Éxodo 8:6 - La'aqtaqa Ñim Lo'onatac 'Enauacna 2013

⁶ Nache so Aarón, ỹachaxaasheguem na lhuaq da naloqteetelec 'enauac aso laỹe'pi na 'etaxat ye Egipto, nache 'enauac ye Egipto ỹataqta nlaqtelec ana miỹo maye nnoxoosheguem.

Éxodo 8:6 Iomraidhean Croise

2 Samuel 7:22

¡Qaq ỹoqo'oye 'Am Ỹataxala', ỹataqta qaica ca 'eeta'am da 'ara'amaqchec! Cha'aye qaica ca lỹa atamnaxala', da 'Am 'eeta'am da sa'axasoqteguelec naxa da qaỹa'axattac.

2 Crónicas 6:14

«'Am Nataxala', maye Natamnaxala' na Israel le'ecpi, qaica ca lỹa Atamnaxala' na piguem, huo'otaq ana 'alhua da 'am 'eeta'am, cha'aye 'am ỹataqta 'aupaqueelec da 'anaỹamaxataxac, qataq da 'arauotaxanaqtaic cam ỹataqta 'am imato'ot da lquiyaqteỹaxac da 'am do'onataxaatacot,

Salmos 105:30

Qataq 'enauac ye Egipto nlaqtelec ana miỹo, nache iviraigui na pa'auo naua lma'ate so nta'alpi.

Salmos 78:45

Qataq namaxa aso ncoga da chec namayepi, qataq ana miỹo da nlaxaañi namayepi.

Salmos 86:8

Cha'aye qaica ca lỹa atamnaxala' da 'am 'eeta'am, 'Am Nataxala', qataq qaica ca no'onatac da 'eeta'am na 'aro'onatacpi.

Salmos 90:2

Co'ollaq saxanaxa da huo'o ana qasoxonaxapi, qataq saxanaxa da yo'oq ana 'alhua qataq 'enauac na huetalec, chegoqchiguiña co'ollaq la'atchiguiñi 'enauacna, qataq ivitta'a ca pa'atec na'a'q, da nache 'amta da 'Am Atamnaxala'.

Éxodo 10:2

yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Éxodo 7:19

Qataq Ñim Nataxala', nataqa'en 'enapego' so Moisés, 'eeta': «Qonapega qome ñi Aarón da ỹacona aca lashelte. Ime, qaq ỹachaxaasheguem na lhuaq, naloqteetelec naqa'en na tala, qataq na la'auaxacpi, qataq na qa'aimpi, qataq ana laỹe' na laquip na Egipto le'ecpi, qataq 'enauac anam huetangui na 'etaxat, da yaqto' nañigui na ntago'q. ¡Yaqto' huo'o qome na ntago'q ivira'a nataqa'en na huetagui ana naco'oñapi maye 'epaq qataq coma'!»

Éxodo 9:14

cha'aye nagui aỹem sauotaique da 'am ñamaxa 'enauac na ihuaxanaxanaxatpi qataq na 'artauapi qataq na 'arhuo' le'ecpi, yaqto' 'am 'auaỹateeta da Aỹem qaica ca lỹa sheeta'am 'enauac ana 'alhua.

Éxodo 9:29

Nache so Moisés, 'enapeco': «Qom choche senoxoneueegue da laỹe ne'ena nỹecpi, nache sachaxaayishigue'm naua ihua'q da ñeqouagaxaunot Ñim Nataxala', yaqto' vi'iiguet ana lache qataq na nalataxa, yaqto' 'am 'auaỹateeta da ana 'alhua lalamaqte Ñim Nataxala'.

Isaías 43:10

Qaq Ñim Nataxala' 'eeta': «Qami' maye qami' ỹa'aqtaxanaxanaqa, qataq qami' ỹamaxa'she, maye qami' lleca'agui'she, da yaqto' Aỹem qauauattoñi qataq Aỹem qaupi'iỹa'ai, qataq da yaqto' qauaỹachiñi negue't Aỹem. Qaq qaica co'ollaxa ca lỹa atamnaxala' co'ollaq saxanaxa da Aỹem yo'oq, qataq saishet qome da huo'o ca lỹa Aỹem ca'atalec.

Levítico 11:12

Qaq 'enauac na huetangui na 'etaxat maye qaicaua naua laua'tole qataq ana lso, nache qauqaiquiỹa qome.

Deuteronómio 32:31

Qataq na qampa'aguenaxauapi ỹaỹaten da cam npaxattalec namayepi saishet da 'eeta'am Ñim qomi' npaxattaleguete.

Deuteronómio 33:26

Ỹataqta qaica ca 'ena'am Ñim Natamnaxala' na Israel le'ecpi, cha'aye netalec na piguem da 'am itauan, qataq netalec na lo'oc da la'amaqchec.

Deuteronómio 4:35

Qaq damaye qami' qaỹachaxanalo yaqto' qauaỹachiñiita da Ñim Nataxala' nacheñi Ñim Lo'onatac 'Enauacna, qataq qaica ca lỹa 'eeta'am Ñimaye.

Apocalipsis 16:13

Huaña, nache sauaachigui na alap so shiguiỹac leguemaxaic maye 'eeta'am na na'araxanaq, qataq na alap som lỹa shiguiỹac leguemaxaic, qataq na alap som 'eetega da la'aqtaxanaxanec Ñim Lo'onatac 'Enauacna qalaxaye saq 'en da chegoqtoiguilo soua tres na'añaxaco saq cha'alo maye qauema, 'eeta'ama ana miỹo.