Génesis 2:2 - La'aqtaqa Ñim Lo'onatac 'Enauacna 2013

² Qaq co'ollaq ivita so na'a'q siete, nache Ñim Lo'onatac 'Enauacna, imat nam lo'onatacpi nache nmatec.

Génesis 2:2 Iomraidhean Croise

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Génesis 2:3

Nache Ñim Lo'onatac 'Enauacna ỹaalec da no'on la'aqtac se'eso na'a'q siete, qataq iỹotauga da yaqto' qaỹo'oxoren Ñimaye, cha'aye se'eso na'a'q huetoigui da nmateeguesop 'enauac na lo'onatacpi.

Éxodo 23:12

Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Éxodo 31:15

Nache seis na'axa'te da huo'o ca qaỹo'ot no'onatacpi, qalaxaye da ivita ye na'a'q siete, nache mataxaqui. Qaq da huo'o ca shiỹaxaua da do'onataxan yi'iye na'a'q mataxaqui nache camaye qaỹalauat›.

Éxodo 31:17

Qaq damaye nache 'eetai' qome da la'anaxat na Israel le'ecpi qataq Aỹem. Cha'aye Aỹem Nataxala', so'ot co'ollaxa na piguem qataq ana 'alhua, huaiguilo soua seis na'axa'te, qaq so ivita so na'a'q siete, nache ime da ỹo'onataxanaxac nache ñematec.

Isaías 58:13

Huo'o naq 'enec 'anqa'en ye na'a'q mataxaqui, saishet da 'aume'eguet da 'anmenaxac da huaigui ye ỹalamaxat na'a'q maye qui'itta. Yi'iye na'a'q ỹataqta laloxoqui 'anqa'en da namaicỹaxac, qataq nacheye yem qui'itta na'a'q maye lalamaxat Ñim Nataxala' qataq taiguet da ño'oxonnataxanaxac, ỹataqta huo'o naq naigui 'anqa'en, nache saishet da 'auo'ottac nam 'aro'onatacpi qataq da 'anmittaique nam 'aralamaxatpi qataq da 'auo'ottac da 'anmenaxac.

Juan 5:17

Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Deuteronómio 5:14

qaq ca na'a'q siete qalaxaye mataxaqui, nache huaigui da qaỹo'oxoren Ñim Nataxala' maye Atamnaxala'. Nache saishet da huo'o ca qaỹo'ot na no'onatacpi, qataq saishet da do'onataxan ca 'aỹa'alec, 'aỹa'ale, 'arlatac, 'arlata, 'arauegaxanaxala' huaca, 'arelo 'ashena, qataq camachaqca na laỹepi 'ana'atetpi, huo'otaq ca chegaqauec maye netaña ca 'arma'. Nache 'enauac namayepi da nmatec 'eeta'am 'am.

Hebreos 4:10

Nache que'eca na'a'q nam lalamaxatpi Ñim Lo'onatac 'Enauacna cheta'ague qome da nmateeguesop na lo'onatac, 'eeta'am Ñim Lo'onatac 'Enauacna co'ollaq nmateeguesop na lo'onatacpi.

Hebreos 4:4

Cha'aye huo'o na hueta'a ana nere maye huetalec na la'aqtacpi Ñimaye da ỹa'axa't yi'iye na'a'q maye mataxaqui, 'eeta': «So pa'atec na'a'q se'esoua siete na'axa'te, nache Ñim Lo'onatac 'Enauacna nmateeguesop 'enauac na lo'onatac.»