Éxodo 4:11 - La'aqtaqa Ñim Lo'onatac 'Enauacna 2013

¹¹ Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Éxodo 4:11 Iomraidhean Croise

Génesis 11:7

Qaq no'on da senotaxauec, nache ỹotta'a't ñaqa'enaq na la'aqtacpi, yaqto' ñi 'oonolec saishet hua'axaiguet ca lỹa.»

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Salmos 146:8

Ñim Nataxala', ỹo'ot da nauaachiguiñi nam sa nauaañipi, Ñim Nataxala', nauaxaỹaxaasheguem nam huetaiya'pi, Ñim Nataxala' ỹauotec nam shiỹaxauapi maye no'on da lataxac,

Salmos 51:15

'Am Nataxala', ña 'auauachigui na aỹap, yaqto' ishet da so'onaxan da 'am sa'axatec.

Salmos 94:9

¿Peta'a sa hua'axaỹa qome de'era Ñim ỹo'o't naua ntela lauaco? Qataq ¿peta'a sa ila'a qome de'era Ñim ỹo'o't co'ollaxa naua na'ai'te?

Proverbios 20:12

Naua ntela ỹo'ot da na'axaỹaqchec qataq naua na'ai'te ỹo'ot da nauanaqchec, qaq naamaye maiche lo'onataqa Ñim Nataxala'

Isaías 42:7

Sauotaique da nauaañi 'anqa'en na qanamaicpi, qataq 'ausoueeguesop ana ncoñetaxanaxaquipi na ncoñeteguishecpi, qataq na ncoñeteguishecpi maye huetaigui na napalaxa.

Isaías 6:7

nache nhuocteguet naqa'en na aỹap aso poqo, nache 'eeta': «Ana'ana poqo nhuocteguet na 'ap. Dam qauem 'arataxac qataq na 'arasouaxashetpi qaỹapalaxat.»

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Jeremías 1:9

Qaq huaña nache Ñim Nataxala' ỹauota'a na lhuaq da ipoteua'a na aỹap, nache aỹem 'enapega, 'eeta':

Ezequiel 33:22

Qaq so pe lỹa co'ollaq saxanaxa da nvi' se'eso ỹale maye 'eltaxaic, nache Ñim Nataxala' aỹem ỹashel-lec nache qaicaua naua ỹa'aqtaqa, qaq so nte'eta so lỹa na'a'q co'ollaq nvi' se'eso ỹale, nache Ñim Nataxala' aỹem ỹe'eguelaxatema naua ỹa'aqtaqa, nache seshet da setaqa.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Lucas 1:20

Qalaxaye 'am ye saishet da aỹem 'aua'amaqten, qaq nagui qaicaua naua 'ara'aqtaqa. Nato' qom mashe ivita da ipacchigui de'era 'am sa'aqtaxaateguem.

Lucas 1:64

Nache huaña nataqa'en co'ollaxa da so Zacarías qaltaq ỹe'eguelaxalec da huo'oi naua la'aqtaqa, nache ỹo'oxoreetac Ñim Lo'onatac 'Enauacna.

Juan 10:21

Qalaxaye huo'o somayepi na 'eeta': –Qaica ca shiỹaxaua da huo'otaq huo'o ca netaigui saqcha'a na'añaxac leguemaxaic da 'eetec de'era da ltaxaỹaxac. Cha'aye ¿isheto' peta'a da huo'o ca netaigui ca saqcha'a na'añaxac leguemaxaic da nauaañi naqa'en ca qanamaic?