Éxodo 5:2 - La'aqtaqa Ñim Lo'onatac 'Enauacna 2013

² Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Éxodo 5:2 Iomraidhean Croise

2 Reyes 18:35

Qaq ¿negue'to' que'eca natamnaxala' ne'ena ỹotta'a't shiỹaxauapi, maye ishet da nca'alaxateeguesop nam na'alhuapi da la'añaxac ñi nta'a ye Asiria? ¿Qaq ca 'eeteco' da qaupi'itaxañeetega da Ñim Nataxala', ishet da nca'alaxatec ye Jerusalén?»

2 Crónicas 32:14

'Enauac se'eso natamnaxala'pi se'eso ỹotta'a't shiỹaxauapi maye som hua'au ita'alpi ilaxachigui co'ollaxa. ¿Negue't ca ishet da nca'alaxateeguesop da ihuaqỹaxac? ¿Ta'ainco' da qaupicheetega da Ñim Qanatamnaxala'ai ishet da qami' nca'alaxatrec?

2 Crónicas 32:15

Qaq ỹoqo'oye no'on da saishet da qami' ỹatenache't ñi Ezequías, saishet qome da qaua'amaqchiñi, cha'aye se'eso ỹotta'a't shiỹaxauapi, da qaica co'ollaxa ca natamnaxala' da isoueeguesop somayepi da ỹa'añaxac, qataq da la'añaxac som hua'au ita'alpi, qaq nataqa'en Ñim Qanatamnaxala'ai saishet qome da qami' nca'alaxateeguesopa da ỹa'añaxac.»

2 Crónicas 32:19

Qaq detaqtega Ñim Atamnaxala' ye Jerusalén da 'eeta'am naqa'en da detaqtega na natamnaxala'pi na laỹepi ỹotta'a't shiỹaxauapi maye netalec ana 'alhua, nam atamnaxala'pi maye maiche lo'onatac na shiỹaxauapi.

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

Da na'aqtaguec so Job 15:25

Qaq 'era da 'eetec cam dataỹa'aguet Ñim Lo'onatac 'Enauacna, qataq cam nshegueetacot Ñim Qaica ca Ỹaqalanapec,

Da na'aqtaguec so Job 15:26

nache huota'a aca lpaqtaxanaqte da nshegueetega da nqapaxanot Ñimaye da delogui'.

Da na'aqtaguec so Job 21:15

¿Negue't Ñim Qaica ca Ỹaqalanapec, da nshetaique da so'onataxanaqtacot? ¿Negue'to' ca naigui da ñatamnaqtacot?

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.

Salmos 12:4

nam 'eeta' naxa da la'aqtac: «'Eeso' ya' ye huo'o na qorap da yaqto' huo'o ca sañoxotaq, cha'aye na qara'aqtaqa maye qomi' mpaxaaleguete, qaq ¿negue't ca ishet da qomi' ỹamaqta'ape?»

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Salmos 14:1

Na qaica ca ỹaỹaana'a da lhuennataxac, 'eeta': «Qaica ca Lo'onatac 'Enauacna.» Ỹoqo'oye 'enauac namayepi ỹataqta saỹaỹama'q naua ỹo'otta'ape qataq ỹataqta qauema, namayepi ỹataqta qaica ca choche 'oonolec da ỹo'ottac ca no'on.

Éxodo 3:19

Qalaxaye aỹem saỹateeta da ñim nta'a maye ilotague' ye netaña ye Egipto saishet qome da choche qami' ỹaxaarec, nato' qom serolec da ỹataqta lta'araic ỹa'añaxac.

Éxodo 7:17

Qaq ỹoqo'oye Ñim Nataxala' da la'aqtac, 'eeta': Nagui nache chegoqchiguiña de'era so'ot, da yaqto' 'am 'auaỹateeta da aỹem maye Nachaỹem Nataxala'. Qaq ỹoqo'oye ana'ana nashelte maye ñasoqta'a, seuaxaangui qome na 'etaxat na tala, yaqto' na 'etaxat nañigui ntago'q.

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Jeremías 42:13

Qalaxaye qami' da saishet da qauaỹamaxayiñi da qoñiỹalec ne'ena 'alhua, qataq da saqaualaqaiguet Ñim Nataxala', maye Qanatamnaxala'ai,

Jeremías 48:26

Qautaqcheche qome ye Moab, cha'aye yemaye dataỹa'aguet Ñim Nataxala'. Qaq huaña nache ye Moab ncocatapiguingui na lolaxat, nache 'enauac qome da qaỹe'eetac.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

1 Samuel 25:10

Qalaxaye so Nabal 'enapeco': ¿Negue't que'eca David? ¿Negue't que'eca llalec cam Yesé? ¡Cha'aye nagui qalota na nlatacpi maye dataueeguesop na na'aco'pi!