Éxodo 6:3 - La'aqtaqa Ñim Lo'onatac 'Enauacna 2013

³ Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Éxodo 6:3 Iomraidhean Croise

Génesis 13:18

Qaq huaña nache so Abram nqat so lpe'l, nache jec da naña yem saqaỹapeque so huaqta'a't nỹecpi ye Hebrón, yem huaña aso qo'oipaqpi le'enaxat encina, maye lalamaxat som ỹale le'enaxat Mamre. Qaq huaña yemaye nache no'oxoosheguem aso lca'atoxonaxalate da yaqto' ỹo'oxoren Ñim Nataxala'.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 22:14

Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Salmos 68:4

Qauo'onaxañi da qavio'oxoyiñi Ñim Lo'onatac 'Enauacna, qauo'oñi na no'onec da qavio'oxoyiñi da le'enaxat. Qavio'oxoyiñi Ñim netalec naxa na lo'oc na piguem, qantoñiitapeguec Ñim Nataxala'. Qantoñiitapeguec da Ñimaye qami' hueta'agueta.

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Éxodo 15:3

Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.

Éxodo 23:21

Qalaxaye saishet qome da qauỹochiiuec somaye, qataq qaualaqaiguet, cha'aye somaye ỹo'ot ca samaxalec, qataq saishet da ichoxonnai' ca qarasouaxashichi.

Éxodo 3:14

Nache Ñim Lo'onatac 'Enauacna 'enapego' so Moisés, 'eeta': «Aỹem maye nache 'eetai' da qami' soota'agueta.» Qaq 'era qome da 'ara'aqtac da qonapega ye Israel le'ecpi, qoneta': «Ñim nache 'eetai' da qomi' hueta'agueta, aỹem namaxalo qami'.»

Isaías 42:8

Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Jeremías 16:21

Qaq ỹoqo'oye nagui, Aỹem sachaxana da ỹa'añaxac namayepi, yaqto' namayepi ỹaỹaten da ỹe'enaxat da Aỹem Nataxala'.»

Jeremías 33:2

«Aỹem Nataxala' maye ỹo'onata ana 'alhua, qataq so'ot co'ollaxa da lataxac, qataq saỹamaxatchiguiñi co'ollaq sanaña ye lma', 'am shenapega:

Ezequiel 20:5

Qataq qonapega, qoneta': 'Era da la'aqtac Ñim Nataxala': Co'ollaq lleca'aua'a na Israel, nache sanem so ỹa'aqtac som chegoxoguetpi namayepi, qataq ñachaxana somayepi co'ollaq huaña ye Egipto. Nache sachaxaasheguem na ihuaq nache san so ỹa'aqtac sheeta': Aỹem nachaỹem Natamnaxala' maye Qanatamnaxala'ai.

Ezequiel 37:13

Qaq qom sauaangui ana huachiquipi maye qoviitangui da qami' ñeqatyeshegue'm, nache huaña qome nache qauaỹacheñi qami' ỹalamaxat nhuo' le'ecpi, da Aỹem nachaỹem Nataxala'.

Ezequiel 37:6

Qami' sanaguilo qome ana qaro'otaipi, qataq sanauo na qarapache, qataq sauo'o na qaro'oqui, qataq sauo'oi naua qara'achelli', yaqto' ishet da qaltaq huo'o da qarca'alaqai. Qaq huaña qome nache qami' qauaỹacheñi da Aỹem nachaỹem Nataxala'.»

Juan 8:58

Nache So Jesús 'enapeco': –Aỹem ỹataqta 'eesa de'era qami' sa'axatema, da co'ollaq saxanaqca so Abraham, qalaq nale'ena da Aỹem huo'o.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Rut 1:20

Qalaxaye asomaye 'enapeco': «Saishet qome da qauỹaxañiỹa da ỹe'enaxat Noemí, maye nacherata da aỹem qauỹaxañiỹa Mara, cha'aye Ñim Qaica ca Ỹaqalanapec, aỹem ỹo'otec da qalota ỹaquicoxo.