Génesis 12:1 - La'aqtaqa Ñim Lo'onatac 'Enauacna 2013

¹ Qaq huo'o so na'a'q, nache Ñim Nataxala', 'enapega so Abram, 'eeta': «Qoca'ai na 'ana'alhua, qataq na 'arhuo' le'ecpi, qataq ye lma' ñi 'arta'a, da yaqto' 'anqo'ona yem 'alhua maye 'am sachaxana qome.

Génesis 12:1 Iomraidhean Croise

Génesis 15:7

Nache 'enapega somaye, 'eeta': «Aỹem nachaỹem Nataxala', Aỹem 'am ñeqateeguesop co'ollaxa ye Ur maye lma' na caldeopi, da yaqto' 'am sanem ne'ena 'alhua da 'aralamaxat.»

Génesis 20:13

Ñim Lo'onatac 'Enauacna co'ollaq aỹem 'enapega da sheca'ai ye lma' so ita'a, nache setaxaỹot añimaye da huo'otaq huo'o ca seviraxa nma', nache ỹa'axat da ỹaqaỹa.»

Génesis 24:38

maye nacherata da 'anqo'ona ye lauo' le'ecpi so ita'a, nache 'auachegoxotaigui yem 'alpi maye ihuo' lashepi aca lhua ñimaye.

Génesis 24:4

nacherata da 'anqo'ona qome yem ña'alhua, nache 'alca'aique aca lhua ñimaye, 'auachegoxotaigui yem 'alpi maye maiche ihuo' lashepi.»

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 26:2

Qaq huaña yemaye, nache Ñim Nataxala' nachaxana somaye, nache 'enapega, 'eeta': «Saishet qome da 'aỹa ye Egipto. Nacherata da qonaña qome cam 'alhua maye 'am samaxalec da qonaña,

Nehemías 9:7

'Am Nataxala' maye Qanatamnaxala', maye nache 'am da 'arca'aguishec co'ollaxa so Abram, qataq nache 'am da 'anqateguesop co'ollaxa ye 'alhua Ur, maye lma' so caldeopi, nache 'anaralaxat da le'enaxat Abraham.

Isaías 37:12

Som hua'au ita'alpi co'ollaq ilaxachigui som laỹepi shiỹaxauapi, 'eeta'am ye Gozán, Jarán, Resef, qataq so shiỹaxauapi yem 'alhua Bet Edén maye netaña co'ollaxa ye Telasar. ¿Qaq peta'a nca'alaxatec co'ollaxa somayepi, nam atamnaxala'pi?

Isaías 41:9

Aỹem, 'am sachegoxotchiguiña ye loga't ana 'alhua, qataq 'am seỹaxana co'ollaq qoneta'a ye ỹataqta qaỹoqta 'alhua, nache sheeta': 'Am, maiche 'am ỹamaxashec, 'am lleca'aguishec co'ollaxa, saishet da 'am so'otan.

Isaías 51:2

ña qauloichigui so Abraham maye qarta'ai qataq aso Sara maye qarachi'i. Co'ollaq seỹaxana so Abraham qalaq 'oonolec somaye qalaxaye sanem somaye da ichoxonnataxanaxa nache qalota ñaqa'en so llalaqpi.

Ezequiel 33:24

«Na shiỹaxauapi maye hueta'a ye huaqta'a't nỹecpi maye ỹotta'a't naua nañalo ye Israel maye nlachiguiñi, namayepi naxa, 'eeta': So Abraham 'oonolec co'ollaxa, qalaxaye somaye ivira'a co'ollaxa da lalamaxat ne'ena 'alhua, qaq qomi' ye qomi' qalote', qalaq taloxochiyo' da saishet da seviraqa'a da qaralamaxat ne'ena 'alhua.

Números 10:30

Qalaxaye so Hobab 'eeta': 'A'i, saishet da ashec, cha'aye aỹem she'eguelaxa ye ña'alhua qataq ye maiche ihuo' le'ecpi.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.