Génesis 20:3 - La'aqtaqa Ñim Lo'onatac 'Enauacna 2013

³ Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Génesis 20:3 Iomraidhean Croise

Génesis 12:17

Qalaxaye nataqa'en souaxat aso Saraí, nache Ñim Nataxala' ỹauo'o da nhuaxanaguec so faraón qataq so llalaqpi, irolec so lta'araic napaxa.

Génesis 12:18

Qaq ỹoqo'oye so faraón damaxasoxoneuga da qanauegueuo so Abram, nache 'enapega, 'eeta': «¿Ta'ainco' da aỹem 'auo'otec de'era? ¿Ta'ainco' da saishet co'ollaxa da aỹem 'aua'aqtaxanem, da ara'ara 'alo, maiche 'arhua?

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Génesis 28:12

Qaq huaña yemaye, nache huo'o so lchoxonaxac, dechoxootega da ilota'a so napiaxala', na'attalec ana 'alhua, nache iviro'ot na piguem, qaq som lamaxashecpi Ñim Lo'onatac 'Enauacna, naguinguicnaxa somaye qataq ỹe'eguelaxasheguem.

Génesis 31:24

Qalaxaye se'eso pe, nache Ñim Lo'onatac 'Enauacna, ỹachaigui so lchoxonaxac da nachaxana so Labán som arameo, nache 'enapego', 'eeta': «Ñaq aỹem 'ana'axaỹaxana, saishet qome da sa 'auchera'ape naua 'ara'aqtaqa da qonapega so Jacob.»

Génesis 37:5

Qaq huo'o so na'a'q, nache so José huo'o so lchoxonaxac, nache da'aqtaxanema soua lqaỹa't. Qalaxaye soomaye nquictec da lquiỹaqa' somaye.

Génesis 37:9

Qaq co'ollaq qaỹata'ague, nache so José qaltaq huo'o so lỹa lchoxonaxac, qaq nataqa'en da'aqtaxanema soua lqaỹa't, nache 'eeta': «Aỹem huo'o so lỹa ichoxonaxac, qaq se'eso ichoxonaxac selota'a aso nala', qataq so ca'agoxoic, qataq soua once huaqaañi, nache soomaye aỹem natameetracot.»

Génesis 40:5

Qaq huo'o so pe, nache se'esoua dos ncoñetegui'she, som ỹomaxaqui lo'o qataq so nauole lo'o, soomaye huo'o so lchoxonaxa'c, qaq ñi 'oonolec se'esoua nchoxonaxaco, huo'o da naigui.

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Génesis 46:2

Qaq se'eso pe, nache Ñim Lo'onatac 'Enauacna detaxaỹapegue' so Israel, huaigui naqa'en so lo'ochaxa, da iỹaxana da le'enaxat, 'eeta' ¡Jacob! Nache somaye ỹasat, 'eeta': «Aja', aỹem soota'a ne'ena.»

1 Crónicas 16:21

qaq Ñim Lo'onatac 'Enauacna saỹasheneguet da saqaiyacnapec somayepi, qaq souaxat da lauotaxanaqtaic nache nhuogaxa so nta'alpi, 'eeta':

Da na'aqtaguec so Job 33:15

Cha'aye huo'o naxa da huaigui da qarchoxonaxac ye pe, qataq huo'o da huaigui naqa'en da qarloxoc da so'ochaqta.

Da na'aqtaguec so Job 33:17

da yaqto' qolqa'ai naqa'en na so'otaqtac qauempi, qataq qomi' qaỹoqtalo naqa'en da 'amqaanaxac.

Salmos 105:14

qalaxaye Ñim Lo'onatac 'Enauacna saishet da ỹashenem da huo'o ca saỹaỹamaxatapec soomaye, nacherata da nhuogaxa so nta'alpi, 'eeta':

Jonás 3:4

Nache so Jonás, inoxoneua'a se'eso huaqta'a't nỹecpi, nache imauec so 'oonolec na'a'q da queuotapigui da da'aqtaxaatac, 'eeta': «Qom ivildec naua cuarenta na'axa'te, nache nam Nínive qailaxachigui qome.»

Números 22:9

Qalaxaye se'eso pe, Ñim Nataxala' nachaxana so Balaam, nache inattac, 'eeta': ¿Negue't ne'ena shiỹaxauapi maye hueta'a na 'arma'?

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»