Génesis 32:3 - La'aqtaqa Ñim Lo'onatac 'Enauacna 2013

³ Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Génesis 32:3 Iomraidhean Croise

Génesis 14:6

qaq so horeopi qalaq loxonec co'ollaq huaña aye qasoxonaxapi ye Seir, qataq icaatac co'ollaxa iviraxatta'a ye ca'amegue ye Parán, maye huaqta'ai' yem toolec 'alhua.

Génesis 25:30

Nache 'enapego' so Jacob, 'eeta': «Ñaq aỹem 'arqouaguec da aỹem 'aỹa'anem, catai' saq 'amaqtaq laỹolec de'era 'arhuoshec togaxaraic maye deqaqchigui, cha'aye aỹem huotaique da selem na ỹoqouaxa.» Qaq ỹoqo'oye so Esaú, qaỹaỹaten nataqa'en da le'enaxat da Edom.

Génesis 32:11

¡Qaq ñaq aỹem 'arqouaguec qome, da aỹem 'anca'alaxateeguesop da lhuaqỹaxac na ỹaqaỹa Esaú! Cha'aye huo'o da icolanaxa da anac da aỹem iloquiaxan, nache ỹalauat na 'alpi, qataq na ñaqpiolec.

Génesis 32:7

Qaq so Jacob, co'ollaq hua'axaỹa de'era, nache ỹataqta huo'o da lcolanaxa, qataq ỹataqta lta'araic da 'eeta. Qaq huaña, nache dos naqa'en naua lpa'axaco som shiỹaxauapi maye nnaictague' somaye, qataq nataqa'en aso qaguetapi, huacapi, qataq aso cameellopi,

Génesis 33:14

Qaq no'on da 'am 'aua'auta'ague dam tata'ague ne'ena 'aramaxashec, qaq aỹem qalaq choche ñeqocheeta qome, souaxat da lqauaxac nam shiguiỹacpi, qataq na ñaqpiolec maye ñenaictague'. Qaq maiche ñauanaxa't qom huaña ye Seir.»

Génesis 33:16

Qaq nacheso se'eso na'a'q, da so Esaú ỹe'eguelaxa ye Seir.

2 Samuel 2:8

Qaq so Abner, som llalec so Ner maye lataxala' na nalleppi so Saúl, ỹaconeua'a co'ollaxa so Isboset, som llalec so Saúl, nache ỹauega ye Majanayin,

2 Reyes 6:17

Nache so Eliseo, nqouagaxaunot Ñim Nataxala', 'eeta': «'Am Nataxala', 'am ñachoxonnot da nauachiguilo 'anqa'en naua la'ai'te da ỹamaxashec Guejazí, yaqto' nauaañi.» Nache Ñim Nataxala' ỹauachiguilo naua la'ai'te so lamaxashec so Eliseo. Nache somaye ila'a aye qasoxonaxapi da ỹataqta imattalec so qalota alleppi maye netalec na caaỹo, qataq na netangui aso nnaigonapi maye nalaataxaquipi maye 'ettaigui, nache coleesop ye hueta'a so Eliseo.

1 Crónicas 12:23

Qaq 'iye ye lcata da ima'a't so alleppi maye lhuotta da nalat maye itauan so David, co'ollaq somaye hueta'a ye Hebrón da yaqto' talec qanqa'en da lo'onataxanaxac so Saúl, cha'aye mashe la'aqtac co'ollaxa Ñim Nataxala'.

Cantares 7:1

'Am, maye 'am nta'a llale ỹataqta 'onaxaiqa naua 'arapia'ate da 'aỹa'aatrañi naua 'arapela'ate. Naua laỹel naua 'eeguel ỹataqta ỹo'oxoraqte' 'eeta'ama na no'onatac lo'onatac na ỹoqta ỹaỹaten da ỹo'ot na 'otaxatpi.

Isaías 21:11

Da na'aqtac da qaỹa'axata'a dam talec qome ye Edom. Aỹem sa'axaỹa so nỹaxanaxac chemaqchiguiña ye Seír, 'eeta': «'Am nauanaxanaxanec, ¿chaq negue't ye la hora ne'ena pe? ¿Chaq lcate' caua saxanaxalo da yaqto' yo'oxoñi?»

Jeremías 49:7

Da la'aqtac Ñim Nataxala' maye Qaica ca Ỹaqalanapec, da ỹa'axata'a dam talec ye Edóm, 'eeta': «¿Mashe qaica ca naỹaanec ye Temán? ¿mashe saỹaỹaten ca 'eetec nam ỹaanataxanaxaicpi? ¿Mashe deqat so laỹaanec?

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Números 24:18

Qataq loxonec qome ye Edom nache ỹacona 'enauac ye Seír, maye lma' na npa'aguenaxaua. Nache na Israel le'ecpi ỹataqta ỹo'ot qome ca lta'araic na'aalaxa.

Lucas 9:52

Nache ỹauo'oi soua lamaxa'she, da nqo'oora yem naña nam saq 'amaqtaq nỹecpiolec maye huaigui yem 'alhua Samaria, da yaqto' iqataxanai' cam lanataqa' se'eso pe.

Deuteronómio 1:2

Qaq ivi' soua once na'axa'te da qanayectalec so nqa'aic maye taalec añi qasoxonaxa Seír, qaỹachegoqchiguiña co'ollaxa añi qasoxonaxa ye Horeb ivitta'a ye Cadés Barnea.

Deuteronómio 2:22

Qaq nache 'eetec co'ollaxa Ñim Nataxala' da ỹanem da la'añaxac som chegoxoguetpi so Esaú maye netaña ye Seír da nmatchiguiñi so horeopi da yaqto' nalec yi'iye na'alhua somayepi.

Deuteronómio 2:5

qaq yemayepi saishet qome da qauloquiaxañi, cha'aye saishet da qami' saarema catai' qapio'olec maye lcata'am ca napia' lliguiñi yem na'alhua yemayepi, cha'aye aya'aye qasoxonaxapi ye Seír, ayemaye lalamaqte so chegoxoguetpi so Esaú. Qataq Aỹem sami' co'ollaxa yemayepi.

Josué 13:30

Qaq somayepi taalec da qoỹanem 'enauac ye 'alhua maye lalamaxat co'ollaxa so Og, maye nta'a ye Basán, nache 'enauac ye 'alhua Basán nache ivira'a ye Majanayin. Qataq ỹalegueuo so sesenta huaqta'a't nỹecpi maye ỹotta'a't naua nañalo ye Yaír.

Josué 24:4

qaq so Isaac, sanem co'ollaxa da dos soua llalqa, Jacob qataq so Esaú. Nache so Esaú, sanem ye 'alhua maye huaigui aye qasoxonaxapi ye Seír, qaq so Jacob, qataq so llalaqpi, taỹa co'ollaxa ye Egipto da yaqto' naña.