Génesis 1:12 - La'aqtaqa Ñim Lo'onatac 'Enauacna 2013

¹² Huaña nache na 'alhua ñaxaalec ana ỹotta'a't huouepi, qataq ana huouepi maye huo'o ana ala, qataq ana qo'oipaqpi maye huo'o ana ala. Nache Ñim Lo'onatac 'Enauacna ila'a da ỹaỹamaqchiguiñi.

Génesis 1:12 Iomraidhean Croise

Génesis 1:11

Nache Ñim Lo'onatac 'Enauacna 'enapeco': Ñaxaalec 'enauac ana 'alhua ana ỹotta'a't huouepi, qataq ana huouepi maye huo'o ana ala, qataq ana qo'oipaqpi maye ỹotta'a't ana alapi. Qaq 'era da 'eetec.

Génesis 1:13

Qaq nvi' so pe, ime qataq anac so yo'oxoñi, qaq 'era da 'eetec so na'a'q tres.

Salmos 104:14

Qataq ñaxat 'anqa'en na 'auaqpi da yaqto' aloq na shiguiỹacpi, qataq acam nañiguishe maye ỹaañi ca shiỹaxaua, da yaqto' huo'o ca aloq ỹachegoxotaigui ana 'alhua,

Isaías 61:11

Cha'aye da 'eetec ana 'alhua da ñaxatsheguem naqa'en ana nañiguishe, qataq ñaxatec naqa'en ana dalaxai llaxataxa na nanaxanaqa'piolec, qaq nache 'eetec qome Ñim Nataxala' da ñaxat naqa'en da lauegaxanaxac, qataq 'enauac nam ỹotta'a't shiỹaxauapi ỹo'on qome ca no'onec da yo'oxonnataxan.

Marcos 4:28

Cha'aye nam 'alhua maiche ỹo'ot naqa'en da lañaxataxac asomaye, hua'auñi da nnoxoosheguem aso nañiguishe, qaỹata'ague, nache huo'o ana lauoxo, ime, nache huo'o ana alapi.

Lucas 6:44

Qaq aca 'oonole qo'oipaq maiche qaỹauatton souaxat aca ala. Ỹoqo'oye saishet da qanqat ana ala ana nañiguishe le'enaxat da higo qataq ana uva, da qaỹachegoxotaigui aca qo'oipaq maye huo'o ana le.

2 Corintios 9:10

Ñim Lo'onatac 'Enauacna, nacheñi ñi ỹan acam nañiguishe ala, yaqto' qoỹanoigui na 'alhua, qataq ca qanallec da yaqto' ỹa'añaqchet ca shiỹaxaua. Nataqa'en Ñimaye qami' ỹanema qome 'enauac ca qaviñiitaique, yaqto' ishet da qautauañi ca qarỹai.

Gálatas 6:7

Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Hebreos 6:7

Qaq de'era, na shiỹaxauapi 'eeta'am ca 'alhua. Nam ỹa'amaqteetac So Cristo 'eeta'am ca 'alhua maye taleguete naua lta'araiqa auo'oche, ime, nache huo'o da no'on alaỹaxac na lañiguishec cam danaxaatac. Qaq Ñim Lo'onatac 'Enauacna ỹaalec da nqouagaxa.