Filemón 1:1 - La'aqtaqa Ñim Lo'onatac 'Enauacna 2013

¹ Aỹem Pablo, aỹem qaicoñettai' souaxat da sasoilec So Cristo Jesús. Aỹem qataq ñi Timoteo 'am samaxa ana ỹere, 'am qanauochaxaua qarqaỹa Filemón maye 'am qaro'onataxanaxaua.

Nuevo Testamento Toba Sur

¹ Aÿim Pablo, aÿim qaicoñittai' souaxat da sasoilec so Cristo Jesús. Aÿim qataq ñi Timoteo 'am samaxa ana ÿide, 'am qanauochaxaua qadqaÿa Filemón mayi 'am qad'onataxanaxaua,

Nuevo Testamento Toba Sombrero Negro

¹ Jayem Pablo, jo'ne necoñetaejec qa'a yajouaĝat da'me japaĝaguenataĝanec da'me dalaĝaic 'naqataĝanaĝac jo'ne onaĝaic 'me chiyaqayi joñe'me Cristo Jesús. Jayem nataq'aen ñe'me qadaqaya Timoteo ja'uo jenjo' yediijec qaedi am jedenaqatena, am qadaqaya Filemón, jo'ne mach'e am qat'onataĝanaĝaua jo'ne am jauotaĝac,

Filemón 1:1 Iomraidhean Croise

Hechos 16:1

So Pablo queto'ot da llecỹaxac ivitta'a ye nỹecpiolec le'enaxat Derbe qataq ye Listra. Qaq yemaye netaña so nsoq le'enaxat Timoteo maye ỹa'amaqteetac So Jesús. Aso late'e so Timoteo asomaye judío lashe ỹa'amaqteetac So Jesús, qaq so lta'a qalaxaye Grecia le'ec.

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

2 Corintios 1:1

Qami' qanauochaxauapi qarqaỹañicpi maye qoñiitaña na nỹecpi na Corinto qataq na 'alhua Acaya: Aỹem Pablo qataq ñi Timoteo, qami' samaxasaxalo da qarquinaxanaxac.

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Efesios 3:1

Aỹem Pablo, aỹem qaicoñettai' cha'aye sasoilec da so'onataxaatacot So Jesucristo qataq so'onataxaatac da yaqto' qauaỹamaqaiñi qami' maye saishet da qami' judiopi.

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

Efesios 6:20

Cha'aye So Qarataxala' aỹem ỹamaq da sa'axat de'era 'eetapeguec, qaq nachera da huo'omshe aỹem qaicoñettai' nagui. Qaq ỹoqo'oye qauỹaxañiỹot qome Ñim Lo'onatac 'Enauacna da yaqto' aỹem ỹami' ca ỹa'añaxac, yaqto' qaica ca she'etaique da sa'axat da no'on na'axaỹaxac.

Filipenses 1:1

Aỹem Pablo qataq ñi Timoteo, qomi' l-lataqa So Cristo Jesús. Qomi' samaxasaxa ana qorere 'enauac na 'amqaanataxanaxaicpi maye netaña ye nỹecpi ye Filipos, nam lalamaxatpi Ñim Lo'onatac 'Enauacna souaxat da na'attaua'a So Cristo Jesús. Ana qorere nataqa'en taỹa'a na lataxala'pi namayepi qataq na ltauapi.

Filipenses 2:25

Huo'o so na'a'q, nache qami' aỹem qanamaqỹa ñi qarqaỹa Epafrodito da yaqto' aỹem itauan 'enauac na iuenaxanaxa. Ñimaye ỹo'onataxanaxaua qataq iỹa da seloquiaqteguelec de'era na'aqtaxanaxac maye chegaqaigui da no'on na'axaỹaxac. Qaq nagui qalaq iuen da ñimaye qami' ỹe'eguelaxalo,

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.

Colosenses 1:1

Aỹem Pablo, aỹem lamaxashec So Jesucristo. Qaq de'era ñamaxasaguec, damaye maiche chegoqtot Ñim Lo'onatac 'Enauacna. Ñi qarqaỹa Timoteo qataq aỹem,

Colosenses 4:11

Nataqa'en qami' ỹamaxalo da lquinaxanaxac so Jesús, da le'enaxat lỹa Justo. Nam 'amqaanataxanaxaicpi judiopi, qalaq nachaqnauate' naamaye da aỹem itauaata'ape da ỹo'onataxanaxac da sa'axattac da lo'onataxanaxac Ñim Lo'onatac 'Enauacna qataq nachaqnauate' aỹem ỹa'añaqchetta'ape.

1 Ts 3:2

Nache qami' samaxasaxalo so qarqaỹa Timoteo. Cha'aye somaye lamaxashec Ñim Lo'onatac 'Enauacna qataq qaro'onataxanaxaua da sa'axataq da no'on qara'axaỹaxac maye na'aqtaguec So Cristo. Somaye taỹalo qami' da qami' nauaxaỹaxaayeshegue'm qataq ỹa'añaqchet da qarpi'iỹaxaqui So Jesucristo;

2 Ts 1:1

Qami' ñauochaxau' ỹaqaỹa't, qami' 'amqaanataxanaxaicpi maye qarmaye na Tesalónica: Aỹem Pablo qataq Silvano qataq ñi Timoteo qami' sequinaqta'ape maye qami' lalamaqa'ate Ñim Lo'onatac 'Enauacna maye Qarta'a qataq So Qarataxala' Jesucristo. Qaq imauec da iquiyaqteỹaxac da seỹaxaatacoto naamaye da qami' ỹanema da lsoxoyec qataq da l-lagaxayec.

2 Timoteo 1:8

Ỹoqo'oye saisheto' da 'ancoxolec da 'aua'axatec So Qarataxala' Jesús. Nataqa'en saisheto' da huo'o da 'arcoxo, souaxat da aỹem qaicoñettai', sasoilec Somaye. Nachaqrato' da 'anhuanaua'a de'era que'eenaxac souaxat da no'on na'axaỹaxac maye chegaqaigui da nca'alaxa, qaq Ñim Lo'onatac 'Enauacna 'am itaunec qome da 'ara'añaxac da yaqto' 'anala'aguet 'enauac ne'ena 'anque'eenaxacpi.

Filemón 1:23

Ñi Epafras maye ñecoñetaxaua souaxat da sasouaxalec So Cristo, 'am ỹamaxa da lquinaxanaxac.

Filemón 1:24

Nataqa'en ñi Marcos ñim itaua de'era qaro'onataxanaxac 'am iquiitac qataq ñi Aristarco, Demas qataq ñi Lucas.

Filemón 1:9

Qalaxaye aỹem sepacapegue' da 'am ñachoxoreetot, souaxat da 'arsoxoyec. Aỹem Pablo, nagui mashe aỹem ỹa'axaiqui qataq aỹem qaicoñettai', souaxat da sasoilec So Cristo Jesús,