Éxodo 4:21 - La'aqtaqa Ñim Lo'onatac 'Enauacna 2013

²¹ Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 4:21 Iomraidhean Croise

Génesis 6:3

Qalaxaye Ñim Nataxala' 'enapeco': «Saishet da sa'aqta'a ca shiỹaxaua da nache 'eetai' da nca'altauec, cha'aye camaye choche lapat. Qaq ỹoqo'oye sanem qome da ivi' caua ciento veinte vi'iye da nachaalataxac.»

1 Reyes 22:22

Nache somaye 'enapec: Qomye ñeqo'ona da so'onataxana na la'aqtaxanaxanecpi ñi nta'a, da ỹa'axat ñaqa'en da natenataxanaxac. Nache Ñim Nataxala' 'enapego' somaye, 'eeta': 'Aue, 'anqo'ona, nache 'auo'ot damaye, cha'aye 'auañoxot qome.

Salmos 105:25

ỹoqo'oye na Egipto le'ecpi nquiỹa se'eso nhuo' le'ecpi maye lalamaxatpi Ñimaye, nache ỹataqta dataỹa'aguet se'eso lamaxashecpi Ñimaye.

Salmos 78:43

co'ollaq huaña ye no'onaxa maye huaigui ye Soán, ye Egipto, da ỹo'ot co'ollaxa na lta'araicpi maye ỹo'ot da na'aalaxa.

Éxodo 10:1

Nache Ñim Nataxala' 'enapega so Moisés, 'eeta': «'Anqo'oneua'a qome ñi faraón, cha'aye aỹem so'otec ñimaye qataq na ltauapi da ỹataqta qaramchigui, yaqto' sachaxana namayepi da lta'araic ỹo'oxoyec maye ishet da so'ot,

Éxodo 10:20

Qalaxaye Ñim Nataxala', ỹo'otec so faraón da qaltaq qaramchigui naqa'en añi lquiyaqte da saishet da ỹashenec so Israel le'ecpi.

Éxodo 10:27

Qalaxaye Ñim Nataxala' ỹo'otec so faraón da ỹataqta qaramchigui añi lquiyaqte, da yaqto' saishet da ỹashenec somayepi.

Éxodo 11:10

Nache so Moisés qataq so Aarón, ỹo'o't 'enauac de'era ño'oxoyec, ỹauaachigui naqa'en so faraón, qalaxaye so faraón saishet da ỹashen da ca'ai ye Egipto so Israel le'ecpi, cha'aye Ñim Nataxala' nache 'ena'ac da somaye ỹataqta qaramchigui añi lquiyaqte.

Éxodo 11:9

Qaq co'ollaq ime, nache Ñim Nataxala' 'enapega so Moisés, 'eeta': «Ñi faraón ỹataqta saishet da qami' ỹoqocha'alo, qalaxaye yaqto' nquictec da ỹo'oxoyec souaxat da so'otec na Egipto».

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 14:8

Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Éxodo 3:19

Qalaxaye aỹem saỹateeta da ñim nta'a maye ilotague' ye netaña ye Egipto saishet qome da choche qami' ỹaxaarec, nato' qom serolec da ỹataqta lta'araic ỹa'añaxac.

Éxodo 3:20

Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Éxodo 7:13

Qalaxaye ñaqaiyeta so faraón ñaq queta da ỹataqta qaramchigui, nache saishet da iqocha'alo soomaye, qaq ỹataqta ipacchigui da la'aqtac Ñim Nataxala'.

Éxodo 7:3

Qalaxaye aỹem, sanem da ỹataqta qaramchigui añi lquiyaqte ñi faraón, qataq so'ot na qalota na'anecpi qataq nam ỹo'ot da na'aalaxa na Egipto.

Éxodo 8:11

Qaq huaña qome nache 'am ca'ai ana miỹo qataq ñim 'arma' lta'araic, qataq na lma' na artauapi qataq na 'arhuo' le'ecpi nache ndotec so tala da huetangui anamaye.»

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 8:32

Qalaxaye so faraón qaltaq ỹe'eguelaxalec da qaramchigui añi lquiyaqte, nache saishet da ỹashenec so Israel le'ecpi.

Éxodo 9:12

Qalaxaye Ñim Nataxala' ỹo'otec da ỹataqta qaramchigui naqa'en añi lquiyaqte so faraón, da yaqto' saishet da ỹoqocha'a so Moisés qataq so Aarón. Qaq ipacchigui dam la'aqtac co'olloxoche 'eetega so Moisés.

Éxodo 9:35

Nache so faraón qaltaq ỹe'eguelaxalec da qaramchigui añi lquiyaqte, nache qaltaq saishet da ỹashenec da jec so Israel le'ecpi. Qaq ipacchigui da la'aqtac Ñim Nataxala' co'ollaq 'eetega so Moisés.

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Isaías 63:17

¿Qaq ta'ainco' 'am Nataxala' da qomi' 'auo'oteque da sashoxolec da 'anqa'aicỹaxac, qataq da qaramchigui 'anqa'en da qarquiyaqteỹaxac da yaqto' qaica ca 'enec ñaqa'enaq 'Am? Ña qomi' 'añe'eguelaxalo souaxat da 'arauoche na 'aramaxashecpi qataq na nhuo' le'ecpi maye 'aralamaxatpi.

Juan 12:40

Ñim Lo'onatac 'Enauacna ỹo'otec naqa'en namayepi da sanauaañi qataq ỹataqta qaramchiguilo naqa'en naua lquiyaqtel, yaqto' namayepi saishet da nauaayiñi naua yo'oqchiguilo la'ai'te, qataq qaica ca ỹaỹaten da lquiyaqteỹaxac, qataq da saishet da Aỹem ñe'eguelaxa, da yaqto' ñataren.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

2 Corintios 2:16

Qalaxaye nam taỹa'a da deqat, ne'ena nchenaxanaxat, da alaitaỹaxac 'eeta'am ca dalaataxanapec. Qalaxaye nam taỹa'a da nca'alec, damaye 'eeta'am naqa'en cam ama na laita maye chegaqaigui da achaalataxac. Qaq ¿chaq negue'to' ca ishet da nalotaua'a de'era no'onataxanaxac?

Deuteronómio 2:36

Qaq nache chegoqchiguiña ye huaqta'a't nỹecpi ye Aroer maye hueto'ot na loigue ye tala Arnón, qataq so huaqta'a't nỹecpi maye naleguete aye lcomaraxalatepi ivitta'a ye Galaad, qaica ca ỹañoxot da qomi' dataỹa'agueta, cha'aye Ñim Nataxala' maye Qanatamnaxala' qomi' ỹanema somayepi da qoroxonec.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!