Génesis 34:3 - La'aqtaqa Ñim Lo'onatac 'Enauacna 2013

³ Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

Génesis 34:3 Iomraidhean Croise

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 34:4

Qaq huaña nache detaxaỹot so lta'a Jamor, 'eeta': «'Onaxaic da qojec da 'auquiguiỹaua'a aña'añi qa'añole. Cha'aye sauotaique da saroneguet añimaye.»

Génesis 50:21

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

2 Samuel 19:7

Qaq ỹoqo'oye nagui, no'on da 'anachaatec, nache 'aua'añaqchet na 'analleppi. Cha'aye qom saishet da 'auo'ot de'era, nache aỹem sanot da ỹa'aqtac Ñim Nataxala', da ne'ena pe, qaica ca choche 'oonolec ca 'am no'ona'aguet ne'ena 'analleppi. Qaq de'era nachera da ỹataqta napactelec 'enauac na qauempi maye qouaigui co'ollaq ñaq 'am nsoqolec, ivitta'a nagui.

2 Crónicas 30:22

Nache so Ezequías, ỹataqta ntootapeguec so leviitapi, souaxat da somayepi ỹachaxan da ỹataqta lhuotta da ỹo'oxoren Ñim Nataxala'. Qaq co'ollaq ime da ỹalectaua'a so nquia'axac maye huaiguilo se'esoua siete na'axa'te, da ỹaatapegueuo asom lachetaqtaxanaqtepi qanhuaachigui, qataq da ỹo'oxoreetac Ñim Nataxala' maye Natamnaxala' so hua'au lta'alpi.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.

Oseas 2:16

Qaq huaña qome nache da aỹem detaxaỹa qalaq saishet da 'eeta': «'Am ỹataxala'.» Nacherata da 'eeta': «'Am ihua.» 'Era da ỹa'aqtac Aỹem Nataxala'.

Jueces 19:3

nache so leviita jec da ỹe'eguena'a asomaye da yaqto' nachoxonnot da ỹe'eguelaxaguet. Qaq somaye lỹatac co'ollaxa so lo'onataxanaxanec, qataq ỹaue'c soua dos 'ashena, qaq asomaye co'ollaq ilo'ot so lhua nache ỹauegueua'a so lma', nache so lta'a nataqa'en ỹa'amaqchiguiñi co'ollaq ilo'ot somaye.

Rut 1:14

Nache soomaye qaltaq ỹe'eguelaxarelec da nỹeeta'ape, huaña nache aso Orfa, napigoxoi' aso lachoro qataq ncoyeguene', qalaxaye aso Rut no'ona'aguet co'ollaxa asomaye.

1 Samuel 18:1

Qaq so David co'ollaq ime da na'aqtaxaatague' so Saúl, nache so Jonatán ỹo'ot da ỹataqta nauochaxaua so David, nache ivira'a da 'eeta'am da maiche nachaalataxac da lauotaxanaqtaic somaye.