Éxodo 4:12 - La'aqtaqa Ñim Lo'onatac 'Enauacna 2013

¹² Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Éxodo 4:12 Iomraidhean Croise

Salmos 105:26

Huaña nache Ñim Lo'onatac 'Enauacna ỹamaq so lamaxashec Moisés qataq so Aarón maye lca'agui'she co'ollaxa,

Salmos 143:10

Aỹem 'auapaxaguenec qome da so'ot ca qonetapeguec, cha'aye nache 'Am Ñatamnaxala'. Som no'on Saqcha'a 'Ara'añaxac ñaq aỹem ỹauega qome ca nalochiguiñi 'alhua.

Salmos 32:9

Qaq saishet qome da qoneta'am na 'ashena huo'otaq na caaỹo, maye qaica ca ỹaỹaanapec nache iuen da qaỹauo'o ca nmiiguishec qataq naua lqueenaxanaqa'ate da yaqto' qanllañi, cha'aye da sa qoỹeetec de'era, nache saishet da qaipoteua'a.»

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Éxodo 4:13

Qalaxaye so Moisés ñaqaiyeta da queta da la'aqtac, 'eeta': «¡Aicoue, 'am Ỹataxala'! Aỹem 'anqouaguec taxa, da 'auamaq ca lỹa shiỹaxaua.»

Éxodo 4:15

'Autaxaỹapegue' qome ñimaye, nache 'aua'axatem 'enauac na 'am samaxalec da 'aua'axat, yaqto' ñimaye nache ỹa'axat na 'ara'aqtacpi qome. Qaq aỹem soota'aguet qome ñimaye, qataq da ivita da qautaqai, qalaq qami' sapaxagueneque ca lataxac cam qauo'oche.

Éxodo 4:16

Qaq ñi Aarón 'am detaqlec qome da detaxaỹapegue' na nhuo' le'ecpi, qaq 'eeta'am da nache 'am da 'autaqtac. Qaq 'am, nache qoneta'am da nache aỹem da setaqtac.

Isaías 49:2

Nache ỹo'ot da naua ỹa'aqtaqa 'eeta'ama ca ỹeelonec ỹaxaraic, qataq aỹem ỹapolec na lhuaq, nache sheeta'am naqa'en aca checna ỹaxarai qataq aỹem ỹoxotoigui so lchecna laỹe'.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Jeremías 1:9

Qaq huaña nache Ñim Nataxala' ỹauota'a na lhuaq da ipoteua'a na aỹap, nache aỹem 'enapega, 'eeta':

Números 16:28

Nache so Moisés qaltaq 'enapec: Nagui nache qauaỹachiñiita da Ñim Nataxala' nacheñi Ñim aỹem ỹamaxalec da so'ot 'enauac de'era, qaq saishet da so'ot ca maiche sheetapeguec.

Marcos 13:11

Qaq qom ivita da qami' qoỹaneua'alo na lta'alpi na shiỹaxauapi da qami' nmi't, nache saishet qome da leetapigui ye qarvilỹaxaqui da qoñiitega sa qauaỹachiñi ca qartaxaỹaxaqui. Cha'aye Ñim Lo'onatac 'Enauacna qami' ỹanema qome ca qara'aqtaqui, saishet da nache qami' da qautaqai, cha'aye nacheso So Saqcha'a Na'añaxac Qui'itta so qami' detaqleguete.

Lucas 11:1

Huo'o so na'a'q, nache So Jesús hueta'a so 'alhua da natameetac. Qaq co'ollaq imat da natamnaxac, nache huo'o so 'oonolec lapaxaguenatac dequiguiỹo'ot Somaye, 'eeta': –'Am Qarataxala' qomi' 'auapaxagueneque taxa da qanatamnaxac, 'eeta'am da 'eetec so Juan co'ollaq ỹapaxague'n soua lapaxaguenataqa.

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Efesios 6:19

Nataqa'en aỹem qanqouagaxauñiitalec, qauỹaxañiitacot Ñim Lo'onatac 'Enauacna da aỹem ỹanem ca ỹa'añaxac da sa'axat dam 'eetapeguec Ñimaye dam, nache 'eetai' da 'eetapeguec maye saqcha'a.

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.