Génesis 24:1 - La'aqtaqa Ñim Lo'onatac 'Enauacna 2013

¹ So Abraham, mashe ỹataqta ỹa'axaiquiolec co'ollaxa, qaq Ñim Nataxala', ỹanem co'ollaxa somaye da lta'araic lchoxonnataxanaxa.

Génesis 24:1 Iomraidhean Croise

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 13:2

Qaq so Abram ỹataqta sallaxanec, cha'aye huo'o so lalamaxat oro, qataq lcat plata qataq so qalota lalopi shiguiỹacpi.

Génesis 18:11

Qaq so Abraham qataq aso Sara soomaye mashe ỹa'axaiqolqa, ỹoqo'oye aso Sara mashe vi'iiguet da na'axac.

Génesis 21:5

Qaq so Abraham mashe ivi' soua cien vi'iye da nachaalataxac co'ollaq ñiguiñi so Isaac.

Génesis 24:35

Ñim Nataxala' ỹataqta qalota da lchoxonnataxanaxa ñi ña'aco', nache ỹo'ot da sallaxanec naqa'en ñimaye, ỹanem ana qaguetapi, huacapi, oro qataq plata, qataq na lamaxashecpi, qataq ana lamaxashepi 'alpi, qataq cameellopi qataq 'ashenapi.

Génesis 25:20

Qaq so Isaac mashe ivi' co'ollaxa soua cuarenta vi'iye, co'ollaq huaroneguet aso Rebeca, asom llale so Betuel, qataq lqaỹa so Labán som arameo maye netaña co'ollaxa ye Padán Aram.

Génesis 26:12

Qaq so Isaac, ỹauo'o co'ollaxa so lañiguishec huaña yemaye se'eso vi'i, qaq ỹataqta 'onaxaic, qataq qalota na ala so lañiguishec, cha'aye Ñim Nataxala', ỹaalec da lchoxonnataxanaxa somaye.

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

1 Reyes 1:1

Qaq so nta'a David co'ollaq mashe ivita da lqueroxo, qataq mashe qaỹoqteguelo naua vi'iye da nachaalataxac, nache qalapootalec naxa na lapo', qalaxaye saishet da qaỹañoxot da dapaqa qanqa'en na lo'oc.

Proverbios 10:22

Da lchoxonnataxanaxa Ñim Nataxala' ỹo'ot da nsallaxa, damaye saishet da ỹo'ot ca naquicoxo.

Isaías 51:2

ña qauloichigui so Abraham maye qarta'ai qataq aso Sara maye qarachi'i. Co'ollaq seỹaxana so Abraham qalaq 'oonolec somaye qalaxaye sanem somaye da ichoxonnataxanaxa nache qalota ñaqa'en so llalaqpi.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Lucas 1:7

Soomaye qaica ca llale'c, cha'aye aso Elisabet sa deco'o, qataq soomaye ỹataqta mashe ỹa'axaiqa.

Gálatas 3:9

Qaq ỹoqo'oye cam ỹa'amaqten Ñim Lo'onatac 'Enauacna, nache huo'o da nqouagaxa 'eeta'am so Abraham maye da'amqaanataxan.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.