Génesis 23:2 - La'aqtaqa Ñim Lo'onatac 'Enauacna 2013

² nache ileu, huaña ye Quiriat Arbá, maye da lỹa le'enaxat Hebrón, huaigui ye 'alhua Canaán. Nache so Abraham nỹeeteguelec co'ollaxa aso Sara, qataq ỹo'ot da lasouaxac.

Génesis 23:2 Iomraidhean Croise

Génesis 23:19

Qaq co'ollaq ime de'era, nache so Abraham ilayiñi aso lhua Sara, ỹachaigui so auac maye naña ye 'alhua Macpela, maye pa'aỹa'ague da nala' lliguisheguem ye lma' so Mamre. Qaq yemaye, nataqa'en qaỹaỹaten da le'enaxat lỹa da Hebrón, maye huaigui ye 'alhua Canaán.

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

1 Crónicas 6:57

Qaq som chegoxoguetpi so Aarón, qoỹanem som huaqta'a't nỹecpi maye ỹotta'a't naua nañalo maye ñe'eguenaqa'pi, maye naña ye Hebrón, Libna, Jatir qataq ye Estemoa,

Jueces 1:10

Nataqa'en iloquiaxan so Canaán le'ecpi maye netaña ye Hebrón, yem le'enaxat co'ollaxa da Quiriat Arbá. Qaq huaña yemaye da noxonqa soua Sesay, Ajimán qataq so Talmay.

Hechos 8:2

Qaq huo'o som ỹalleppi maye ỹo'oxoreetac Ñim Lo'onatac 'Enauacna som ilayiñi co'ollaxa so Esteban. Somayepi ỹataqta nỹeetapeguelec somaye.

Juan 11:35

Nache So Jesús nỹeetac.

Juan 11:31

Qaq na shiỹaxauapi maye hueta'a ca lma' aso María da ỹa'añaqchettac, co'ollaq ila'a da sa naỹaloxon da ñesheguem qataq jec asomaye, nache somayepi ca'attaueegue, cha'aye ipi'itaxaatega da asomaye tauga aso huachiqui da yaqto' huaña da nỹen.

Jeremías 22:18

Qaq ỹoqo'oye da la'aqtac Ñim Nataxala', maye taalec so Joaquim, som llalec so Josías maye nta'a ye Judá, 'eeta': «Qaica qome ca nỹeelec ñimaye qom ileu. Qaica qome ca nỹeetac da 'eeta': ‹¡Aicoue 'am ỹaqaỹa! ¡Aicoue 'am ỹaqaỹole! ¡Aicoue 'am Nataxala'! ¡Aicoue 'am 'Amaqtaqaic!›

Jeremías 22:10

Saishet da qanỹeñiilec ye nta'a Josías; qataq saishet da qanỹeñiilec da l-leuaxa, maye nacherata da qanỹeñiilec som llalec Salún, cha'aye jec qaq saishet qome da qaltaq da ñe'eguelaq, nache saishet qome da nauane' yem 'alhua maye lañoqo'.

2 Crónicas 35:25

Qaq so Jeremías ỹo'ot co'ollaxa so lo'onec maye ỹa'axat da naquicoxo, souaxat da l-leuaxa so Josías. Qaq nache ivitta'a nagui da 'enauac na 'onaxanaxaicpi, qataq ana 'onaxanaxaipi da ỹo'ootac naxa na daquicota lo'onecpi da tachigui lauel so Josías. Qaq ne'ena no'onecpi ỹo'ot da nache lataxac nagui na Israel le'ecpi, qataq nache nanettalec ana lmalatepi na no'onecpi maye daquicota.

2 Samuel 5:5

qaq ivi' siete vi'iye qataq seis ca'agoxoiqa da netaña ye Hebrón da ilotague' so netaña ye 'alhua Judá. Ime co'ollaxa nache taỹa ye Jerusalén da ilo'ogue 'enauac so netaña ye Israel qataq ye Judá, nache ivi' treinta y tres vi'iye da nta'a.

2 Samuel 5:3

Qaq 'era da 'eetec co'ollaxa da 'enauac so nqueroxonecpi ye Israel, da nqo'ona ye Hebrón da detaxaỹapegue' so nta'a David, nache somaye naỹamaxate' co'ollaxa somayepi, ỹauaachigui naqa'en Ñim Nataxala'. Nache somayepi icorelec so aceite na lqaic so David, da yaqto' nta'a ye Israel.

2 Samuel 2:11

Nache so David nta'a ye Judá soua siete vi'iye, qataq soua seis ca'agoxoiqa, qaq de'era lo'onataxanaxac da nta'a, nache netaña ye Hebrón.

2 Samuel 1:17

Nache so David, ỹo'on so lo'onec nỹeetaueegue, souaxat da l-leuaxa so Saúl qataq so llalec Jonatán,

2 Samuel 1:12

nache somayepi nỹeetac qataq nqouaqcheela't ivitta'a so pe, souaxat so Saúl qataq so llalec Jonatán, qataq so alleppi maye lalamaxat Ñim Nataxala', qataq so nhuo' Israel le'ecpi, maye qairota'a so ỹeelonec co'ollaq qaỹalauat.

1 Samuel 28:3

Qaq so Samuel mashe ileu co'ollaxa, nache qailareña ye Ramá maye maiche lalamaxat lma', nache 'enauac ye Israel da nỹeetapeguelec somaye. Qaq so Saúl mashe ỹo'orauec co'ollaxa som shiỹaxauapi maye ilaviigui ca lỹa, qataq so ima'aguet na nqui'ipi.

