Éxodo 8:12 - La'aqtaqa Ñim Lo'onatac 'Enauacna 2013

¹² Nache so Moisés qataq so Aarón, quera'ai so nỹec lta'araic maye lma' so faraón. Qaq co'ollaq ime de'era, nache so Moisés nqouagaxaunot Ñim Nataxala', souaxat aso miỹo maye maiche namaxaua'a Ñimaye so faraón.

Éxodo 8:12 Iomraidhean Croise

Salmos 105:31

Qataq co'ollaq detaqa Ñim Lo'onatac 'Enauacna, nache imattalec 'enauac yi'iye 'alhua ana lotaxañipi qataq ana 'aỹatpi.

Éxodo 10:18

Nache so Moisés, co'ollaq choche ca'ai so lma' lta'araic so faraón, nache nqouagaxaunot Ñim Nataxala'.

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 8:13

Nache Ñim Nataxala', ỹasateguet da lashelaxanaxac so Moisés. Huaña, qaq ileu aso miỹopi maye huetaiguilo naua nỹaqa qataq na qasoxocpi qataq na no'onaxa.

Éxodo 8:30

Qaq co'ollaq choche huenoxonec so Moisés, da ca'ai so lma' lta'araic so faraón, nache nqouagaxaunot Ñim Nataxala'.

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Ezequiel 36:37

Qaq Aỹem Nataxala', shenapec: Nataqa'en huo'o da lỹa so'ot qome. Sanem qome na nhuo' Israel le'ecpi cam iỹaxanaique da so'otec namayepi, qataq ñequigaxatec qome ye lcata na lauo' le'ecpi, 'eeta'am ñaqa'en ana qaguetapi.

1 Samuel 12:23

Qaq aỹem qalaq saishet qome da saxaañi da qami' ñatameetapegueleguete, yaqto' saishet da hueto'ot Ñim Nataxala' ca ỹasouaxashet, nacherata da qami' sapaxagueneque ca ỹaỹamaqchiguiñi, qataq ca no'on qoyecỹaxaqui,