Génesis 24:3 - La'aqtaqa Ñim Lo'onatac 'Enauacna 2013

³ nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Génesis 24:3 Iomraidhean Croise

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Génesis 14:22

Qalaxaye so Abram 'enapeco': «Aỹem sanot co'ollaxa so ỹa'aqtac Ñim Nataxala', Ñim Lo'onatac 'Enauacna maye Nataỹaña 'enauacna, ñim ỹo'ot co'ollaxa na piguem qataq ana 'alhua,

Génesis 21:23

Qaq ỹoqo'oye nachena ne'ena souaqta'a nagui, da huaña da 'aỹa'anot ca 'ara'aqtac Ñim Lo'onatac 'Enauacna, da saishet da aỹem 'auo'otec qome ca qauem, qataq na ỹalaqpi, qataq ca aỹem chegoxoguetpi, 'aỹa'an ca 'ara'aqtac da aỹem 'auo'otec cam no'on, 'eeta'am da sheetec co'ollaxa 'am, qataq nataqa'en 'auo'otec cam ỹaỹamaqchiguiñi nam shiỹaxauapi maye hueta'a ne'ena 'alhua maye qonetaña nagui.»

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 27:46

Qaq ime, nache aso Rebeca 'enapega so Isaac, 'eeta': «Aỹem mashe ỹataqta ñasamñi souaxat ñeua hitiita maye huaronegueta ñi Esaú. Qaq ñi Jacob da huo'otaq huaroneguet aca hitiita da 'eeta'ama ñiimaye, anam hueta'a ne'ena Canaán, qaq no'on da seleu.»

Génesis 28:1

Qaq huaña nache so Isaac, iỹaxaneuga so Jacob nache ỹanem da lchoxonnataxanaxa, qataq ỹanem de'era lqataxac maye, 'eeta': «Saishet qome da 'auaroneguet aca 'alo maye lma' ne'ena 'alhua Canaán.

Génesis 28:8

Qaq huaña, nache so Esaú ỹaỹaten da so lta'a ỹataqta sa ỹaỹamaxaren so 'alpi maye lma' ye Canaán.

Génesis 34:9

qataq no'on da nache qomi' nhuo' lashe', yaqto' qomi' ishet qome da saronaxaguet ana qaỹa'allipi, qataq qami' ishet da qauaroñiiguet ana qoyalepi.

Génesis 38:2

Qaq huaña yemaye, nache ỹauatton aso llale so cananeo maye le'enaxat Súa, nache huaroneguet asomaye. Qaq co'ollaq qaỹata'ague da lhua asomaye,

Génesis 47:31

Nache so Israel qaltaq ỹe'eguelaxalec da la'aqtac, 'eeta': «¡'Aỹa'an qome ca 'ara'aqtac! Nache so José ỹan so la'aqtac, nache so Israel naqchiguiñi, naqtelec so na'axanaqa' so lmala'.»

Génesis 50:25

Ime, nache so José 'enapega so llalaqpi so Israel da ỹan da la'aqtac, da yaqto' ipactelec, nache 'enapega, 'eeta': «Ỹoqta 'eesa qome da anac Ñim Lo'onatac 'Enauacna da qami' itaua'n. Qaq qom ipacchigui damaye nache qami' qauache' qome naua ipi'ineqa.»

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 6:4

Qaq huo'o co'ollaxa so logoraicpi shiỹaxauapi ana 'alhua, qataq co'ollaq so llalaqpi Ñim Lo'onatac 'Enauacna, huaroneguet aso llalpi so shiỹaxauapi, da yaqto' huo'o ca llalaqpi. Qaq somayepi nacheso som ỹataqta ỹo'oxoraicpi, qataq 'añaxaicpi soua hua'au' vi'iye.

