Filemón 1:6 - La'aqtaqa Ñim Lo'onatac 'Enauacna 2013

⁶ 'Am huo'o da 'anaquitaxac So Qarataxala' 'ena'ama qomi'. Qaq ỹoqo'oye seỹaxaatacot Ñim Lo'onatac 'Enauacna da, nache qoqueto'ot da 'anaquitaxac Ñimaye, choche ivitta'a da ỹataqta 'auauatton 'enauac nam ỹaỹamaqchiguiñipi maye ishet da so'otaq. Qaq de'era chegoqchigui da qarauotaxanaqtaic So Qarataxala' Jesucristo.

Nuevo Testamento Toba Sur

⁶ Nataq'en seÿaxaatacot ñi Dios, da yaqto' nam da'amqajnataxanpi mayi chigoqchigui da 'adpi'iÿaxac, da yaqto' namayipi ÿataqta ÿaÿateetegue ca lataxac 'enauac na nqouagaxanaqtaicpi mayi chigoqo'ot so Cristo Jesús.

Nuevo Testamento Toba Sombrero Negro

⁶ Jajela joñe'me Dios qaedi am lecochiya qaedi maqachaĝa avichoĝode'n jogaa'me Dios lec'oqo'tepi, chiyaqayi da'me adepe'e, qom auayaten yema da'me 'noota jo'ne jaqanatetaq ta'le jauoqo qaedi qo'nonaĝachigui joñe'me Cristo.

Filemón 1:6 Iomraidhean Croise

Mateo 25:16

Nache so namaxashec maye ỹaconeguet aso cinco mil anom, somaye do'onataxangui asa'aso anom da nmen. Nache ivi' cinco mil aso laỹe laueque.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

1 Corintios 14:25

Qaq 'enauac na saqcha'a lhuennataxacpi maye huetaigui añi lquiyaqte ishet da ya'aqalec. Ime, qaq ishet da ỹa'aroto naua l-llectel Ñim Lo'onatac 'Enauacna da ỹo'oxoren, qataq ỹa'axattac da 'eesa da Ñim Lo'onatac 'Enauacna ỹataqta qami' hueta'agueta.

1 Corintios 16:9

cha'aye yemaye ỹataqta aỹem ỹaconeguet da so'onataxan, da yaqto' saqalota na ỹa'amaqten So Qarataxala'. Qaq na'aictaxa da saqalota na depa'aguenataxaatac.

Filipenses 4:8

Qaq de'era pa'atec qami' ỹaqaỹa't, 'eeta': ỹataqta qauennataxañiitelec cam ỹataqta 'eesa, qataq 'enauac cam ishet da huo'o naq 'enec qanqa'en, qataq 'enauac cam nalochiguiñi, qataq ca 'onaxaic, qauennataxañiitelec nataqa'en cam no'on nataxac, qataq 'enauac cam ishet da ỹo'ot da ño'oxonnataxanaxac.

Colosenses 1:9

Co'ollaq choche saỹaanaq 'enauac de'era, nache qolaqtot da qami' ñeqouagaxaunaqtapegueleguete. Seỹaxanaqtacot Ñim Lo'onatac 'Enauacna da ña qami' ỹauattonaxanaxaneque dam ỹataqta 'eetapeguec Ñimaye, qataq da qami' ỹanema na ỹotta'a't naỹaaneguesat qataq da nauattonaxanaxac maye chegoqo'ot So Saqcha'a Na'añaxac Qui'itta.

Colosenses 3:10

Qataq nagui mashe dalaxaic da qoviitaigui qarataxaqui. Ỹataqta 'eesa da qami' shiỹaxau' dalaxaiqa, qanquiquiita'aguet da qoñiỹa'am Ñim Lo'onatac 'Enauacna maye maiche qami' lo'onataqa qataq nquictauec da ỹataqta qauauattoñiita Ñimaye.

Tito 3:14

Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Santiago 2:14

Qami' ỹaqaỹarolqa maye sa'amaqtenaqtac So Cristo, ¿negue'to' cam naigui da huo'o ca 'oonolec da qoñiita da 'eetega da huo'o da lpi'iỹaxac Ñim Lo'onatac 'Enauacna, da huo'otaq saishet da huo'o ca ỹo'ot ỹaỹamaqchiguiñi maye ỹachaxan da huo'o da lpi'iỹaxac? ¡Da nache qoñiitec de'era, nache saishet da qami' qanca'alaxatre'c!

Santiago 2:17

Qaq nache 'eetec nataqa'en da npi'iỹaxac Ñim Lo'onatac 'Enauacna: qaica ca naigui da shenaqtega sepagaqchigui cam 'enapec Ñim Lo'onatac 'Enauacna da huo'otaq saishet da so'otaq cam ỹachaxan damaye. Qaq da nache 'eetec de'era da qarpi'iỹaxac, nache damaye leuaxaic.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

1 Pedro 3:1

Qami' 'alpi maye mashe qauaroñi, añi 'oonole da qoñiita iuen da ỹalaxaguet ca lhua. Cha'aye da nache qoñiitec de'era, nache camayepi da saishet da ỹa'amaqten da na'aqtaxanaxac maye nachera dam no'on na'axaỹaxac, qalaxaye ila'a dam lataxac añi 'oonole da qoñiita, nache nachera dam ishet da da'amqaanataxan naqa'en. Saishet da iuen da qautaqaitecot,

1 Pedro 3:16

Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

2 Pedro 1:8

Da qami' qauauattoñi So Jesucristo, nache maiche qauo'oche 'enauac de'era qataq qanpogoxoiñiỹapegue' da qanquiquiita'aguet da ỹataqta ỹaỹamaqchiguiñi. Huaña, nache ivita da nda'a't da ỹaỹamaqchiguiñi qauo'ocheetac.