Éxodo 4:10 - La'aqtaqa Ñim Lo'onatac 'Enauacna 2013

¹⁰ Qalaxaye so Moisés 'enapego' Ñim Nataxala', 'eeta': «¡Aicoue, 'Am Ỹataxala'! ye aỹem na'aprapeguec naxa naua ỹa'aqtaqa da setaqa. Qaq damaye nache 'eetai', saishet da cheta'ague nagui da 'autaqtague' ne'ena 'arlatac, cha'aye nache 'eetai' soua hua'au' vi'iye aỹem 'apaic, qataq ỹaqalanec da itaxaỹaxac.»

Éxodo 4:10 Iomraidhean Croise

Da na'aqtaguec so Job 12:2

«¡Qaica ca qami' iqolegue't da ỹataqta 'eesa qoviita'aguet na shiỹaxauapi, qaq ỹoqo'oye da qaullivi, nache huaña da imeuo da naỹaanec!

Éxodo 3:11

Qalaxaye so Moisés 'enapego' Ñim Lo'onatac 'Enauacna, 'eeta': «¿Negue't aỹem, da yaqto' ñachaateua'a ñi faraón da yaqto' ñeqateeguesop ye Egipto ye Israel llalaqpi?»

Éxodo 4:1

Qalaxaye so Moisés 'enapeco': «Yemayepi qome saishet da aỹem ỹa'amaqten, qataq saishet da aỹem ỹoqocha'a. Nacherata da aỹem 'enapega qome, 'eeta': ‹Ñim Nataxala' yo'oqta da saishet da 'am nachaxana.›»

Éxodo 6:12

Qalaxaye so Moisés 'enapego' Ñim Nataxala', 'eeta': «Na Israel le'ecpi mashe saishet da aỹem ỹoqocha'a, qaq ¿hua'ago' ca 'eetec da aỹem ỹoqocha'a ñi faraón? Ye aỹem na'aprapeguec naua ỹa'aqtaqa».

Éxodo 6:30

Qalaxaye so Moisés 'enapeco': «'Am Nataxala', aỹem ỹataqta na'aptrapegue'c naxa naua ỹa'aqtaqa da setaqa, qaq ỹoqo'oye ¿hua'ago' ca 'eetec da aỹem ỹoqocha'a ñi faraón?»

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Hechos 7:22

Qaq ỹoqo'oye so Moisés qaỹapaxaguenec 'enauac nam no'on laỹaanec nam netaña ye Egipto. Nache somaye ivira'a da ỹataqta 'amaqtaqaic ỹale qataq 'añaxaic cam 'enapec qataq cam ỹo'ot.

2 Corintios 10:10

Cha'aye huo'o na 'eetega da naua ỹa'aqtaqa maye huetaleguete ana ỹere ỹataqta sa nsattegueta, qataq huo'o da la'añaxa'c, qaq dam ỹataxac da setaqtac, qalaq qaica ca ỹa'añaxac, qataq sa saỹaten da ỹaỹamaqchiyiñi naua ỹa'aqtaqa qataq ỹataqta qaica ca ỹayego't naua ỹa'aqtaqa, nachaqrata da qaỹo'ota'n.

2 Corintios 11:6

Qaq na'aictaxa da saishet da ỹoqta saỹaten da itaxaỹaxac, qalaxaye saỹateeta da huo'o ye sa'axattac. Qaq damaye, nache 'eetai' naxa da qami' sachaxaategalo, chegoqchigui 'enauac nam qami' so'oteque.