1 Samuel 20:31

Cha'aye qom ña nca'altauec so David, nache 'am saishet qome da 'avira'a da 'am nta'a. ¡Qaq ỹoqo'oye nagui 'auamaxasoxona camaye da aỹem qanauegueua'a, cha'aye camaye ỹoqta 'itchiguiñi da ileu qanqa'en!

Josué 20:7

Huaña co'ollaxa, nache so Israel le'ecpi lca'aua'a da yaqto' ñe'eguenaxaquipi so huaqta'a't nỹecpi ye: Cedes, Galilea, qataq ye huaña ana qasoxonaxapi ye Neftalí, qataq ye Siquén, maye huaña na qasoxonaxapi maye lalamaqte so Efraín, qataq ye Quiriat Arbá, maye nataqa'en le'enaxat da Hebrón, maye huaigui aye qasoxonaxapi ye Judá.

Josué 10:39

nache irolec so ỹeelonec da ỹalauat 'enauac somayepi qataq so nta'a yemaye, nache ivira'a 'enauac so lauoreuapi. Nache qaica naqa'en ca no'onañi da nca'altauec so lma' ye Debir, nache ỹataqta 'enauac da nmatchiguiñi, 'eeta'am da 'eetec naqa'en co'ollaxa ye Hebrón, qataq ye Libna qataq soua nta'al yeemaye.

Deuteronómio 34:8

Nache so Israel le'ecpi nỹeetapeguelec co'ollaxa so Moisés soua treinta na'axa'te huaña ye ca'amapega't 'alhua ye Moab, nache qaipacchigui da lataxac da nasouaxac.

Números 20:29

Qaq so Israel le'ecpi co'ollaq ỹaỹaten da ileu so Aarón, nache ivittrec soua treinta na'axa'te da nỹeeteguelec.

Números 13:22

Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Génesis 50:10

Qaq somayepi co'ollaq ivita ye no'onaxa maye lalamaxat so Atad maye pa'aigue da nala' lliguisheguem ye tala Jordán, qaq huaña yemaye nache qaỹo'ot so lta'araic nasouaxac qataq noinaxac. Qaq huaña yemaye, nache so José ỹo'ot so lasouaxac, ivittrec soua siete na'axa'te souaxat so lta'a.

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

Génesis 23:1

Qaq aso Sara, ivi' co'ollaxa soua ciento veintisiete vi'iye da nachaalataxac,

Génesis 24:67

Qaq ime, nache so Isaac, ỹauegueua'a aso Rebeca, so lpe'l aso late'e Sara, qaq nache huaroneguet asomaye. Qaq so Isaac ỹataqta ỹauotec aso Rebeca. Qaq huaña, nache huesogui da laquicoxo so Isaac, souaxato' da l-leuaxa aso late'e.

Génesis 35:27

Nache so Jacob jec co'ollaxa da nqo'ona so lta'a maye netaña ye Mamre, yem huaqta'a't nỹecpi maye nataqa'en le'enaxat Arbá, qaq yemaye nacheye ye Hebrón. Yem lma' co'ollaxa so Abraham qataq so Isaac.

Génesis 37:14

Nache so Israel, 'enapeco': «Hua', qojec qome, da yaqto' 'auaỹaten ca 'eetec caua 'arqaỹa't, qataq aca qaguetapi, qaq ime qome, nache 'añe'eguelaq da 'andoi' ca ỹa'axaỹaxac.» Nache so Israel ỹamaq so José, chegoqchiguiña naqa'en so ca'amegue ye Hebrón. Qaq so José co'ollaq ivita ye Siquén,

Josué 15:13

So Josué nataqa'en ỹanem co'ollaxa so Caleb som llalec so Yefune, so laỹe na'alhua so maiche nhuo' le'ecpi maye chegoxoguetpi so Judá, da yaqto' qaipacchigui da lamaxasoxonaxac Ñim Nataxala', nache ỹanem ye Hebrón, maye lma' co'ollaxa som chegoxoguetpi so Anac.

Josué 15:54

Jumetá, Quiriat Arbá, maye da lỹa le'enaxat Hebrón, qataq ye Sior, qaq da ima'a't se'eso huaqta'a't nỹecpi nache ivi' nueve ye lcata, qataq so lauoreuapi nma'piolec.

Josué 21:11

Qaq so 'alhuapi maye huaña aye qasoxonaxapi maye lalamaxatpi so chegoxoguetpi so Judá, nache qoỹanec ye Hebrón, yem hua'auchiguiñi lma' co'ollaxa som chegoxoguetpi so shiỹaxaua logoraic le'enaxat Anac, qataq lỹaueegue' so no'onaxapi maye lquia'aqa' na 'atetpi.

Nehemías 11:25

Qaq huo'o so nhuo' le'ecpi maye chegoxoguetpi so Judá, da no'onaña ye Quiriat Arbá, Dibón, Yecabsel,

Génesis 50:1

Nache so José qapal-lec so lta'a, nache nỹeetac, qataq napigoxoi'.

1 Samuel 25:1

Qaq co'ollaq ileu so Samuel, nache 'enauac so Israel le'ecpi laỹona't da yaqto' nỹeelec somaye. Ime, nache qailareña ye maiche na'alhua maye huaigui ye Ramá. Huaña nache so David taỹa ye toolec 'alhua ye Parán.