Génesis 1:11 - La'aqtaqa Ñim Lo'onatac 'Enauacna 2013

¹¹ Nache Ñim Lo'onatac 'Enauacna 'enapeco': Ñaxaalec 'enauac ana 'alhua ana ỹotta'a't huouepi, qataq ana huouepi maye huo'o ana ala, qataq ana qo'oipaqpi maye ỹotta'a't ana alapi. Qaq 'era da 'eetec.

Génesis 1:11 Iomraidhean Croise

Génesis 1:12

Huaña nache na 'alhua ñaxaalec ana ỹotta'a't huouepi, qataq ana huouepi maye huo'o ana ala, qataq ana qo'oipaqpi maye huo'o ana ala. Nache Ñim Lo'onatac 'Enauacna ila'a da ỹaỹamaqchiguiñi.

Génesis 1:29

Ime, nache Ñim Lo'onatac 'Enauacna, 'enapeco': «Hua', nagui qami' sanema 'enauac ana huouepi maye huo'o ana ala maye ñaxattalec ana 'alhua, qataq ana qo'oipaqpi maye huo'o ana ala. Qaq 'enauac anamaye qollequiitac.

Génesis 2:16

nache ỹanem da la'aqtac, 'eeta': «'Am ishet da qollec ana ala 'enauac ana qo'oipaqpi maye huaigui na nanaxanaqa',

Génesis 2:5

nache saxanaxa co'ollaxa da huo'o aca ñaxat ana qo'oipaq qataq na 'auaqpi, cha'aye Ñim Nataxala' saxanaxa da ỹauo'o ca auot da yaqto' talec ana 'alhua, qataq saxanaqca ca ishet da do'onataxaalec.

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Da na'aqtaguec so Job 28:5

Qaq na 'alhua nache chegoqtapoigui na qanallec, qaq na pa'aguiñi namaye qalaq 'eroigui 'eeta'am na norec.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Salmos 147:8

Ñimaye ỹapolec naqa'en na lo'oc na piguem, qataq talec naqa'en ana 'alhua na auot, qataq ana qasoxonaxapi ñaxaalec naqa'en na 'auaqpi.

Isaías 61:11

Cha'aye da 'eetec ana 'alhua da ñaxatsheguem naqa'en ana nañiguishe, qataq ñaxatec naqa'en ana dalaxai llaxataxa na nanaxanaqa'piolec, qaq nache 'eetec qome Ñim Nataxala' da ñaxat naqa'en da lauegaxanaxac, qataq 'enauac nam ỹotta'a't shiỹaxauapi ỹo'on qome ca no'onec da yo'oxonnataxan.

Jeremías 17:8

Qaq camaye, 'eeta'am qome aca qo'oipaq maye neto'ot na loigue ca tala, maye naua lpa'aye qalaq iviraugalo ca la'auaxac, qaq saishet da ñe'etac da nvi' naua nta'api, cha'aye ana lcouepi nache 'eetai' da ỹataqta napal. Da ivita da deqaqa ana 'alhua qalaq saishet da leetapigui ye lauel qataq saishet da vi'iiguet da alaỹaxac.

Mateo 3:10

Aca qachepe mashe lhuotta da iquesoxoñot ana qo'oipaqpi. Qaq 'enauac anam 'epaqpi maye saishet da no'on ana ala, nache anamayepi qaiquesoqot. Ime, qaq qaỹasaxangui ca norec.

Mateo 6:30

Qaq Ñim Lo'onatac 'Enauacna da ỹami' da lyacỹaxac anam huoue nagui maye huetauga na no'onaxa, qamaq ca lỹa na'a'q nache deqaqa, qaq da nache 'eetec de'era nache ¿peta'a sa ỹacteco' cam qami' ỹo'oteque Ñimaye? ¡Aỹem sela'a da saxanaxa da qauaỹachiñi da ỹoqta qaupi'iỹa'ai Ñim Lo'onatac 'Enauacna!

Marcos 4:28

Cha'aye nam 'alhua maiche ỹo'ot naqa'en da lañaxataxac asomaye, hua'auñi da nnoxoosheguem aso nañiguishe, qaỹata'ague, nache huo'o ana lauoxo, ime, nache huo'o ana alapi.

1 Corintios 15:38

Qalaxaye añi 'oonole nañiguishe, Ñim Lo'onatac 'Enauacna maiche ỹoiqueetac ca ỹanem lataxac.

Hebreos 6:7

Qaq de'era, na shiỹaxauapi 'eeta'am ca 'alhua. Nam ỹa'amaqteetac So Cristo 'eeta'am ca 'alhua maye taleguete naua lta'araiqa auo'oche, ime, nache huo'o da no'on alaỹaxac na lañiguishec cam danaxaatac. Qaq Ñim Lo'onatac 'Enauacna ỹaalec da nqouagaxa.

Santiago 3:12

Aca higo lcheyec saishet da ala aca le'enaxat aceituna. Qataq aca uva lcheyec saishet da ala aca le'enaxat higo.