Éxodo 8:4 - La'aqtaqa Ñim Lo'onatac 'Enauacna 2013

⁴ Qataq tasheguemec qome ye 'arma' aca miỹo qataq na 'artauapi qataq 'enauac na 'arhuo' le'ecpi.»

Éxodo 8:4 Iomraidhean Croise

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

Salmos 107:40

Qalaxaye Ñim Lo'onatac 'Enauacna ỹataqta ỹaỹemec na saq ỹaxanapec namayepi, nache ỹo'ot da isomtac da huetalec ca toolec 'alhua cha'aye qaica ca llec.

Éxodo 10:17

Qalaxaye qami' ñachoxonnoto da chaqnatac nagui da aỹem qauchoxoyiñi souaxat da ỹasouaxashet. Qataq aỹem qanqouagaxauñiilec qome da qanqouagaxauñiỹot Ñim Nataxala' maye Qanatamnaxala'ai, da yaqto' nqateeguesop aỹem de'era lhuaxanaxanaxac maye dalaataxanapec.»

Éxodo 8:24

Qaq 'era da 'eetec Ñim Nataxala'. Ime, qaq anac aso ỹataqta qalota ncoga, nache taua'a so lma' lta'araic so faraón, qataq so lma'pi so ltauapi qataq 'enauac ye 'alhua Egipto. Qaq souaxat aso ncoga, nache 'enauac ye 'alhua na'aqchet.

Éxodo 8:3

Nache so tala ỹataqta demalle ñaqa'en qome aca miỹo. Ime, qaq chegoqchiguingui qome somaye aca miỹo da taigui ñi 'arma' lta'araic qataq yem 'aro'ochaqa' qataq nam lma'pi na 'artauapi qataq 'enauac nam 'arhuo' le'ecpi qataq ana nqatelaxanaxaquipi qataq ye ndaqnaxanaqa' da qaỹo'ot ana nauole 'ayiiña.

Éxodo 8:5

Nache Ñim Nataxala' 'enapego' so Moisés, 'eeta': «Qonapega qome ñi Aarón da ỹachaxaasheguem na lhuaq, naloqteetelec naqa'en ara lashelte so tala qataq na la'auaxacpi qataq na qa'aimpi, yaqto' chegoqchiguingui somaye aca miỹo da nnoxoosheguem, da yaqto' talec 'enauac na 'alhua na Egipto.»

Éxodo 9:28

Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

Isaías 19:11

¡Qami' nataxala'pi na Soán, ỹataqta qaica ca qauaỹaañiỹapec, nam ỹaanaxanaxaicpi maye chegoqtecot na nqataxacpi ye Egipto, namayepi ỹataqta 'eesa da qaica ca ỹaỹaanapec! ¿Ca 'eeteco' da ishet da qoñiỹapega co'ollaxa ñi faraón da, qoñiita': «Qomi' sachegoxosoxoguet so ỹaanaxanaxaicpi, qataq som hua'au nta'alpi co'ollaxa?»

Isaías 19:22

Ñim Nataxala', ique'emaqchet qome ye Egipto le'ecpi, qalaxaye qaltaq nataren qome, qaq yemayepi ỹe'eguelaxa qome Ñim Nataxala', qaq Ñimaye ichoxoren qome yemayepi nache nataren.

Isaías 23:9

Qaq nacheñi Ñim Nataxala' maye Qaica ca Ỹaqalanapec ñim lapaxañi de'era da yaqto' nquigaxaañi da 'amqaanaxac, qataq huetaiya' naqa'en 'enauac na 'añaxaicpi ana 'alhua.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Números 21:7

Nache somayepi nqo'oneua'a co'ollaxa so Moisés nache, 'eeta': ¡Qomi' huo'o da qarasouaxashet souaxat da qolaqtapeguelec Ñim Nataxala', qataq 'am! ¡Qaq no'on da 'anachoxonnot qome Ñim Nataxala' da yaqto' qomi' ca'aisalo naqa'en na na'araxanaqpi! Nache so Moisés nachoxonnot co'ollaxa Ñim Nataxala'.