Éxodo 30:8 - La'aqtaqa Ñim Lo'onatac 'Enauacna 2013

⁸ Nataqa'en da avit da ỹe'eraxatoigui aca ncoỹaraxanaxaquipi, nache nataqa'en ỹavigaxat ca nchenaxanaxat, qataq ỹauaachigui naqa'en Ñim Nataxala'. Qaq 'era qome da nache 'eetai' lataxac da qoyecỹaxaqui qataq ca qaỹa'alquipi.

Éxodo 30:8 Iomraidhean Croise

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

1 Ts 5:17

Nache 'eetai' qome da qanqouagaxauñiitac.

Romanos 8:34

Qataq ¿ishet peta'a da huo'o ca ỹañoxot da ỹauo'o ca nhuaxanaguec? ¡'A'i, qaica, cha'aye So Jesucristo mashe ileualec namayepi! Qataq huo'o da lỹa, So Jesucristo nca'aleeguesop da nleuaxa, qaq nagui neta'ague na aloic Ñim Lo'onatac 'Enauacna, nache nachoxoreetapeguelec da shenaqta.

Éxodo 12:6

Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Éxodo 30:7

Qaq 'enauaque naua na'axa'te, nache ye nte'eta, ñi Aarón huapegue' da ỹaỹamaxaañi aca ncoỹaraxanaxaquipi, nache nataqa'en ỹavigaxat ca nchenaxanaxat maye ama da laitaỹaxac, ỹachalec aca nca'atoxonaxalate.

Éxodo 30:9

Qataq aca'aca nca'atoxonaxalate saishet qome da 'auachalec da 'auavigaxat ca nchenaxanaxat maye qaỹachegoxotauec, qataq da 'auachalec aca nachetaqtaxanaqte maye 'auavigaxatta, huo'otaq aca nañiguishe ala, huo'otaq da 'aucorelec ca nachetaqtaxanaxat lataxa.

1 Samuel 2:28

Qataq sachegoxottoigui 'enauac na Israel le'ecpi da lleca'aua'a so Aarón da yaqto' itaxaỹaxanaxanec, qataq da ỹaneuo aso nachetaqtaxanaqte maye qaỹavigaxatta, ỹasaxalec aso nca'atoxonaxalate maye ỹalamaqte, qataq da ỹavigaxat na nchenaxanaxat maye ama da laitaỹaxac, qataq da ỹaatañi so ntogue lapoxot le'enaxat efod da Aỹem naua'a. Qataq sanem co'ollaxa so hua'au 'arhuo' 'enauac aso nachetaqtaxanaqtepi maye na Israel le'ecpi ỹavigaxat naxa da Aỹem ỹanot.

2 Crónicas 26:18

nache somayepi dataỹa'aguet so nta'a nache 'enapega, 'eeta': «'Am nta'a Uzías, da qoỹanot na nchenaxanaxat Ñim Nataxala', damaye saishet da nache 'am da 'aro'onataxanaxac, cha'aye damaye lo'onataxanaxac na ntaxaỹaxanaxanecpi maye chegoxoguet so Aarón, nam qaiỹotaugapi co'ollaxa da lo'onataxanaxac damaye. Qaq ỹoqo'oye sa 'anaỹaloxon qome da 'apa'auec, qoca'ai ne'ena maye sa qaishetapec, cha'aye huo'o da 'arasouaxashet, qaq Ñim Lo'onatac 'Enauacna saishet da 'am ỹo'oxoren qome souaxat de'era 'auo'ot.»

Salmos 141:2

Ñaq 'am iviro'ot qome da ñatamnaxac, 'eeta'am ca nchenaxanaxat maye ama na laita, naua ihuaxaye maye 'am sachaxaato'oto, qalaq 'eeta'am ca nachetaqtaxanaxat da mashe avit.

Éxodo 25:37

Qataq 'auo'o't caua siete ncoỹaraxanaxaqui', da yaqto' icoỹattalec na dataỹaueegue,