Éxodo 39:1 - La'aqtaqa Ñim Lo'onatac 'Enauacna 2013

¹ Qaq da lo'oxoỹaxa'c soua anogo da qaỹacoolec na no'onatacpi so npe'l, qalaq imalaqalec, tocalec, qataq togaxaraic da lo'oxoỹaxac. Nataqa'en soua alogo so Aarón da ntaxaỹaxanaxanec, qaỹe'enaxatchigui da lamaxasoxonaxac Ñim Nataxala' co'ollaq 'enapega so Moisés.

Éxodo 39:1 Iomraidhean Croise

Salmos 93:5

'Am Nataxala', naua 'aramaxasoxonaxaco ỹataqta sa deraỹai'salo, qataq da qui'itta 'arataxac nachera da tatec llo'oxoraxat añi atamnaxaqui maye 'aralamaqte.

Éxodo 25:4

qataq ca hualoq laỹe maye naueralec da lmalaxa, qataq ca naueralec da ltogaxa, qataq ca togaxaraic, qataq ca no'on hualoq maye isotta, qataq ca laue aca quetaq,

Éxodo 26:1

«Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.

Éxodo 28:5

Qaq da qaỹo'o't que'ecaua anogo, nache qaỹo'onataxana na oro qataq na hualoq laỹe imalaqalec, tocalec, togaxaraic da lo'oxoỹaxac qataq na chegaqaigui na lino.

Éxodo 31:10

qataq caua alogo ñi ntaxaỹaxanaxanec Aarón, qataq ñeua llalqa da ỹacoorelec da lo'onataxanaxac da ntaxaỹaxanaxanaqa,

Éxodo 35:19

qataq caua anogo da qaỹacoolec da qanayeuapegue' nam no'onatacpi que'eca npe'l, qataq caua alogo ñi ntaxaỹaxanaxanec Aarón, qataq caua alogo ñeua llalqa.»

Éxodo 35:23

Qaq som huo'o na lalamaxat hualoq laỹe malaxaraic, tocalec, qataq na togaxaraic da lo'oxoỹaxac, qataq na ỹataqta no'on lino qataq na quetaq laue, qataq na qagueta laue nqo'oilliguishec togaxaraic da lo'oxoỹaxac, qataq na ỹataqta no'on shiguiỹac lo'oc nache ndouo.

Éxodo 38:31

nataqa'en so na'attalec qataq aso qaitoqnañi lashe so lquet so npe'l maye ỹapoua'a se'eso qasoxoc, qataq so ñegueuo so npe'l maye huaña da qanauane' Ñim Nataxala'.

Éxodo 39:41

qataq so no'oxonec nogoxot da qaỹacoolec na no'onatacpi so npe'l, qataq soua alogo so ntaxaỹaxanaxanec Aarón, qataq soua alogo soua llalqa.

Ezequiel 42:14

Qaq na ntaxaỹaxanaxanecpi qom huenoxoneua'a yemaye, nache saishet da pa'auec da tauga ye pa'aỹauec qasoxoc da saxanaxa da nqa't naua alogo maye lo'onataxanaxaqui' da ỹacheraña yemaye, cha'aye ne'enaua alogo ỹataqta qui'itte'. Qaq da pa'auec da tauga ye hueta'a na nhuo' le'ecpi, qalaq iuen da ỹaayiñi caua lỹa't alogo.»

Ezequiel 43:12

Qaq 'ena na lapaqtañi nqataxacpi maye lalamaxat aso atamnaxaqui: 'enauac na 'alhua maye coleesop aso atamnaxaqui, nam huaña na pa'asheguem añi qasoxonaxa, namaye ỹataqta sa qaishetapec qome.»

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.

Hebreos 9:25

So Cristo saishet da ỹe'eguelaqtalec da huenoxoneuo da, 'eeta'am na nachetaqtaxanaxat maye qaỹavigaxatta maye ỹo'ottac naxa na lataxala'pi na ntaxaỹaxanaxanecpi ana 'alhua, cha'aye namayepi 'oonolec da pa'auo naxa ye vi'i da ỹaareuo naua ntago'q maye saishet da lalamaxat.