Filemón 1:10 - La'aqtaqa Ñim Lo'onatac 'Enauacna 2013

¹⁰ qaq nagui 'am seỹaxanot da 'auaconeguet qataq 'auchoxoren qome na Onésimo. Namaye mashe ivira'a da 'eeta'am ñaqa'en ca yo'oqchigui ỹalec ana'ana sootaigui ncoñetaxanaxaqui.

Nuevo Testamento Toba Sur

¹⁰ qaq nagui 'am seÿaxanot da 'auchoxoden qome na Onésimo. Namayi mashi ivida'a da 'eeta'am ñaq'en ca yi'oqchigui ÿalec ana'ana sootaigui ncoñitaxanaxaqui.

Nuevo Testamento Toba Sombrero Negro

¹⁰ Qama'le nayi am jiyaĝanot qaedi avichoĝoden jo' qomle ñe'me Onésimo: avichoĝoden joñe'me qa'a mach'e yomataĝanaĝat, qama'le ena'am ga'me yataqachiñe yaleeja da'me jonetaue jana'me janjo' coñetaĝanaĝaiqui.

Filemón 1:10 Iomraidhean Croise

2 Samuel 18:5

Qaq so nta'a, nataqa'en huaqata co'ollaxa so Joab, Abisay qataq so Ilay, da ỹaỹamaxatta so llalec Absalón.» Nache 'enauac so alleppi hua'aqchigui co'ollaxa de'era nqataxac maye qoỹanema soua nataxala'ate.

Marcos 9:17

Nache huo'o som ỹalectauo ỹasat, 'eeta': –'Am Napaxaguenataxanaq, 'am ñauegueua'a da ỹalec, cha'aye damaye huo'o ñi netaigui saqcha'a na'añaxac leguemaxaic maye saishet da ỹashenem da da'aqtaxan.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

1 Corintios 4:14

De'era shiyiñi, damaye saishet da huo'otaq ñeshetaique da qami' sa'aloqche't. Chaqrata da ñeshetaique da qami' seqatalo, cha'aye qami' ỹauotaqa'ate ỹalqa.

1 Corintios 4:15

Qaq na'aictaxa da ivi' ca diez mil na qami' ỹapaxagueneque da na'aqtaguec So Cristo, qalaxaye na qarta'ailpi saishet da qalota. Aỹem 'oonolec maye lta'a da qarpi'iỹaxaqui So Cristo Jesús. Cha'aye aỹem maye qami' sa'axatema co'ollaxa da no'on na'axaỹaxac maye na'aqtaguec So Cristo, nache qaviyiỹa'a da 'eeta'am da qami' ỹalaqpi.

Gálatas 4:19

Aỹem ỹataqta qami' sauoteque, qalaxaye da saxanaxa da qoñiỹa'am So Cristo, nache qauo'ocheetac da ñequi'ic, 'eeta'am da nqui'ic aca 'alo da huotaique da deco'o.

Colosenses 4:9

Qaq ñimaye nnaictague' qome ñi Onésimo ñim qanauochaxaua qarqaỹa qataq qarpe'et. Ñimaye maiche qami' chegoqtoiguilo co'ollaxa. Qaq ñimaye qami' da'aqtaxanema qome 'enauac nam hueta'a ne'ena souaqta'a.

Tito 1:4

'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

Filemón 1:11

Ne'ena Onésimo soua lỹa't na'axa'te, namaye choche 'arlatac, qaica ca taiguet, qalaxaye nagui namaye ỹataqta qarpe'et.

Filemón 1:13

Qaq aỹem ishettaxa da ñellañi namaye, da yaqto' aỹem itauan da 'anmeneguet, nagui da ñaq aỹem qaicoñettai' souaxat da no'on na'axaỹaxac maye sa'axattac.

3 Juan 1:4

Qaica ca lỹa ỹo'ot da ñetonaxac da saỹaten da na ỹalaqpi, nache 'eetai' da ỹo'ottac dam 'eesa lataxac, maye qomi' ỹapaxagueneque Ñim Lo'onatac 'Enauacna.