Génesis 4:10 - La'aqtaqa Ñim Lo'onatac 'Enauacna 2013

¹⁰ Nache Ñim Nataxala', 'enapego' somaye, 'eeta': «¿Ta'ainco' da 'auo'ot de'era? Cha'aye naua ltago'q so 'arqaỹa, maye 'aucoreleguete ana 'alhua, aỹem ỹa'alaqto'oto da so'oteque ca nalochiguiñi lataxac.

Génesis 4:10 Iomraidhean Croise

Hebreos 12:24

Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.

Hebreos 11:4

So Abel huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye aso ỹan lachetaqtaxanaqte ỹataqta no'on, saq 'ena'am so ỹan so Caín. Qaq ỹoqo'oye Ñim Lo'onatac 'Enauacna ỹamata'ac da ỹataqta no'on ỹale so Abel, nache ỹaconeguet aso lachetaqtaxanaqte. Qaq na'aictaxa da mashe ileu so Abel, qalaxaye ñaq queta da qanapaxaguenataguec chegoqchigui da lpi'iỹaxac somaye Ñim Lo'onatac 'Enauacna.

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Salmos 72:14

Qataq nca'alaxateeguesop ca ipataqtañi qataq saiyacnapec namayepi, qataq da nloquiaxanataguec, cha'aye ỹaỹaten da ỹataqta huo'o naq naigui da nachaalataxac.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Salmos 9:12

Ñim Lo'onatac 'Enauacna, saishet da icoua'ai na huo'o da nqui'ic, qataq saishet da icoua'ai da nnoinaxac namayepi.

Números 35:33

Qataq saishet da qana'axache qome ca 'alhua maye qoñiỹalec, cha'aye na ntago'q nachena na na'axat na 'alhua, cha'aye naua qaicoldec ntago'q saishet da iqui'itaxat, nachaqcata ca icolde'c co'ollaxa caua ntago'q maye ishet da iqui'itaxat da qaỹalauat camaye, nache ishet da qui'itta naqa'en.

Da na'aqtaguec so Job 16:18

¡Qaq 'am 'alhua, saishet qome da 'auapoleguete naua itago'q! Qataq saishet da 'auapolec da iỹaxanaxac,

Génesis 9:5

Aỹem qami' sevitaqna'agueta naua ltago'q ca shiỹaxaua qataq ca shiguiỹac. Cha'aye ñi 'oonolec shiỹaxaua senat qome, ca 'eetec naqa'en da nachaalataxac ca 'eeta'am lỹa.

Salmos 50:21

Qaq 'ena 'enauac na 'auo'otpi, qalaxaye aỹem she'emaqtom, qaq peta'a 'aupi'itaxaatega da 'am sheeta'am. Qalaxaye nagui ỹataqta 'am seviraxato'ot, nagui saỹamaxaayiñi naua 'arasouaxashe'ete.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Da na'aqtaguec so Job 24:12

Qataq ỹataqta qaỹoqta na huaqta'a't nỹecpi, qalaxaye qaỹa'aqtega da la'alaxac na ileetapigui'pi maye netaigui, qataq ỹataqta na'alaqtapiguiñi da nỹeetac na que'emaxaicpi, qalaxaye Ñim Lo'onatac 'Enauacna saishet da hua'axaỹa da natamnaxac.

2 Reyes 9:26

‹Aỹem, shecait sauaachigui so ltago'q so Nabot, qataq so llalaqpi somaye, qaq nache sheetec qome da huaña ñaqa'en ne'ena 'alhua da 'am talec ñaqa'en ca 'anhuaxanaguec, souaxat de'era 'auo'ot. Qaq 'era da ỹa'aqtac, Aỹem Nataxala'.› Qaq ỹoqo'oye, 'auacoosop ye Jorán, nache 'auasaxauga ye na'alhua so Nabot, yaqto' ipacchigui da la'aqtac Ñim Nataxala'.»

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Génesis 18:20

Qaq huaña nache Ñim Nataxala' da'aqtaxanem somaye, 'eeta': «Ye shiỹaxauapi maye lma' ye Sodoma qataq ye Gomorra, ỹataqta qauem da na'aqtaguec, qataq da lasouaxashet ỹataqta lta'araic.

Génesis 3:13

Nache Ñim Lo'onatac 'Enauacna maye Nataxala', inat aso 'alo, 'eeta': «¿Ta'ainco' da 'auo'ot de'era?» Nache asomaye ỹasat, 'eeta': «So na'araxanaq aỹem ỹatenachet, ỹoqo'oye sachec aso ala ara'ara qo'oipaq.»

Hechos 5:9

Nache so Pedro 'enapego' asomaye, 'eeta': –¿Ta'ainco' qami' ye qanasachiigui co'ollaxa da qauatenachichi So Saqcha'a La'añaxac Ñim Qarataxala'? Ñaq 'aula'a, 'enauacha'agueta naua nso'q maye cheta'ague da ima't da ilalyiñi so 'arhua, naamaye nataqa'en nagui 'am ilayiñi.

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Deuteronómio 21:1

Qaq yi'iye 'alhua maye qami' ỹanema qome Ñim Nataxala' maye Qanatamnaxala'ai, da huo'otaq huo'o ca qailalec nalaatac da sa qaỹaỹaten negue't ca ỹalauat,

1 Samuel 13:11

qalaxaye so Samuel 'enapega somaye 'eeta': ¿Ta'ainco' ye 'auo'oto' de'era? Nache so Saúl 'enapeco': Qomye sela'a da mashe inoictauec da jec so shiỹaxauapi, souaxat da saishet da 'anvi' nache saishet da 'aupacchigui som 'araloqnec, qataq ye filisteopi mashe laỹoota'a't hueta'a ye Micmas,

2 Crónicas 28:9

Qalaxaye huo'o so la'aqtaxanaxanec Ñim Nataxala', le'enaxat Obed, maye ca'ata'aguet so alleppi co'ollaq mashe inoxooteua'a ye Samaria, nache 'enapega, 'eeta': Ñim Nataxala' maye Natamnaxala' so hua'au qarta'ailpi, dalemataỹa na Judá le'ecpi, ỹoqo'oye ỹaneguet namayepi da qarhuaqỹaxaqui, qalaxaye qami' qaualauache, qauroilec da ỹataqta lta'araic qarayeloxoi maye iviro'ot na piguem.

Salmos 9:13

'Am Nataxala' aỹem 'auchoxoren qome, ñaq 'aumeten na aỹem ỹachoxoreetacpi qataq aỹem nquiỹatega, ñaq aỹem 'anqateeguesop ñi lasom da nleuaxa.