite.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Levítico 26:20

Qataq shaco' da qana'añaxachiitac da qauo'ocheetac ca qana'alhuai, ye camaye qaica ca lañaxataxac, qataq aca qo'oipaqpi ca no'onaxa qaca aca ala.

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Romanos 8:20

Cha'aye 'enauac nam lo'onatacpi Ñimaye, ỹataqta sa ỹaỹaten ca 'eetec, qalaxaye saishet da lasouaxashet, cha'aye Ñim Lo'onatac 'Enauacna maiche lhuennataxac. Qalaxaye ana 'alhua ñaqauo'o da naquitaxac

Deuteronómio 28:15

Qalaxaye da saishet da 'aualaxaguet Ñim Nataxala' maye 'Anatamnaxala', qataq da saishet da 'auo'ot 'enauac na lamaxasoxonaxacpi, qataq na lqataxacpi maye 'am samaxalec nagui da 'auo'ot, nache 'am talec qome 'enauac ne'ena qauem 'anhuaxanaguecpi: