Éxodo 4:16 - La'aqtaqa Ñim Lo'onatac 'Enauacna 2013

¹⁶ Qaq ñi Aarón 'am detaqlec qome da detaxaỹapegue' na nhuo' le'ecpi, qaq 'eeta'am da nache 'am da 'autaqtac. Qaq 'am, nache qoneta'am da nache aỹem da setaqtac.

Éxodo 4:16 Iomraidhean Croise

Salmos 82:6

Qaq aỹem mashe shenapec co'ollaxa da qami' atamnaxala'pi, 'enauac da qoñiita qami' llalaqpi Ñim Nataỹaña 'Enauacna.

Éxodo 18:19

Qaq ỹoqo'oye nagui 'ana'axaỹaxana da iqataxac maye 'am sami', qaq Ñim Lo'onatac 'Enauacna 'am itauan qome. Qaq 'am qome nache 'am ltaxaỹaxanaxanec na nalamaxat nhuo' le'ecpi da 'autaxaỹapegue' Ñim Lo'onatac 'Enauacna, qataq da 'aỹa'anot Ñimaye cam qanqalaata'ai'.

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Éxodo 4:30

Nache so Aarón ỹa'axat 'enauac na la'aqtacpi Ñim Nataxala' maye ỹami' so Moisés, nataqa'en ỹo'ot na na'anecpi maye ỹo'ot da na'aalaxa, ỹauaachigui naqa'en so shiỹaxauapi.

Jeremías 36:32

Qaq huaña nache so Jeremías, ỹacona aso lỹa nere, nache ỹanem so Baruc maye leraxanaxanec, nache somaye ỹiyiñi co'ollaxa 'enauac nam la'aqtaxanaxacpi so Jeremías, qaq damaye, 'eeta': 'Enauac nam huetalec aso nere maye ỹavigaxat co'ollaxa so nta'a Joaquim, qaq so Jeremías qaltaq nquigaxattec na qalota laỹepi maye 'eeta'am na huetalec aso hua'auchiguiñi nere.