Génesis 1:16 - La'aqtaqa Ñim Lo'onatac 'Enauacna 2013

¹⁶ Ime, nache Ñim Lo'onatac 'Enauacna ỹo'o't naua dos ncoỹaraxanaqte: Aso late'erai icoỹarelec naqa'en na'a'q, qaq aso qapio'ole icoỹarelec pe. Nataqa'en ỹo'ot ana huaqaañipi.

Génesis 1:16 Iomraidhean Croise

Génesis 1:15

Qaq 'eroigui anamayepi na pa'asheguem maye na'atchiguiñi da yaqto' icoỹarelec ana 'alhua. Qaq 'era da 'eetec.

Da na'aqtaguec so Job 31:26

Qataq da semeteetac da llo'oxoyec na le'eraxa añi nala', huo'otaq da llo'oxoyec na le'eraxa ñi ca'agoxoic.

Da na'aqtaguec so Job 38:7

Qataq co'ollaq do'onaxaatagui ana huaqaañipi yo'oxoñi lalaqtepi, qataq ỹalecteguet da ntonaxac na ỹamaxashec piguem le'ecpi?

Salmos 148:3

¡'Am nala', qataq 'am ca'agoxoic, qavio'oxoyiñi qome Ñimaye! ¡Qami' huaqaañipi maye qami' 'ettaiguipi, qavio'oxoyiñi qome Ñimaye!

Salmos 148:5

Qavio'oxoyiñi qome da le'enaxat Ñim Nataxala', cha'aye Ñimaye co'ollaq ỹan da la'aqtac, nache yo'oq 'enauacna,

Salmos 19:6

Qaq da nnoxoosheguem añi nala' nache jec, queto'ot na piguem nache ivitta'a ca loga't ana 'alhua, nache qaica ca ishet da 'eteguet na le'eraxa.

Salmos 74:16

'Am 'aralamaxat ye na'a'q qataq ye pe, qataq 'auo'ot co'ollaxa ñi ca'agoxoic qataq añi nala',

Salmos 8:3

Qaq naxa da semeteetac na piguem maye 'aro'onatac, qataq so ca'agoxoic qataq ana huaqaañipi maye 'aỹa'ano'ot co'ollaxa na piguem,

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Isaías 24:23

Qaq qom ỹacoolec da lo'onataxanaxac Ñim Nataxala' maye Qaica ca Ỹaqalanapec huaña añi qasoxonaxa Sión, yem Jerusalén nache añi nala' qataq ñi ca'agoxoic 'om qome, nache nam lataxala'pi nam nalamaxat nhuo' le'ecpi ila'a qome da llo'oxoyec Ñim Nataxala'.

Isaías 40:26

Ña qauamachiỹo'ot na piguem, nache qaumichiñi: ¿Negue't cam ỹo'ot co'ollaxa 'enauac namaye? Cam naloqchiiñi añi 'oonole ana qalota huaqaañipi, qataq ỹauo'o na le'enaxat añi 'oonole anamayepi. Qaq ỹataqta lta'araic da la'añaxac nache saishet da huo'o aca deqaptauec anamayepi.

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Jeremías 31:35

Ñim Nataxala' maye ỹo'ot añi nala' da yaqto' icoỹarelec ye na'a'q ñi ca'agoxoic qataq ana huaqaañipi da yaqto' icoỹarelec ye pe, qataq ỹo'ot da aso auaxai deratac, qataq dauaxan ana lapaxa, Ñim le'enaxat Nataxala' maye Qaica ca Ỹaqalanapec, 'eeta':

Habacuc 3:11

Qaq añi nala', qataq ñi ca'agoxoic qalaq vi'iigueta, da ila'aguet na le'eraxa ana 'archecnapi, qataq na lqashelgaxa ana 'arataquiaxai.

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Mateo 27:45

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

1 Corintios 15:41

Na le'eraxa añi nala' saishet da 'ena'am na le'eraxa ñi ca'agoxoic qataq ana huaqaañipi. Qataq nataqa'en ana huaqaañipi saishet da 'ena'a't na le'eraxa.

Deuteronómio 4:19

Cha'aye sa iuena'a da qauamachiỹo'ot na piguem, nache qauloỹa'a añi nala', ca'agoxoic, huaqaañi, qataq ana laỹepi maye neto'ot na piguem, nache ishet da qauauochiỹa'ac da qanatamñiỹot. Cha'aye Ñim Nataxala' ỹo'ot co'ollaxa anamaye da yaqto' icoỹarelec 'enauac na ỹotta'a't shiỹaxauapi maye netalec ana 'alhua.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.