Éxodo 8:16 - La'aqtaqa Ñim Lo'onatac 'Enauacna 2013

¹⁶ Nache Ñim Nataxala' 'enapega so Moisés, 'eeta': «Qonapega qome ñi Aarón da ỹachaxaasheguem aca lashelte. Ime, qaq iuaxanoigui ca namoxoỹaxa da yaqto' nañigui 'aỹat nache talec 'enauac na Egipto».

Éxodo 8:16 Iomraidhean Croise

Salmos 105:31

Qataq co'ollaq detaqa Ñim Lo'onatac 'Enauacna, nache imattalec 'enauac yi'iye 'alhua ana lotaxañipi qataq ana 'aỹatpi.

Éxodo 4:23

Qaq ỹoqo'oye mashe sogote da 'am sheetega da 'aua'aqta'a da jec na ỹalec da yaqto' aỹem nqo'ona da aỹem natamnot, qalaxaye ye 'am saishet da 'auashenec, qaq nagui aỹem salauat ñi la'auaxanec 'aỹa'alec».

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 8:17

Qaq 'era da 'eetrec soomaye. Qaq so Aarón nache ỹachaxaasheguem na lhuaq. Ime, nache iuaxanoigui so namoxoỹaxa, nache 'enauac so namoxoỹaxa ye Egipto nañigui 'aỹat. Nache asomaye ỹataqta sa ỹalemaxat so shiỹaxauapi qataq so shiguiỹacpi.

Éxodo 8:18

Nache so 'oiquiaxaipi nataqa'en huotaique da nauegueuo ana 'aỹat qalaxaye saỹañoxot. Qaq ỹoqo'oye aso 'aỹat ỹataqta lamaaxa sa ỹauo'o ca ldaqa' so shiỹaxauapi qataq so shiguiỹacpi.

Éxodo 8:5

Nache Ñim Nataxala' 'enapego' so Moisés, 'eeta': «Qonapega qome ñi Aarón da ỹachaxaasheguem na lhuaq, naloqteetelec naqa'en ara lashelte so tala qataq na la'auaxacpi qataq na qa'aimpi, yaqto' chegoqchiguingui somaye aca miỹo da nnoxoosheguem, da yaqto' talec 'enauac na 'alhua na Egipto.»