Éxodo 7:16 - La'aqtaqa Ñim Lo'onatac 'Enauacna 2013

¹⁶ Qaq nache huaña yemaye qome, da qonapega, qoneta': ‹Ñim Nataxala' maye Natamnaxala' na hebreopi, Ñimaye aỹem namaq da 'am shenapega da 'aua'aqta'a na lalamaxatpi Ñimaye da taỹa ye toolec 'alhua da natamnot. Qalaxaye ñaq 'eetalec nagui da saishet da 'aualaq›

Éxodo 7:16 Iomraidhean Croise

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 13:15

Qataq so faraón ỹataqta qaramchigui añi lquiyaqte da saishet da qomi' ỹaxaarec, qaq ỹoqo'oye Ñim Nataxala' ỹalauat so la'auaxanec llalec ñi 'oonolec so Egipto le'ecpi qataq 'enauac so la'auaxanec llalec so shiguiỹacpi. Qaq ỹoqo'oye qomi' sanaqot Ñim Nataxala' nam qara'auaxanec qoyalec ỹale, qataq ana qarachetaqtaxanaqte maye nmeneguet namayepi.

Éxodo 14:5

Qaq so nta'a ye Egipto co'ollaq ỹaỹaten da so Israel le'ecpi no'otauec, nache somaye qataq so nalleppi huo'o da ntogotaxac souaxat somayepi, nache 'enapeco': «¿Chaq ta'ainco' da sashenaqtec da jec so Israel le'ecpi, da yaqto' ỹaxaañi da qomi' do'onataxaatacoto?»

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Éxodo 3:13

Qalaxaye so Moisés qaltaq 'enapego' Ñim Lo'onatac 'Enauacna, 'eeta': «Damaye ỹataqta seqalana'a, da aỹem shenapega ye Israel le'ecpi da sheeta': ‹Ñim Lo'onatac 'Enauacna maye Natamnaxala' soua hua'au' qarta'alli' aỹem namaxalo qami'›, qaq da huo'otaq aỹem inat da 'eeta': ‹¿Qaq 'eetec ca le'enaxat camaxa? Nache ¿ca sheetec ca ỹa'aqtac?›»

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Éxodo 4:22

Nache 'am qome qonapega ñi faraón, qoneta': Ñim Nataxala' da la'aqtac 'eeta': ‹So Israel nacheso so la'auaxanec ỹalec›.

Éxodo 4:23

Qaq ỹoqo'oye mashe sogote da 'am sheetega da 'aua'aqta'a da jec na ỹalec da yaqto' aỹem nqo'ona da aỹem natamnot, qalaxaye ye 'am saishet da 'auashenec, qaq nagui aỹem salauat ñi la'auaxanec 'aỹa'alec».

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 8:1

nache Ñim Nataxala' 'enapego' so Moisés, 'eeta': «'Anqo'oneua'a qome ñi faraón, nache qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 8:20

Nache Ñim Nataxala' 'enapega so Moisés, 'eeta': «'Ano'ottasheguem qonte' nte'etom. Ime, qaq 'anqo'oneua'a ñi faraón, cha'aye qonte' naxaama so tala ñemaxa. Ime, qaq qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 9:1

Nache Ñim Nataxala', 'enapega so Moisés, 'eeta': «'Anqo'oneua'a qome ñi faraón, nache qonapega, qoneta': ‹Ñim Nataxala' maye Natamnaxala' na hebreopi da la'aqtac, 'eeta': 'Aua'aqta'a qome da jec na ỹalamaxatpi, da yaqto' aỹem natamnot.

Éxodo 9:13

Nache Ñim Nataxala' 'enapega so Moisés 'eeta': «'Ano'ottasheguem qonte' nte'etom. Ime, qaq 'anqo'oneua'a ñi faraón, nache qonapega, qoneta': Ñim Nataxala' maye Natamnaxala' na hebreopi da la'aqtac, 'eeta': 'Aua'aqta'a qome da jec na ỹalamaxatpi, da yaqto' aỹem natamnot,

Isaías 45:13

Aỹem so'ot da yo'oq so Ciro da yaqto' dauegaxan, qataq so'ot qome da saqalaq 'enauac nam llecpi, Qaq somaye nacheso qome so qaltaq no'oxoosheguem yem ỹalamaxat huaqta'a't nỹecpi, qataq huesoueeguesop naqa'en da ñecoñetaguec na ncoñeteguishecpi maye ỹalamaxatpi, qalaq saishet qome da iỹaxanaique aca lasheue huo'otaq da qaỹauo'o ca nme. Qaq 'era da la'aqtac Ñim Nataxala' maye Qaica ca Ỹaqalanapec.

Jeremías 50:33

Ñim Nataxala' maye Qaica ca Ỹaqalanapec, 'eeta': «Na nhuo' Israel le'ecpi qataq na Judá le'ecpi, nque'etaxaatapigui da qaipataqta'a't. Na mpa'aguenaxauapi namayepi icoñettai' nache saishet da ỹaxanec.