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

2 Crónicas 2:12

So Jirán nataqa'en, 'enapec: «¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, maye lo'onatac na piguem qataq ana 'alhua, cha'aye ỹanem co'ollaxa so nta'a David, ñim llalec maye ỹataqta ỹaanaxanaxaic, ỹaanataxanaxaic, qataq ỹaỹaten da ntelañi maye ỹo'ot qome aca atamnaxaqui maye lalamaqte Ñim Nataxala', qataq ca nma' lta'araic maye maiche lalamaxat!

Esdras 5:11

Nache qomi' ỹasategueta, 'eeta': ‹Qomi' lamaxa'she Ñim Lo'onatac 'Enauacna maye ilotague' na piguem qataq ana 'alhua, qaltaq ño'oxonaqtapiguisheguem ana atamnaxaqui maye mashe qaỹoqtegue so vi'i da no'oxoosheguem co'ollaxa so ỹataqta 'amaqtaqaic lta'a so Israel le'ecpi.

Nehemías 13:25

Ỹoqo'oye ỹataqta shenapega qataq ñelaxa, nache huo'o so samaxasoxoolec da qaiuaxan, qataq da qanapogue' na laue, qataq samaxalec da ipacchigui ca la'aqtac da ỹanot Ñim Lo'onatac 'Enauacna. Nache sheeta': Saishet qome da qauashiñiiguet ana qaỹa'allipi da huaroneguet na llalaqpi namayepi, qataq na llalpi namayepi saishet da huaroneguet na qaỹa'alquipi, nataqa'en qami' saishet qome da qauaroñiiguet ana llale namayepi.

Nehemías 9:6

Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.

Salmos 115:15

Qami' ỹanema qome da lchoxonnataxanaxa, Ñim Nataxala' maye lo'onatac na piguem qataq ana 'alhua.

Salmos 136:26

Qaỹa'añiỹot qome da qana'achecỹaxaqui Ñim Lo'onatac 'Enauacna maye neto'ot na piguem, cha'aye da lauotaxanaqtaic chochaq tatec.

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Éxodo 22:11

nache que'eca shiỹaxaua ỹan ca la'aqtac hua'aqchigui naqa'en Ñim Nataxala', da saishet da ỹacona que'eca shiguiỹac maye lalamaxat ca lỹa, nache que'eca lalamaxat que'eca shiguiỹac ỹa'amaqten da la'aqtac camaye, nache ca ilotague' ca shiguiỹac sa iuen da isheeten.

Éxodo 23:13

Qaupaquiichigui qome 'enauac ne'ena lataxacpi da qauo'oche, qataq saishet qome da huo'o ca iỹaxaatacot ca ỹaqa'a atamnaxala', da iỹaxaataique ca ntaunaguec, qataq saishet da choche nasaqtapeguec da le'enaxat camaye.»

Éxodo 34:16

huo'otaq da ỹaronaxanaxan ca llalpi, nache ỹaronaxaneguet ca qaỹa'alquipi, qaq aca llalpi yemayepi da huo'otaq nquisheshe da natamnot na natamnaxala'pi, nache acamayepi ishet da nquisheshaxanaxan ca qaỹa'alquipi da huo'otaq ỹo'ot de'era quishishaxac maye ỹo'ottac acamayepi.

Isaías 45:23

Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

Isaías 65:16

Qaq camachaqca ca netalec ne'ena 'alhua, da iỹaxanaique ca nchoxonnataguec, qalaq iỹaxanot Ñim Lo'onatac 'Enauacna maye hueto'ot da 'eesa; qataq camachaqca ca netalec ne'ena 'alhua da ỹan ca la'aqtac qaq ỹanot Ñim Lo'onatac 'Enauacna maye ipacchigui ca la'aqtac. Qaq nam hua'au que'eenaxacpi qalaq qaicoua'ai qome nache saishet qome da qaltaq sela'a.

Jeremías 10:11

Qami' Israel le'ecpi, qaua'aqtaxañim nam ỹaqa'a da la'amqaanataxanaxac, qoñeeta': «Nam atamnaxala'pi maye saishet da ỹo'ot co'ollaxa na piguem qataq ana 'alhua saishet qome da queta da netalec ana 'alhua, qataq saishet da huo'otaq 'oonolec ca hueta'a na mpa'aguiñi na piguem.»

