Éxodo 8:11 - La'aqtaqa Ñim Lo'onatac 'Enauacna 2013

¹¹ Qaq huaña qome nache 'am ca'ai ana miỹo qataq ñim 'arma' lta'araic, qataq na lma' na artauapi qataq na 'arhuo' le'ecpi nache ndotec so tala da huetangui anamaye.»

Éxodo 8:11 Iomraidhean Croise

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 7:13

Qalaxaye ñaqaiyeta so faraón ñaq queta da ỹataqta qaramchigui, nache saishet da iqocha'alo soomaye, qaq ỹataqta ipacchigui da la'aqtac Ñim Nataxala'.

Éxodo 7:14

Ime, nache Ñim Nataxala' 'enapega so Moisés, 'eeta': «Ñi faraón ỹataqta qaramchigui, qataq saishet da ỹashen da jec na Israel le'ecpi.

Éxodo 8:12

Nache so Moisés qataq so Aarón, quera'ai so nỹec lta'araic maye lma' so faraón. Qaq co'ollaq ime de'era, nache so Moisés nqouagaxaunot Ñim Nataxala', souaxat aso miỹo maye maiche namaxaua'a Ñimaye so faraón.

Éxodo 8:13

Nache Ñim Nataxala', ỹasateguet da lashelaxanaxac so Moisés. Huaña, qaq ileu aso miỹopi maye huetaiguilo naua nỹaqa qataq na qasoxocpi qataq na no'onaxa.

Éxodo 8:3

Nache so tala ỹataqta demalle ñaqa'en qome aca miỹo. Ime, qaq chegoqchiguingui qome somaye aca miỹo da taigui ñi 'arma' lta'araic qataq yem 'aro'ochaqa' qataq nam lma'pi na 'artauapi qataq 'enauac nam 'arhuo' le'ecpi qataq ana nqatelaxanaxaquipi qataq ye ndaqnaxanaqa' da qaỹo'ot ana nauole 'ayiiña.

Éxodo 8:9

Nache so Moisés, ỹasateguet so faraón, nache 'enapeco': «Ñaq aỹem 'aua'aqtaxanem ¿chaq lagui qaq 'auauotaique da aỹem 'am ñeqouagaxaueelec qataq nam 'artauapi qataq nam 'arhuo' le'ecpi, da yaqto' ana miỹo 'am ca'ai qataq ñi 'arma' lta'araic, nache ndotec so tala da huetangui?»