Éxodo 7:2 - La'aqtaqa Ñim Lo'onatac 'Enauacna 2013

² Nache 'am 'aua'axatem so Aarón 'enauac nam 'am samaxalec. Ime, nache somaye 'enapega ñi faraón, da ỹasheeta da ca'ai naqa'en ne'ena 'alhua na Israel le'ecpi.

Éxodo 7:2 Iomraidhean Croise

1 Reyes 22:14

Nache so Micaía, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

Éxodo 4:15

'Autaxaỹapegue' qome ñimaye, nache 'aua'axatem 'enauac na 'am samaxalec da 'aua'axat, yaqto' ñimaye nache ỹa'axat na 'ara'aqtacpi qome. Qaq aỹem soota'aguet qome ñimaye, qataq da ivita da qautaqai, qalaq qami' sapaxagueneque ca lataxac cam qauo'oche.

Éxodo 4:16

Qaq ñi Aarón 'am detaqlec qome da detaxaỹapegue' na nhuo' le'ecpi, qaq 'eeta'am da nache 'am da 'autaqtac. Qaq 'am, nache qoneta'am da nache aỹem da setaqtac.

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 6:29

nache 'enapega, 'eeta': «Aỹem maye Nachaỹem Nataxala'. 'Aua'axatem qome ñi faraón, ñim nta'a maye ilotague' na netaña na Egipto, 'enauac na 'am sa'axatem».

Éxodo 7:6

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'.

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Jeremías 1:7

Qalaxaye Ñim Nataxala' aỹem 'enapega, 'eeta': «Saishet qome da qonapec da ñaq 'am nsoqolec. Cha'aye 'am 'aigue qome cam 'am samaxague, qataq 'aua'axat qome cam 'am samaxalec.

Ezequiel 3:10

Qaq ime, nache qaltaq aỹem 'enapega, 'eeta': «'Ana'axaỹaxaachigui 'enauac nam 'am sa'axatem, ime nache 'aỹa'anaigui ye 'antoonaxac.

Ezequiel 3:17

«'Am shiỹaxaua, Aỹem 'am sanagui da 'am lauanaxanaxanec na nhuo' Israel le'ecpi. Qaq da ivita da 'am sanem ca ỹa'aqtac nache 'aua'aqtaxanem namayepi da aỹem ỹa'aqtac, yaqto' namayepi ỹaỹaten cam ỹo'ot.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Deuteronómio 4:2

Qataq saishet qome da qanqotchiñiiuec, huo'otaq da huo'o ca qanqache ne'enaua na'aqtaqa maye qami' samaxaleguete, nacherata da qaualaqaigueta qome ne'enaua lamaxasoxonaxaco Ñim Nataxala' maye Qanatamnaxala'ai.