Filemón 1:2 - La'aqtaqa Ñim Lo'onatac 'Enauacna 2013

² Nataqa'en samaxa 'enauac nam ỹa'amaqten So Jesús maye laponqa' na 'arma', nache 'ena'am aca qarqaỹa Apia, qataq ca qarqaỹa Arquipo maye nataqa'en qartaua de'era qaro'onataxanaxac.

Nuevo Testamento Toba Sur

² qataq 'enauac nam 'amqajnataxanaxaicpi mayi laponqa' na 'adma', nachi 'en'am aca qadqaÿa Apia, qataq ca Arquipo mayi nataq'en ale, 'eeta'ama qomi'.

Nuevo Testamento Toba Sombrero Negro

² nataq'aen ena'uaque joga'me p'etaqadaiquipi jo'ne yema'a't nale ueda'a na'me at'achaqa', nach'e naq'aeta jaga'me qadaqaya Apia, nataq'aen ga'me Arquipo, jo'ne nach'e ena'am qadecochaĝaua queda'me qadeloiquiaĝac.

Filemón 1:2 Iomraidhean Croise

Romanos 16:1

Qalota na no'on ỹa'aqtaxanaxac da sa'axat aca qarqaỹa Febe. Cha'aye acamaye huetac naxa qataq nachaqacata 'amqaanataxanaxai da itauaatac nam 'amqaanataxanaxaicpi maye netaña ye ñegaxasom ye Cencrea.

Romanos 16:5

Nataqa'en samaxa da iquinaxanaxac ca qarqaỹañicpi 'amqaanataxanaxaicpi maye laponqa' ye lma' caamaye. Qataq nataqa'en ca ñauochaxaua ỹaqaỹa Epeneto maye nacheca ca la'auaxanec nam lma' ye 'alhua Asia da ỹa'amaqten So Cristo da lca'alaxaqui.

1 Corintios 16:19

Na 'amqaanataxanaxaicpi maye netalec ne'ena 'alhua Asia, qami' ỹamaxalo da lquinaxanaxac. Ñi Aquila qataq añi lhua Priscila qataq na 'amqaanataxanaxaicpi maye lo'onaxanaqa' ye lma', namayepi ỹataqta qalota da lquinaxanaxac qami' ỹamaxalo, cha'aye qami' la'amqaanataxanaxau'.

Filipenses 2:25

Huo'o so na'a'q, nache qami' aỹem qanamaqỹa ñi qarqaỹa Epafrodito da yaqto' aỹem itauan 'enauac na iuenaxanaxa. Ñimaye ỹo'onataxanaxaua qataq iỹa da seloquiaqteguelec de'era na'aqtaxanaxac maye chegaqaigui da no'on na'axaỹaxac. Qaq nagui qalaq iuen da ñimaye qami' ỹe'eguelaxalo,

Colosenses 4:15

Qataq qaỹa'añim qome da iquinaxanaxac ca qarqaỹañicpi maye netaña ye nỹecpi ye Laodicea. Qataq qaỹa'añim nataqa'en da iquinaxanaxac aca Ninfas qataq caua 'amqaanataxanaxaiqa maye laponqa' ye lma' acamaye naxa da ỹo'oxore'n Ñim Lo'onatac 'Enauacna.

Colosenses 4:17

Nataqa'en qoñiỹapega qome ca Arquipo, qoñiita': «Ỹataqta 'auaỹamaxatchiguiñi qome da 'aro'onataxanaxac maye 'am ipataxalec So Qarataxala'.»