Génesis 1:9 - La'aqtaqa Ñim Lo'onatac 'Enauacna 2013

⁹ Nache Ñim Lo'onatac 'Enauacna 'enapeco': Na npa'atañi 'etaxat huo'o ca laponqa', yaqto' huo'o ca lqaxaỹaxa. Qaq 'era da 'eetec.

Génesis 1:9 Iomraidhean Croise

Génesis 1:8

nache se'eso pa'asheguem na'atchiguiñi le'enaxat naqa'en «piguem.» Qaq nvi' so pe, ime qataq anac so yo'oxoñi, qaq 'era da 'eetec so na'a'q dos.

Nehemías 9:6

Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.

Da na'aqtaguec so Job 26:10

Ñimaye ỹo'o't naua loga'te aso auaxai, qataq iỹotauga da lpa'axac na yo'oqchiguiñi qataq na napalaxa.

Da na'aqtaguec so Job 26:7

Ñim Lo'onatac 'Enauacna ỹanalec na piguem na pa'asheguem maye qui'ittelec, qataq ana 'alhua qaica da huo'o ca na'attalec naqa'en.

Salmos 104:3

Qataq ca qaỹoqotcheguemec 'arma' na'arelec 'anqa'en na 'etaxat, qataq na lo'oc na piguem nañigui 'anqa'en aca 'annaigona, qaq da qojec qalaq qonetaleguete naua laua't na la'at.

Salmos 33:7

Ñimaye laỹona't co'ollaxa na 'etaxat aso auaxai, qataq ỹaỹamaxat ỹachangui asom qaỹoqchiguingui auaxai late'erai.

Salmos 95:5

Qataq lalamaqte nataqa'en aso auaxai, cha'aye Ñimaye maiche ỹo'ot co'ollaxa, qataq ỹauota'ai naua lhua'q co'ollaq ỹo'ot ana 'alhua.

Eclesiastés 1:7

Na talapi 'enauac da taỹauga aso auaxai, qalaxaye aso auaxai saishet da nlaxagui, na 'etaxat ỹe'eguelaq taỹa ye chegoqchiguiña, nache ỹe'eguelaqtegue so maiche llec.

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Jonás 1:9

Nache so Jonás, 'enapeco': «Aỹem hebreo le'ec, qaq huo'o naq 'enec ñaqa'en Ñim Nataxala', maye lo'onatac na piguem, auaxai qataq ana 'alhua.»

2 Pedro 3:5

Qaq ne'ena shiỹaxauapi saishet da taỹapigui lauel da soua qaỹoqteguelo vi'iye da Ñim Lo'onatac 'Enauacna, ỹo'ot co'ollaxa na piguem qataq ana 'alhua. Chegoqchigui so 'oonolec la'aqtac da ỹo'ot aso auaxai qataq na deqaqtelec 'alhua.

Apocalipsis 10:6

Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.