Éxodo 5:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 5:1 Iomraidhean Croise

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

Salmos 119:46

Qataq sa'axatem qome naua 'aramaxasoxonaxaco na nta'alpi, qaq saishet qome da ña'aloxootac,

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 10:4

Cha'aye qom ñaq queta da 'anqanaxattac da yaqto' saishet da jec namayepi, nache qonte', qaq aỹem ñamaxalec aca shiiquioxoipi na 'ana'alhua.

Éxodo 10:9

Nache so Moisés, 'enapeco': «Qomye qarỹatac na ñaqpiolec qataq na qarqueroxonecpi, qoyalaqpi, qoyalpi, qataq ana qarelo qaguetapi, huacapi, cha'aye ỹataqta lta'araic da qayo'oxonnataxanaxac da sho'oxorenaq Ñim Nataxala'.»

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Éxodo 33:13

Qaq da 'eesa de'era, nache aỹem 'auaỹaanaxanaxanec ca huotaique 'auo'otpi, yaqto' aỹem qome nataqa'en 'am sauotec, qataq qoqueto'ot da nache aỹem 'arpe'et. Qataq saishet da 'aucoua'ai ne'ena nhuo' le'ecpi, cha'aye 'am maye 'aralamaxat namayepi, saishet da aỹem.»

Éxodo 4:23

Qaq ỹoqo'oye mashe sogote da 'am sheetega da 'aua'aqta'a da jec na ỹalec da yaqto' aỹem nqo'ona da aỹem natamnot, qalaxaye ye 'am saishet da 'auashenec, qaq nagui aỹem salauat ñi la'auaxanec 'aỹa'alec».

Éxodo 6:11

«'Aue, qojec, nache qonapega ñi faraón da ỹasheeta da ca'ai qome ne'ena 'alhua na Israel le'ecpi.»

Éxodo 6:27

Qalaxaye nachesoua soua Moisés qataq Aarón da detaxairapegue' so faraón, da yaqto' nqateeguesopa ye 'alhua Egipto so Israel le'ecpi.

Éxodo 7:16

Qaq nache huaña yemaye qome, da qonapega, qoneta': ‹Ñim Nataxala' maye Natamnaxala' na hebreopi, Ñimaye aỹem namaq da 'am shenapega da 'aua'aqta'a na lalamaxatpi Ñimaye da taỹa ye toolec 'alhua da natamnot. Qalaxaye ñaq 'eetalec nagui da saishet da 'aualaq›

Éxodo 7:2

Nache 'am 'aua'axatem so Aarón 'enauac nam 'am samaxalec. Ime, nache somaye 'enapega ñi faraón, da ỹasheeta da ca'ai naqa'en ne'ena 'alhua na Israel le'ecpi.

Éxodo 8:1

nache Ñim Nataxala' 'enapego' so Moisés, 'eeta': «'Anqo'oneua'a qome ñi faraón, nache qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 8:16

Nache Ñim Nataxala' 'enapega so Moisés, 'eeta': «Qonapega qome ñi Aarón da ỹachaxaasheguem aca lashelte. Ime, qaq iuaxanoigui ca namoxoỹaxa da yaqto' nañigui 'aỹat nache talec 'enauac na Egipto».

Éxodo 8:17

Qaq 'era da 'eetrec soomaye. Qaq so Aarón nache ỹachaxaasheguem na lhuaq. Ime, nache iuaxanoigui so namoxoỹaxa, nache 'enauac so namoxoỹaxa ye Egipto nañigui 'aỹat. Nache asomaye ỹataqta sa ỹalemaxat so shiỹaxauapi qataq so shiguiỹacpi.

Éxodo 8:20

Nache Ñim Nataxala' 'enapega so Moisés, 'eeta': «'Ano'ottasheguem qonte' nte'etom. Ime, qaq 'anqo'oneua'a ñi faraón, cha'aye qonte' naxaama so tala ñemaxa. Ime, qaq qonapega, qoneta': Ñim Nataxala' da la'aqtac, 'eeta': 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 8:27

Qaq no'on qome da ñeqo'onaxa ye toolec 'alhua, yemaye ivi' naua tres na'axa'te, qaq soviraxa. Huaña qome yemaye, qaq savigaxataq aca qarachetaqtaxanaqte da sanqot Ñim Nataxala' maye Qanatamnaxala', da yaqto' qomi' sepagaqtelec da la'aqtac Ñimaye.»

Éxodo 9:1

Nache Ñim Nataxala', 'enapega so Moisés, 'eeta': «'Anqo'oneua'a qome ñi faraón, nache qonapega, qoneta': ‹Ñim Nataxala' maye Natamnaxala' na hebreopi da la'aqtac, 'eeta': 'Aua'aqta'a qome da jec na ỹalamaxatpi, da yaqto' aỹem natamnot.

Éxodo 9:2

Cha'aye qom saishet da 'aua'aqta'a da jec qataq nache queta da 'anlletañi,

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Hechos 4:29

Qaq nagui, 'am Qarataxala', ña 'aumeten da qanarenaguec. Qaq no'on da qomi' 'anema ca qara'añaxac, qomi' maye qomi' 'aramaxa'she, yaqto' saishet da huo'o ca qarcolanaxa da 'am sa'axataqtac.