Jeremías 12:16

Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Jeremías 29:6

Qataq qauaroñi yaqto' huo'o ca qaỹa'alquipi ỹalleppi qataq 'alpi, qataq camayepi huaron qome da yaqto' huo'o ca llalaqpi. Qanquiquiitauec qome da qoviita'a yemaye, qaq saishet qome da qanquiquiitañi.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Levítico 19:12

Saishet da qaỹa'añi ca qara'aqtaqui da qauatenataxañiỹa da ỹe'enaxat. Cha'aye da nache qoñeetec de'era, nache 'eeta'am da qaica ca naigui da le'enaxat Nam Nataxala' maye Qanatamnaxala'ai. Qaq 'era da ỹa'aqtac, Aỹem Nataxala'.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Números 5:21

nache ca ntaxaỹaxanaxanec qataq ỹa'axatem aca'aca 'alo ca nhuaxanaguec qome, 'eeta': Ñim Nataxala' ỹo'ot qome da 'am naloqnaxanaqte souaxat ca 'anhuaxanaguec, qataq da maiche 'aỹa'an 'ara'aqtac maye hua'aqchigui na 'arhuo' le'ecpi, nache ỹashiiyigui qome ana 'ara'am qataq ỹo'ot da sa 'auco'o.

1 Corintios 7:39

Aca 'alo mashe huaron, acamaye ncoñetta'aguet ca lhua qom ña nca'altauec camaye. Qalaxaye ca lhua da huo'otaq mashe ileu, nache acamaye ỹataqta huesochiguiñi da huo'otaq huaroneguet ca lỹa ỹale maye la'amqaanataxanaxaua.

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

Deuteronómio 6:13

Ỹoqo'oye huo'o naq 'enec qanqa'eñi Ñim Nataxala' maye Lo'onatac 'Enauacna, qataq nacheñita qaualaqaiguet. Qataq da qaỹa'añi ca qara'aqtaqui qalaq qauacoñiỹa da le'enaxat Ñimaye.

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

Josué 2:12

Qaq ỹoqo'oye qami' seỹaxanoto da aỹem qaỹa'añim nagui ca qara'aqtaqui, hua'aqchigui qanqa'eñi Ñim Nataxala' da ỹataqta qaica qome ca qoñiỹa'ac naua maiche ỹalamaqa'ate ihuo' lashe', 'eeta'am qanqa'eñi da qami' sheeteque da ỹataqta qami' selo'ogueta. Qataq qauauo'oi qome ca la'anaxat da ỹoqta qami' 'eesora,

Jueces 14:3

Qalaxaye soua lta'al 'ena'apo': ¿Peta'a qaca aca 'alo na maiche 'arhuo' le'ecpi, huo'otaq na laỹepi Israel le'ecpi da 'auauotaico' da 'auachegoxotaigui aca 'arhua ye filisteopi maye sa qara'amaqtenaxanaxaua? Nache so Sansón 'enapeco': Qomye asa'aso qa'añole, nachaso aso ỹoqta ñeqopita. Ỹoqo'oye sauotaique da qauquiguiỹaua'a da yaqto' saroneguet asomaye.

1 Samuel 20:17

Qaq cha'aye so Jonatán ỹataqta ỹauotec so David, nache qaltaq ỹe'eguelaxaalec da ỹan naqa'en da la'aqtac da nache 'eetai' da nauochaxaua somaye.

1 Samuel 30:15

Nache so David inat somaye, 'eeta': ¿Peta'a ishet da aỹem 'auauega ca hueta'a que'eca cachaxaicpi? Nache so Egipto le'ec 'enapeco': Aja', qalaxaye da 'aỹa'anot ca 'ara'aqtac Ñim Lo'onatac 'Enauacna da saishet da aỹem 'aualauat qataq da saishet da aỹem 'aỹa'aneguet ca ña'aco', nache ishet da 'am sauega ye hueta'a yemayepi.